其實我想買一套鼓都好耐，一路都想買一套真鼓，但係如果要買套真鼓放在屋企，一定會比人投訴，因為實在太曹啦，如果要做隔音就真係好貴...今日LUNCH時行過通利，見到有套電鼓,個店員仲話可以試下，咁咪坐低試下law............數分鐘後
上手都OK啦,點都無真嘅咁好,不過勝左夠方便，YAMAHA 價錢ok啦$7,000左右啦,正常價錢.....。
放工前打個電話比呀IP(教鼓呀SIR)問佢意見，佢話YAMAHA Ｄ鼓好差嫁，千其唔好買，好易壞,佢話左另一隻比我知,話果隻好Ｄ，價錢係＄20 ,000嘩好貴...點買....不過佢話好似有FRIEND放＄4,000都仲可以諗下
:)....搞到我成日都諗住佢
4 則留言:
你地冇自己一班band友租band房咩?係呀,香港地真係好難話買套鼓番屋企練,有位放都嘈死啦！不過我見似前有個打鼓friend,佢地間band房既隔音都係diy咖啦,用d盛蛋紙皮殼做咖，又去執學校唔要既二手地氈，幾慳！
用蛋殼加發泡膠隔音可能唔錯喎^^
呢樣攪得掂做乜都得啦..!!
好難架,月租BAND房比較貴,大約3000左右啦,大家暫時都未係咁PRO，可以唔洗諗住...
用d盛蛋紙皮殼做，嘩咁勁，WORK 唔 WORK 嫁....
用果d盛蛋紙皮係work咖！不過你要同街邊d阿婆爭囉，哈，有排儲咖。
我個friend當年好似有好大伙人一齊夾份，冇咁溶，佢當年都仲係學生，不過有做part time。
發佈留言