Good Bye 2006

個網絡塞左幾日.....度度都去唔到.....對我嘅影響都幾大，雖然唔係咩經濟學上嘅損失，但都足已令我內分泌失調，引至潛意識無所事事....

轉眼間又一年了，不經不覺....有卑有喜，.........再見啦2006. 2007 i am coming :)

聖誕禮物

昨日終於都一擇千金，買了份聖誕禮物比自己，.........出血

中獎

Yeah! 原來我都算有條中獎運，公司今年聖誕party 我又抽到野啦，數返轉頭原來我每年在office x'mas party 中都係有抽到野返屋企，多數都係錢啦，今年雖然金額唔係多，得幾舊水，當補下今個出血嘅聖誕節都好呀....yeah

計劃07

同往年一樣，為未來一年作個預算，為自己計劃一下：

1. 自己...重新整理一下，我手頭上嘅野,如job, Photo, Profile,....etc
總之我嘅所有野啦，唔好以為好易，復雜程度有如編寫「草目綱目」一樣咁難.....

2. 音樂...比前年的進步幅度比較小了一點點，來年好希望可以爭取到表演機會，作多點嚐試，望再有更大進步，去到另一個層次...

3.參賽...一路都好希望可以做一條animation嘅短片，用作參加IFVA，上年有朋友參加了另外嘅比賽，獲得了獎項，引發起內心果團火，不問成績...只求嘗試...同達成願望....

4.英文...用到就永遠都唔夠.....出國後更顯英文的貧乏.....都係時候從頭練習下啦...

5.很久沒有做過運動啦....想望可以抽多點時間打下波.....

06年大事回顧

年近12月尾，係時候為自己作返個大事回顧，06年頭曾經定下了好幾個計劃，大部份都可以一一實現，雖然唔係Ｄ咩大計劃，大動作，但一步一步實踐，總會有成功嘅一日.....事不而遲，回帶.....

１.第一個回顧就當然係單支韓國遊啦，都好多年無出國外遊啦，對上果次都經已係讀書時期（返大陸唔算），而且作為自由行都係首次，由book機票，到計劃行程，再到出發，自己找酒店，食咩，做咩，全權由我自己控制，果個感覺係真係好自由，好輕奮，....而且自由行至可以真正在果度感受下當地人生活，與當地人對話，食地道小食，行下當地菜市場，吸下當地地空氣，雖然攰，但有價值，雖然唔係豪華遊，但經已非常非常滿意了。

2.第二樣就唔係好野啦，我好飲酒雖然免強叫做飲得，但總有醉嘅時候，醉酒當然係會亂事，雖然出事果個唔係我，但某程度我的確要負上大部份責任，到最後平安無事，經已算係不幸中之大幸，在此對當晚影響到的朋友致歉，（不過亦想同你講句，你唔飲得唔好夾硬來)

3.好多野都完左啦，輕鬆晒，我講嘅係，我家中大玩具（drum set) 經已供完啦，分期左成年，而家終於可以多返小小錢洗啦........

而第二樣就係個讀緊課程都經已arm arm 完左，其實個課程主要係比左個新嘅路向，話比我知我下一步要點行，而且亦認識了好幾位好友，也成為了我合作的伙伴。yeah 以後星期6終於可以free D去玩啦

4.第一個學生，學鼓都有幾年了，雖然仍在有侍進步之中，但對於基本技巧，對我來說仍是卓卓有餘，而且教人打鼓都需要吸收經驗，也是個今年首個嚐試，課前被課，作為溫故知新，都係一件好事....


5第一個web site 制作，多得呀MAY個家姐肯比個咁嘅機會我，作個首次的嚐試，佢家姐因為結婚原故，想做一個wedding websit ，咁設計重任就落在我的身上，之前從未做過website，這次算係首次，劃多劃小總會有Ｄ壓力，但有個咁難得嘅機會，就一定要好好把握，多得友人作我技術上支援.....雖然自已睇返仍有幾多不足位，但主人家都十分滿意，同時亦為我帶來了其他工作.....當然會越來越忙，不過也是值得的.......

KATHY結婚網
http://www.kathyjoe.net/

06 大計對照（上年定下）
http://jacksit.blogspot.com/2005/12/06.html

關你鬼事咩??

藝人徐子琪嫁比李家成.....全城一好似瘋狂一樣，又上頭條，又做封面。就連公司入面嘅姐仔，都眾說紛紜又點點，又點點.....講到係似係佢嫁入去咁，又講話人地嫁幸福...又乜又勿.......又係咁發夢，果個係自己........人地結婚，關你鬼事咩......

加油

深宵工作時，打開Email Account....竟然發現一個韓文E-mail....才發現係韓國果個朋友嘅回覆，早一個月前send返張相比佢之後都一直音訊全無....石沉大海..........

收到個咁嘅Email，令有疲態及快張痴線的我又再從新加油工作了.....

唔該晒

我雖然係做一間賣電腦用品嘅公司度做，可是對電腦野真係一竅不通，講出黎都可能會比人笑，hehe....由於日前購入左個3.5" Extantal HD .....原來唔知到要fromat 左至用到，一野插入去個iMAC 又無野睇.....好彩有個又醒又24孝嘅老豆，幫我搞掂左.......終於用到啦.......thx....i am proud of u....

最後直路

去到這一刻..終於到左最後直路....衝呀...衝呀....

蘇菲的世界

近排對哲學特別有興趣,特意向友人借了一本名位 （蘇菲的世界）嘅書，本書用了小說型式令大家了解一下西方哲學史，主角係一個名叫蘇菲嘅女孩子嘅（希臘文：Sophia代表智慧） 由她順序把西方哲學史，由最早嘅蘇格拉低，柏拉圖，到現在的年代都一一有所交代，而且談到哲學，畫多畫小都會影嚮到宗教，及科學，佢都有包括在內，雖然係有好多都係皮毛，不過對於入門級都經已十分有趣，而且更令我想更深層去了解哲學這門學問....

全書分上下兩本，我剛成了一半........應該好快可以完成埋佢......如果想了解西方哲學史的話，這本誠意推介...

science of sleep

終於都睇左一套好期持嘅電影，Michel Gondry嘅science of sleep繼上一套（無痛失戀）之後，今次絕對無令我失望，道具，背景可看出心思，而故事方面，佢今次都係繼承（無痛失戀），大玩夢境與現實之間嘅關係，玩夢景一向是佢嘅強項，穿梭於夢景與現實之間，令人無發分別到底係現實定係夢境，又引發出人生如夢嘅感覺，從而令我諗起，莎士比亞名句（to be or not to be, that is the question)...

寂寞的男人

正工作中...itrun 正Rundom 左一隻 Ｎ年好耐都無聽過嘅歌，頓時產生了共鳴，令我立停下工作，感受一下。一隻歌在不同年紀，不同人生經歷後再聽返個感覺可以差好遠，....聽後無限感慨 ...張學友（寂寞的男人）......可能我真係好寂寞

家家有本難念的經

作為一個凡人，就一定有煩惱，問題係睇下多定係小，有好多煩惱並不是由你而起，其實可以與你無關，看似可以致身事外，但知到了或多或小對自己都會有所影嚮，（舉個例 :你個老死要宣佈破產，雖然與你無關，但或多或小對自己都會有Ｄ影嚮） 但事實又幫不上什麼，提出意見咩，又怕會礙左大事，點左條錯路比老友。果Ｄ位好難做........

年長了面對嘅問題再唔會係 1+1=2一條咁簡單嘅數學題，多左好多要顧慮嘅野，亦唔會３言２語就解決到.....亦唔會你諗咁簡單...一條直路行到尾.......而最緊要係一個決定之後又會直接影嚮到下一步.....又會引身好多其他問題.......都係一樣煩.......

急凍

今早比平時凍左好多.............唔願起身tim........ZZZ

工作情緒

火爆...火爆...火爆......小小野都能夠攪到我好鬼炆.....看來我要控制一下.....

I LOVE DRUM

近排真係忙都不得了.....好多野都要在deal line之前完成...（有Ｄ廢話)，以至有好多想做嘅野都放埋左一邊.....買左好多碟未得閒睇，同埋有好多節目都推左.....唯一有一樣野係停唔到嘅就係打鼓.....早前去下去下去到一個停滯位...可以叫做學習嘅津頸位....姐係學到咁上下學習就會開始慢落黎，這段時間其實幾難捱，看似有好多野都識，好多野都做到，對學習開始沉悶，有好多都人會因為咁嘅原因而放棄。可惜事實並不是這樣.......

其實要渡過這個階段非要用恆心同自己嘅堅持不可，只要你唔肯放棄，當過左個津頸位，就可以升華到更高層次....又再有生氣地練習，令我堅持嘅原因好簡單....I LOVE DRUM

JAY-Z is back

現今 hip hop 界之神重出江湖，早３年前一下急流引退出了隻BLACK ALBUM，風頭一時無兩，３年後又再次回歸，雖然有Ｄ唔嫁又嫁嘅感覺，不過佢做嘅hip hop music真係好得，單係一隻kingdom come ....都夠我聽幾日啦.......

咁又一年了

時間過得好快....不經不覺又一年....又一次愛情生忌

多謝手信

同事在日本回來，帶來了一張面巾一樣咁大嘅 燒魚餅.......haha....咁大張，有排食.....

thx Man...

望穿秋水

望穿秋水

終於收到風Michel Gondry 嘅新作......science of sleep，會在11月３０日上畫，終望等到啦....yeah


在７月嘅時候已同大家講過.....

http://jacksit.blogspot.com/2006/07/michel-gondry-tailer.html

11月中...會唔會早左Ｄ呢??

仲有成個幾月，聖誕先至到.....有好幾座大形商場和大廈，都亮起了聖誕燈飾，.......而家我只係11月中姐..仲有成個月至到.....洗唔洗快成咁呀......我仲未換季喎........

女友

近排我確係比較忙，無論在工在私，都忙到不得了，有同事見到咁嘅情況，就問我.....

fd :你成都咁多野做，又成日開OT，邊有時間拍拖呀?......(不只一次咁樣問)
J : 下我無拍拖喎......乜拍拖有樣睇嘅咩??
fd : 你個樣唔似喎??你會無拍拖....
J:係喎....無人𠱼呀ma....
fd :下.....你都無人𠱼 .........唔係掛.....
J :......事實就係......

不知咩原因，分了手年幾有多，也未能拾不起信心再次談戀愛，到底係上次真的太傷，定係下個仲未出現，係我要求太高，還是我自視過高，係我享受單身，還是害怕溝通，係我專心事業，還是用工作來麻醉寂寞.....一切一切我自己都無一個好確實嘅答案.....

Hard work mouth

今個月....有多個project在手....到底捱唔捱得過呢....到底可否開開心心過X MAS.......好快就知.......不過我知一定好辛苦....

微波國際新媒體藝術節

在地鐵看到 微波國際新媒體藝術節 的廣告，就知到時間好快就一年了，上年差不多同一個時間這個展覽我都有去睇到....有好多都仲好有印像.....

今日放工決定揪小小時間出來，到大會堂看看這個展覽，今次展覽邀請了7位國際知名媒體藝術家，以及他們的作品來港展出，全部都係互動性的作品，用有的用移動，有的用投射，有的用聲音，其實藝術品都可以好好玩......個人最愛嘅係一個名為“影子怪獸"的展品.....之前在網上見過介紹，都覺得好正，估不到有幸可以親身玩玩......有興趣者可到以網址 ....睇睇..


http://www.microwavefest.net/index.html/

再來看書

花了個多月終於完成左兩本“李天命“的著作...一本係“李天命的思考藝術“，另一本就係“李天命 -破惘“，自問自己看書是十分之慢，花一頭半個月至可完成一本書，我是不會為看書而廢寢忘食的，我只係會每天在臨睡之前花大約15~３0分來看書，天天如是，如是者看書和練鼓已成了每天除了食飯，訓覺之外必做的事情，至於愛看咩書，則無限定，只要係果排有mood睇咩就睇咩，有試過花了好幾個星期...睇晒全套“六鼎記“又有時會看下流行散文......又有時睇下藝術歷史.........咩都會睇下.......而且一定會睇晒....不會看到一半就放棄..........

講返果兩本書都係 97年前嘅著作，都出左好多年架啦，在未看書之前，我一向都對"說話時的謬誤，邏輯分析，“都好有興趣，而談論哲學最緊要係思為清析，這兩本書係以記敍形式把李天命的說話記碌低，以舉出多個說話謬誤作例子，以及個人得角度，講解一套他的哲學思想，又節碌了一場世界級的辯論比實，看過之後無疑有些觀點確係不大苟同，但其實對我個人的獨立思考確係有好大的益處，至小可以減小了好多由謬誤所帶來的謊言.......

PS: 請記住 李天命 不是 楊天命，李天命不是看風水的....不要攪錯....

Robbie Williams Album

Robbie Williams 用太攰為由，取消左來港嘅演唱會，不過一方面取消演唱，另一方面又有精力出新專輯，都唔知佢係真攰定假攰......

講返新碟名為Rude Box ....可口以話係玩野大碟，沒有ribbie 一般飛格，而係大玩80s music快歌為主，老實講...80's music is not my cup of tea, 而家聽返仲有Ｄ土嘅感覺....所以我今次其實唔係太因賞....

不過Robbie 出玩野大碟都唔係第一次，早幾年出左隻Swing When You're Winning ，都係大玩50's music 最多人識就係同Nicoie Kidman 合唱嘅Somethin' Stupid 同埋海底奇兵嘅主題曲 beyone the sea.......

四四正正

好耐都無咁著得咁四正....真係唔係太慣.....

友人婚禮......23小時......直踩

一個識左好多年嘅老死結婚....有幸成為兄弟團之一.....做兄弟對我面言都係一個初哥.....好多野都唔係有識....主要都係執頭執尾咁啦.....不過今次做兄弟真係好唔簡單....絕對係一個長時間作戰........

am 3:45 在家出發
am 4:15 開門利事
am 5:30 難開女家
am 6 :00 返回男家
am 8:00 女家回門
am 11:00 註冊
pm 1:30 lunch 開會
pm 2:30 小息
pm 4:00 到酒樓
pm 11:30離開酒樓
am 12:00 酒bar飲野
am 2:30 回家

我嘅真正工作主要係負責game 果part,，所以到左酒樓我至係最忙嘅時候......多得各姊妹通力合作....至得而順利進行...

之前果日由於有野要做，只是小睡1個小時多.....兩日加埋都係訓左3個鐘頭左右......攰到不得了.....不過成日行程都總算順行....

也在此祝佢地新婚快樂...

Korea Photo (II)

清溪廣場


奧運藝術館


菜市場


弦大街頭

Korea Photo (I)

數張精選照片，一同分享...

Label

Label 這個字可以有幾個意思..

1. 係一件死物，用作區分之用....又或者用作標名之用，如藥水上面嘅標籤....

2.就係一個形容詞，用作張一個標籤難化，例如有一電視藝員經常做奸角，咁就好容易比其他人張佢標籤化,當大家再次見到佢嘅時候，自自然然就會好容易當左佢係一個奸角.....又或者比人label左你係一個無乜有作為嘅人，咁樣嘅一個罪名.....就好難洗得去....同時別人就會以一庫有色眼鏡去睇你...又可能係睇死你......

其實在成個環境中，同上例子不難找到，又可能自己做左都未必知......本人好怕比人label....怕比人定左形（其實都經已比人定左形).其實有時別人只係見到你嘅一小部分，又或者太早下了定論，而妄顧的把你分類，但可惜比人label左就好難返轉頭，又可能要花上好大嘅勤力至會令人對你改觀...又或一路都不能改變...............

JACK X RYAN : Riceballs Podcast episode5

最新一集《兩舊飯在途上》,現正發放。
http://thericeballs.blogspot.com/

多個難忘的第一次

經過幾日嘅異地生活體驗終於都完結了，而家就再來一個小小嘅總結啦....

1. 難忘行到腳痛，都係找不到，經常在同一個地方行來行去，都係找不到個目的地，經總結後，單在幾日嘅行程，大多數都係步行居多，粗略估計幾日以來所行嘅路程，係我在hk行２個月咁多嘅總和，而且有大約４分之1
係行錯，從覆，怨枉，等等，但雖然係好累，都是值得的，有時會碰到好多意想不到嘅東西....

2.難忘嘅地道生活， 不是什麼豪華食宿，食得十分地道，住其實只係一般時鐘酒店(有時會遇到Ｄ男女上來爆房)，雖然未至於係民宿，但都好有果個感覺....

3.難忘嘅clubbing 經過，首次認識了一個韓國女仔，大家英文都係得半桶水...基理咕嚕咁....好似有Ｄ雞同鴨講，不過其實溝通仲有好多方法......講到個字唔知個發音咩，就用筆寫出來，個字唔識串咩，就畫公仔，用圖畫來表達...估唔到咁都可以傾左成晚，仲留左contant tim....唔知算唔算係大家想知嘅艷遇呢???有相為正無吹水....haha



大家見唔見到心口個字呢........有時野就係咁喬.


ps :由於5天行程發生嘅野太多不能盡碌....有幾會同大家見面時再講啦.....

自己一個人的旅行

終於等到出國旅遊嘅機會，出外旅遊其實都係今年大計中，其中一個大計之一，今次其實係個人首次出外旅遊，亦都係首次隻身出國，其實好難預計到會有Ｄ咩發生，一個陌生嘅國度，不同嘅語言，5天嘅行程，身邊沒有朋友，又可能會認識到好多新朋友，一個真正沒有父母陰下的時刻，到低我能否應負到呢......一方面好興奮，一方面又有Ｄ怕.......一切一切....有待回來後再同有家交代......

後會有期.....

倒扁!!倒扁!!倒扁!!

一個唔廉正嘅領導人，居然仲可以咁厚面皮出來大有聲講野..........

高治好波

GOAL~~~~~`

人生幾何

中秋夜，三五知己，老死，把酒當歌，吹水，八掛....人生幾何..........飲

看電影 (下）

上次題到我多看了一些非主流的電影，有人會講其實大可以到影藝或電影中心觀看，其實這個做法是當然的，其實在這地方有好多播放的場次及坐位都不會太多，也會有爆滿的情況，而且播放的時間十分難與我配合，所以有時有好多想睇嘅又可能會就不到時間而放棄.....所以就放棄了走入影院...而改為看DVD.....時間就更方便自己了

第二就係.....多了單憑個cover 個感覺，就立即下決定購買，其實鐘意興唔鐘意只係一線之差,非主流電影，可能除了個大導出名Ｄ之外，可能就一無所知，又可能連個導演係乜水都未必知，套套都以一個新鮮刺激，實驗嘅感覺去睇戲，有時找一Ｄ出色之作時...果份滿足感都可以係一種享受.....

JACK X RYAN : Riceballs Podcast Vol.4

Jack X Ryan:兩舊飯:向你細說一起唱K的日子（下集)
http://thericeballs.blogspot.com/

看電影 (上）

近這大半年，搜尋到好多不同國家及角度的電影，看戲多了但並不代表我去戲院多了，只是經常購入好多另類電影，主要原因可能我太懶，一來太懶排隊買飛，二來就係對香港購入的荷理活電影十分失望，與及近年荷理活電影十分缺乏有原創性的劇本，只董賣弄特技技考，看看近年以英雄掛帥漫畫改編的電影就知，以至故事太過刻板，從覆所至，第四就是以上的經已不能滿足我對電影的需要了。

製片商出錢去做一套電影，當然係想去賺錢，做一套大路，有爆炸，有美女，有3D....立即賣個滿堂紅，再加上公式安排，各個喜，成，轉，合位......就是一套完美的電影了.....

何謂好電影? 是否有以上嘅就係一套好電影呢....?看多了不同國家的電影，不同制作風格的電影，本人對歐洲風格特別感興趣，無論在用色及講故事技考方面，都有著為美得感覺，色溫感故然有自己一套，藍藍綠綠，可能與替攝時鏡頭及菲林有關啦，令他看得好舒服，自然.....而講故事技考可說是層出不窮，可以話有好多經已脫離了喜，成，轉，合的框框，可能會好悶，可能會好瘋狂.....但故事最後可能都係言之有物，令觀眾有所領會，這我就經已應為係好電影了.....

搶耳

昨日呀妹的電腦聽到這首歌，十分搶耳，很吸引....我估夾起上來都會幾好玩....

That is me

100% 工作..

100% 狂歡....

全無保留.........去到盡....

Angle-A

Angle-A 係一套法國電影，故事主要係講，一個全無自信，對個社會失去晒信心嘅人，點樣從一個跌落凡間嘅天使，從拾自信，從新享受生活，從新去愛

故事橋般其實並不新鮮，港式也拍過無數咁多次，有點兒可以用估到晒來型容，要讚嘅係導演嘅講故事技考，確係有一重張力把你留住，而且全黑白制作，配襯在靚到不得了嘅法國街頭，又另有一重深層次嘅感覺，令畫面更有吸引力....

其實算係一套小品嘅作品，不算精采絕輪，但有細味一面，完全表現法式自由一面......let me free...........

The Squid and The Whale

一個夫妻嘅家庭問題，引發出一個個不同嘅罛生相，引發出不同嘅枝節，有道德，有倫常，有love ，有sex.....導演在一個家庭中加入了不小，不同年領層嘅會面對到嘅問題，整體故事人物刻劃都算係明顯，而每一個枝節，都會令觀眾有所反思及矛盾，但可惜略嫌未夠深入，妻子角色描述得太小，而佢嘅問題較為被動.....其實可以有更多發展空間.....

作為橫掃去年各大獨立影展的小成本電影....當之無愧....
http://www.squidandthewhalemovie.com/

FAMA 農夫

早幾年有唱粗口歌唱到出晒名LMF，其實當LMF剛在未係好紅嘅時候都幾鐘意佢地嘅rap.....不過到左未期，對LMF開始有Ｄ技窮，同走下波,之後就為有放棄左佢地，其後都有好幾位香港rapper出來rap.....但我對佢地都提不起興趣，自從出左隊“農夫“反而覺得這隊野有Ｄ睇頭，做Ｄ音樂幾有heart.....佢無LMF咁粗口，但又不失有自己嘅立詳同態度，而且有DJ Tommy做音樂後盾,可以話勁.........近期最愛......



其中一首最愛.....

JACK X RYAN : Riceballs Podcast Vol.3

Jack X Ryan:兩舊飯:向你細說一起唱K的日子
http://thericeballs.blogspot.com/

開會

由於本人間公司有代理LG嘅NoteBook,所以經常會同LG 香港總公司嘅人聯絡，而一般都係由marketing 同事辦理相關事而，由於LG總公司好希望在大家Artwork design Fromat 上有一個共識，故此我這個公司入面日日對住部電腦做野嘅電車男，都要動身上去一次，開個design meeting....

由於一早知到LG Marketing嘅同事係一位韓國人，所以一早知到大家溝通係雖要用英語對答，但係估不到的事，原來今次開會既然有埋
LG最高層唔知咩社總一同開會，而佢就係講普通話嘅，成個meeting,都沖滿著英文同普通話，雖然我果兩樣野都唔係好，但總算係聽得明，不過係要比正常兩倍集中力至可以完全明晒，其實同都仲有位marketing同事，大家都係第一次開個咁嘅會...開頭真係好緊張呀.....個表現總算無影響我地公司啦.......其成個會入面我講得最多嘅係(對呀...好的....)....識聽唔識論......haha....用到果時至覺得唔夠呀.....

PＳ：果位韓國高層嘅present手法比較輕鬆，氣氛好好....值得學習.......

開心樂園

早幾日同左家人同遊迪士尼....這次係的第一次踏足迪士尼這個充滿幻想嘅地方......一個充滿歡樂嘅地方.....

其實都有一段好長嘅時間無同家人一齊去玩啦.....要數應該都要數返去讀書時期嘅階段......年紀大了工作及應酬多了，與家他共聚時間小了很多....（以上星期計算,大約差不多2-3個星期無見過呀媽啦)雖然係咁....我反而覺得我對佢地嘅感覺更加濃...更會想多關心一下佢地....可能人大了思想開始越來越接近啦.........不過可能中國人比較拘緊 ....有好多野大家只會放在也入面.....

回說迪士尼當日，天氣可算係好到不得了，不晒，又無雨，確係外遊嘅好日子，樂園入面滿是歡笑嘅氣份，令你不自覺個地，都會好舒服好愉快，不旦小朋友開心啦，就連大朋友都沉醉於歡樂之中，好難得見到一家人都玩得咁開心.....不知是迪士尼嘅神奇魔法，定係一家他聚埋一齊嘅天倫樂呢.......一同看過精采煙花感覺係...相當滿足.........

PS.望老父隻腳快Ｄ好番啦......見到你咁嘅情况，作為我又點會好受呢........

Singing in the rain....

Andy Warhol

看了一套關於Andy Warhol嘅記錄片.......一個字勁....佢勁就唔洗講啦....我都勁....因為我竟然可以睇得晒....成隻碟全英文對白，全無字幕....對我來講，真係幾吃力......

ps...其實有好多都唔係太明........

再來坪州

今年再被邀到坪州玩，經過主人家熱情款待，大家又玩得性起，決定停留一晚，大家一同玩通頂，第二日起來吸一口清新空氣......在人煙酬密嘅市區真係好難找到...........有如渡假一樣呀.........好relax.....

http://jacksit.blogspot.com/2005/07/blog-post_11.html

JACK X RYAN : Riceballs 懶飯超人 Episode 1

......姍姍來遲嘅懶飯超人,今次㚵於同大家見面呀.....

http://thericeballs.blogspot.com/

ClockWork Orange

又自多了一套 Stanley Kubrick 嘅經典電影，一早經已放左在家....遲遲未有開出來自........十分前衛....大瞻....真正經典....以下係一個開場嘅經典片段.........

香港風格2---消滅香港

早在上年有提過一本叫香港風格嘅書，我本人就十分鐘意......今年又再出左一本名為香港風格２之消滅香港.....當然唔會錯過啦.........

老實講，今次真係有Ｄ失望......成本書無論主題到內容，都有好大部份嘅從覆......有點講完又講嘅感覺.......好長氣....,而且今次有好多論點我
係唔係咁應同嘅.....有一part仲有Ｄ人身攻擊tim.........失望

8萬５事件又再次發生......

本人唔算係好有交帶，但總算係改善中，原因係好怕人無交帶，如一早約左我，但到果日放飛機，仲要連電話都無個果Ｄ......至憎.......

日前有份Job 本來都傾好左價錢同制作時間，都傾到攞file起layout嘅地步.......可是過左幾日遲遲未有回覆，可能係價錢又或者其他原因啦.....我都心知胞死腹中架啦.....無得做唔緊要喎，i
am not care......但係可唔可以出句聲呀.....單聲唔係咁難姐，況且大家都未見過面，有幾難開口jack......學鬼埋董先果Ｄ衰野，唔再講就唔存在.......side晒我Ｄ精神去諗........

有感而發

一早收消息知到堂弟A LEVEL 的成積不算很久差，但亦未如理想，在其Blog 得知他將會重讀F7, 亦下定決心明年再戰，他決定一切重新開始，自己改過個新英文名，開過一個新blog，新髮形....etc，來個破斧沉舟.........誓不擺休

每人有每人嘅路，你有你自己嘅選擇，我不便有什麼評論，反而對一切重新開始果方面本人又有另一種睇法.......改過個新英文名，開過一個新blog，新髮形，所有都係具體表面嘅東西，改與不改其實對個核心問題其實係無改過.....第二就係抺走過去來面對未來，如果過多幾年之後，又出現一個新嘅難關，唔通又改過個名，又開過個blog呀......又從頭來過????

我個人應為，要抺走過去，倒不如接受過去，時時刻刻都keep住一個錯誤嘅污點來警醒自己，總好過用一張白紙來從新寫過....來得有意義...... 要對自己的過去負責，難道好似日本人咁成日要削改侵華事件至得咩........與其花時間在想去改頭換面，不如認真想想個核心問顯，同埋下一步點行仲來得實制......

PS...Do your best.....

.......悶Show....

昨日與友朋睇了一個名為(HK STYLE)嘅show......我用一個show來形容是因為，好難去用一個定位來介定屬於那重演出，回說場show.......老實講一個字 悶..............真係我都唔知訓左幾多次.......訓完又醒，醒完又訓....做左50分鐘嘅短片，後半部無一條友鋼琴獨奏，存場無一句說話，無一句對白........為一可取之處就係燈光設計配合，及投影機與電視屏幕嘅互相配搭，好有新鮮感..........

WOO~~~~~~~~

今晚又係夾歌時間，成晚嘅表現感覺都十分良好，（偶然也有撻Ｑ啦),但當大家都好完滿咁夾完果隻歌，果刻真係好有衝動咁大叫出來，這就是夾歌嘅滿足感.........Wooooooooooooooo

PS. 當然有滿足係要負出代價，天天個多小時的不停練習是小不了的........也是值得的.....

JACK X RYAN : Riceballs 懶飯超人

Jack和Ryan決定玩大D,懶飯超人劇場制作中,詳情請去
http://thericeballs.blogspot.com/

蛇餅

好久沒有到個戲院睇戲.....印像中好對上一次係（文西），都幾個月啦....近機星期出現左好幾套電影想睇，有（鬼怪屋），(Death Note)，（魔盜王）......見今日可以早Ｄ攪掂Ｄ野，就拿拿林鬆人，走去APM睇返場戲，誰不知去到好似有錢派咁，多人到不得了，去到果時剛剛係6:30分，正正係開場時間，見到條隊咁長......有排排....決定鳴金收兵，擇人再睇啦.......學生哥快Ｄ放完個暑假啦....我想睇戲呀.......

CEO 對話

做左成年終有幾會與公司個CEO對話一番(並非照肺），MISS CEO 十分年輕貌美，為人並無架子，大家交談甚歡，係一等一好人（發火除外），與君對話，絕對有所的著......還有好多野要學習.......

同學飯局

7個唔同範疇嘅設計人，聚埋食飯..創意貢係爆燈啦....大家各自都咁忙，難得聚埋食飯.....感覺就係爽......haha

JACK X RYAN : Riceballs Podcast

Jack和Ryan化身成痴飯與懶飯,組成兩舊飯,拚發飯氣火花。
第一擊: 將煲飯聲錄成podcast,務求令大家飯氣攻心!
今次第一集podcast主題:剪頭髮。
兩舊飯 podcast正式上載.....
http://thericeballs.blogspot.com/

大鄉里

其實回大陸揼骨係一件好多人都試過,或者經已好有經驗嘅事，不過其實凡事都有第一次....今日我就真係做左個大鄉里啦....

朋友約我一同上大陸行過轉，行到中間時間無乜野做，有人提議去揼骨，揼返幾粒鐘，之後去食飯，時間arm arm 好，之後去左唔知咩咩水療中心.......就開始變鄉里嘅旅程啦.....入到去第一件事就係get off...除晒Ｄ衫....個個二話不說，除到一件都無，齊齊來個玉白相見，咁嘅情況，對初參預的我實在有小小懢界，之後冲返個涼....開始比人揼......

自問身體感觀細胞異於常人，敏感非常，有Ｄ位摸一摸都人好癢又或者不停發笑，所以每每揼到果Ｄ敏感位，立即都令我面形紐曲，啼笑不得......如事者，經過接近1小時多的辛勞之後.....我個人發現，比起未揼之前更加累......都係唔揼好過.....

PS: 晚飯到左唔知邊度食自坐餐.....果間野多野食到不得了，成個food count咁.......真係有好多野都未試晒.....好飽......

2001太空漫游

早前友人比左隻經典電影比我睇 ，正是由1968年stanley Kubrick拍成嘅2001太空漫游，其實對現在來講太空係一個神祕及充滿幻想嘅地方，但導演其實用左一重對太空嘅不安感覺作為主線，與及出現當時第一台會背叛人類嘅電腦.....可想而知個導演在1968年有幾咁前衛

第二值得講嘅係佢成套戲嘅配樂同物理反應都十分出色，由於太空中係無空氣，聲音無發傳播，所以機本在太空中係完全無聲，所以佢用左好多交響作背景音樂，令太空更顯優美，亦由於無空氣，一般爆炸係沒有燃燒，所以係無火嘅出現，他又以圓形的太空站的結構，正正合適無重狀下的物理所應.....而大師級作品，鏡頭取景可說是完美來形容......以1968年拍，到2006年睇乜沒有過時的感覺.....十分經典.......更有人概信，現在我們有好多對太空的幻想,都係由該電影所引發........係一套查具影響力的電影......

可惜到到最後都無發了解晒整戲嘅結尾....實在太深啦.........

me

近日發現，原來一路都沒有放過家中這大玩具的照片上來.....練鼓地方.....(偷拍片段)

ps: 祝我的呀sir....日本北海道出show 成功....

朋友

由細到大都無變過.......我對同你嘅朋友關係好失望呀...........

軟硬

未睇嘅朋友...為未影響到你地嘅情緒....可以唔好睇住.....

撻Ｑ....

今晚係夾歌時間.......自己其實比我預其差左小小.......發輝上未係太滿意.....好有錯敗感....shit..........

death Note Movie Trailer

令人期侍......

PS:點解會用左隻 red hot 嘅歌做trailer嘅配樂呢???有點古怪.....

一一年一度...又船河....

又到一年一度嘅船河之旅，今年比起往年的船河無乜大分別....都係照常時間集合，人腳變動不大，都係果十幾２０個。同埋今年游水嘅時間小左......多左晒太陽...吹水....

不過反而想講下游完之後嘅飯局，一般平時游完水都好快離開西貢，不過由於今日太過水泄不通，所以決定留在西貢食埋野至走， 去左一間泰國野(佢地話好出名),都唔係太貴，味道都幾好....正，食完就貢係要食糖水啦....去到西貢，點可以唔食滿記呀......嘩...好滿足呀.....

DU 10次地鐵

原來一次過DU 10次地鐵係咁過引.........

男人的感慨

昨日與同事一同放工，（果位同事足足大我十年，單身，相貌不算美也不算醜，同樣做design出身），在車程中嘅對話.......

J : 係喎點解你到而家都無女友??你有否心急??
M: 無喎....
Ｊ: 係咪你要求太高呀.....
M :都唔算啦...不過點樣始終都有個界線啦....唔通返大陸求其執個咩??
J:咁又係....
M: 不過自問條件都唔算好好...條件高嘅女仔又唔輪到我....差果Ｄ又唔想求其執個
Ｊ:下ok啦....又唔係失業，又唔係無錢，又無乜不良嗜好，幾好架啦....
M: 我欠缺了一份 ......成就......我總覺得30幾歲人仲係好似我而家咁，係差小小野....
J :..........呆左.......

人越大要顧慮嘅野就越來越多，小時看不到的問題，慢慢浮現出來...發福，脫髮，無錢，無老婆，無前途，老父母嘅生活，無成就....等等....每一樣野都係壓力....每一樣都人直接影嚮到下一步點行，都直接影嚮到個結果，我雖然仲未到果個階段，但亦開始聞到果估味道....並同時向著方向前進.....這就是男人的感慨及無奈.......

Crash....

人與人之間其實咁奇妙，你每做一做事，都會有一個個不同嘅連所反應，可能有好，可能有壞，可能你擦覺唔到，但一直全在，全片以一個個不同情度嘅種族歧視作為開端，再引發出一連串生活嘅故事....其實只要每人行多一步...愛就會出現....

crash由提材至到拍攝技巧上，都比斷背山好，得到最佳電影，係實致名歸.......推介

我個hard disk 死左

面對大量Artwork工作,及功課在的前面....但腦內一點idea...都沒有.....不知應該行咩方向，不知用咩comcept......終日原地踏步....浪費時間...係 設計人嘅一大苦腦......就黎死期到....

Michel Gondry ..新作Tailer

後補Michel Gondry 新作嘅tailer.....science of sleep



絕對期待......

Michel Gondry

Michel Gondry對好多人都好可能未必識得佢....其實佢係一位好出色踂導演...拍過無數咁多個出色嘅MV....占基利果套{無痛失戀）就係佢做導演，佢個腦真係唔知咩構造，可以諗到Ｄ咁勁嘅idea.....都仲未知係邊個....比你睇埋佢同Kylie Minogue - Come Into My World 嘅經典MV 就會知佢有幾勁架啦....



今日從雜誌見到佢張會有新戲上....盡對其待.......

釣釣釣釣...釣墨魚

約左班朋友仔一行26 - 27人一同前往釣墨魚....當中我只係認識7-8個左右，其他果Ｄ就完全未見過....7 :00 TST 出發一路向東行......到左將軍澳對出海面停下...開始釣......

其實今次都係第一次去釣墨魚....經朋友指點之後發現其實係完全無技巧可言....只係靠負6勾佢上黎......昨晚就好好彩咁釣到兩大條.....成積經已係幾好架啦....有好多人都係食白果咋.....最後食埋Ｄ戰利品.....鳴金收兵........

DRUM SOLO

11歲細路嘅drum solo....勁

雙腳踏 Double Pedal

以上係想為家中drum set加添嘅雙腳踏....可以左右腳同時控制，令個pattern 更加密讓drum solo更加多變化.....不過到tom lee 睇過...實在太貴啦....最平嘅都要$1700.....shit........貴到買唔落手.......

新人

公司連續幾個月入左好幾位，年約22~23歲嘅妹妹仔做新同事......青春無敵天真活潑....更顯我地Ｄ舊人...老了....

nice movie....(Elephant)

Elephant 早幾年經已有留意到這套戲...該片攞左好多獎...係一套不可多得嘅電影，可惜一路都找不到，早幾日向友人借來這套DVD來看.....終於完左個心願........

至於套戲主要係講校園熗殺...開頭用好長嘅時間去交代外國嘅校園生活，導演好有心思咁去排每位嘅出場時間...次序....過場....亦交代左好多左好多原因會引至校園熗殺事件......其實開頭會有Ｄ悶....不過當你找到個Ｄ細心名心思位...就會覺得好有趣.......is a nice movie

講左咁耐係咪唔知點解套野叫elephant....其實elephant係有小小解作 肓人摸象嘅意思....每個人只能摸到成件事一小,其實成件事係有好多原因...又正因為咁....無人去正視這個問題.....

GET OUT

今屆世界杯我嘅心水冠軍，經已出晒局......本來心水今年阿根亭同巴西最有機會攞到冠軍.....點知...兩隊都係8強行人止步....英格蘭就本想入到4強...可惜又唔生性...比晒機會又把握唔到...而法國隊嘅施單真係好似標童上身咁...一個扭幾個....勁....

到左最後四強，得返德國,意大利，葡萄牙，同法國.......而家真係好難講邊個會攪到冠軍......

Robbie Williams Eternity MV

睇唔到個演唱會....睇個mv頂住當

比朗拿度握左

昨晚約左Ｄive同學仔食飯.....7點幾食到11:00食完就岩岩夠鐘開波....巴西對加納....一步出餐廳門口就見到，對面間bar播緊朗拿嘅精彩入球......洗唔洗咁快入波呀......嘩攪到我本來想盡快返屋企睇都等唔切....就咁入左去睇埋至走...點知佢條友仔...入左波之後就開始無影.....雖然最終巴西都已3比０勝出....而場波都尚算緊湊，不過都係有小小比朗拿度握左嘅感覺.....

死亡筆記

我都經已好幾年無睇過漫畫，讀書時代就真係幾迷，而家一來愛漫畫嘅熱情減退了，二來精彩嘅漫畫小很多......

不過近年有本幾出名嘅漫畫hit得幾厲害個名叫(死亡筆記），故事幾簡單，講一本死亡筆記（即係中國人嘅生死冊)流落左在人間主角人身上，佢只要在筆記上寫上人嘅名字就可以立即令果個人即時死亡.......而因為咁引發出連串故事......

我睇左兩期，都經已被佢吸引住，又從拾了當年愛漫畫嘅感覺，得知道（死亡筆記）經已拍成電影版.....遲Ｄ香港可能會有得做....

下水禮

上個月兩雨落左幾個星期，係今個星期叫好返小小.....我地更係會把握時間去游下水，順便𥄫下女啦...haha

今次就係06年嘅首渡下水，石澳個感覺幾好，個沙灘又唔算係太多人，又唔係太大浪，又唔算係太過熱，間中有微風，咁樣嘅天氣真係無得頂，經過今日之後....晒左一日之後......又變左隻燒豬.....相臂發...仲有Ｄ痛tim.......

緣差一面

超級巨星Robbie Williams來港表現，本想去親機一睹巨星台上風采，可惜開售第四日經已全部賣晒.........唉

開心

你嘅一個夾雜著好消息嘅來電......確實可以令我開心一整天，足已證明你在我心中嘅地位，係無變過.......

7仔

昨日相約友人看了一套舞台劇，套野叫（7仔），成套野好寫實，好生活，好有情有義，自問看舞台劇經驗不多，一隻手都數得出，所以不便評分，不過確實令我有好大驚喜，留下一個深刻印像........

Chemiacl Brother 最愛 MV

Chemical brother嘅MV 一向都相當有創意....以下係佢地其中一個ＭＶ.....玩得好.....正 {Get yourself high}



再來多個我好鐘意嘅MV....第一次睇嘅朋友，可能要花Ｄ時間‵至會知佢玩緊Ｄ乜野...

最憎嘅一種人

其實一路以來有一種人我係最憎嘅，就係｛揸住雞毛當令箭｝嘅人，人類由細到大都好清楚如何利用權勢，由當初一個普通職員，搖身一變變左你個老闆娘...嘴臉就自自然然會有好大嘅改變.......就算對你無乜點改變，佢所著嘅同帶嘅都變成明貴起來......果中嘴臉....認真惡頂......

曖昧

到式個曖昧關係，幾時至會完呢，幾時至會有一個理想嘅結果呢??

呀叔你幾時收皮呀??

由上個月嘅未解決呀叔紅極一時....帶起全勢熱潮，到左而家強弓之未啦咁...唔該係收皮啦...你好煩呀......

舊唱片

昨日幫位朋友尋找一隻舊歌....係張學友嘅（有個人）數數下隻歌都差不多有成7,8年啦....還記得當年我都係學友嘅fans.....佢一出碟就即該仆去四買果隻....

有個人專輯係張學友咁多隻碟之中我最鐘意果隻...原因好簡單，因為歌好聽，風格最多變化,耐聽......細看之下有多個熟識嘅名字如....陳奐仁，Eric Kwok, 黃偉文，林振強,潘源良，林子揚，就連cover design 都係michael lau......咁多勁人怪不知咁正啦....點解當年無留意到呢.....

5個鐘不停睇廣告

一早約了友人睇個世界廣告展覽....集合世界多個精選電視廣告於一身，有Ｄ條橋就好勁....有Ｄ做完都唔知做乜.....有Ｄ悶到嘔電.....有Ｄ煩到不堪，有Ｄ娘到爆,有Ｄ就笑爆咀.......本來諗住個show係一個鐘左右...點知加加埋埋原來成5個鐘頭......真真正正一次過睇晒我半年嘅廣告時間....haha

low battery

幾過幾日連番惡鬥...雖然張功課完成...但本人同樣完氣大傷.....以至現在長期儲意低電量狀態....都係聽隻歌差差電先......

終於完成

經過兩晚通頂終於在die line之前完成....雖然做左好多冤枉嘅步驟.....但係都總算ok啦......

music--this mouth my top hit song

Bad Day Daniel Powter 去片

功課 未解決

趕餐死嘅功最終都係趕好晒Ｄgraphic部份.....仲有database php部份本來想返到學校問人再加返落去.....好可惜.......
D file抄左落去條手指度.....但係Ｄfile花左...開唔返...最終只靠之前upload左上網果Ｄ...交住先啦........有Ｄ灰....唉

ps : joby nice to meet u 終於有幸見到你個真面目啦....ha

趕工

加緊趕工做功課........無時間啦.......

天陰陰生日會

成個星期𥚃面最差天氣都可以算係今日啦...落雨思濕有好多活動plan左都做唔到啦.....最終就係同Ｄfd一齊開開心心食個飯，簡單嘅都生日派對都可以過得好開心，而且有多位久未露面嘅朋友都嘗面出席.....確是難能可貴......就此再向各方好友講多聲...多謝晒....

Surpise.....birthday

從來無想過公司嘅同事會知到我幾時生日，因為因此至終都無提過，所以有同事親我做緊野嘅時侯，攞左個蛋糕出來，果刻真係有ｄ意外，真係多謝晒．

同埋其實布有好多朋友都約我生日出來玩，同埋爭住同我講生日快樂．．．就此多謝晒．．．：）

什麼世界

呀媽斬呀仔.....有無搞錯
呀仔斬呀媽....無天理

個感覺唔同晒

仲有一個月就世界杯，不知道由幾多年前開始，世界杯變成左有線電視的專利，無裝有線嘅朋友，就無得睇，還記得90世界杯時,
當年仲係讀緊小學，半夜三更扒起身，開著無線電視睇波，當時咁多場比賽，我相信都睇左一半有多.......當時睇波都仲係唔洗比錢，世界杯一到就好似一個極大嘅盛事，全城哄動.

回到而家呢，雖然都仲係一個盛事，但就好似失色左Ｄ啦....一來要比錢至有得睇，（就算去bar睇都係要比錢）二來可能有線成日都有波睇啦４大聯賽是播晚播....球迷好似經已慣左晚晚有波睇...到左世界杯都無乜感覺掛........

好難服侍嘅香簡人

其實香簡人嘅生活品味真係好鬼怪，一時一樣仲要係一鍋風咁樣去做，熱潮一過左就立即提都唔提.......好鬼現實......除左品味之外佢地對要求嘅野都有Ｄ故怪，就正如不停會話無記電視劇千篇一律全無創意，但當有出位或踩線位嘅時就會立即正直起來，又話教壞細路，又話要家長指引，又話唔應該播......咁即係點呀??乜野都係你講晒.........

就正如剛剛睇左個blog係講一個TVC （食京都念慈菴枇杷潤喉糖 哈囉，我係Chris）果個廣告，竟然有人留comment話（個太誇張了，攪到好似自戀狂，呢d要家長指引喇！）......唔係化.....，個adv好唔好就唔想就此批評，但係就足以證明香簡人嘅接受能力係差過人啦.......

又正如有露點嘅藝術作品，在外國嘅生活雜誌其實十分普遍，但香簡總有一些為道人士，出來指責世風日下 道得淪亡，....大佬唔該你可唔可以用藝術角度，而唔好用有色眼鏡去睇呀......而點解你會用有色眼鏡去睇，會唔會係因為你睇得太多四仔呢?

band sound day

事隔了一個月終於又再有幾會出來夾夾歌啦,可惜今次陣容唔齊，五缺一小左個主人音結他手......小左個人總係覺得小左Ｄ野咁，發揮得唔係咁好，而且成個月無夾過歌，有小小生疏了......無礙夾歌時間係最好玩的....yeah...i love this JAM

補鑊...

當有鑊野出左來。第一時間貢係要補鑊啦....補鑊故言之麻煩啦，中要隻鑊唔係己搞出來但係要幫手補就更煩，而且隻鑊仲大到關呼全線百老匯嘅promotion artwork.....就真係大大鑊.......

13區

法國動作電影.....有別於一般荷李活電影節奏，色彩，鏡頭富有新鮮感，３個字...型，勁，正....有幾會要睇睇....

玩玩玩

一連幾日嘅假期....不停都係玩玩,玩.......真係正到不得了........可借下星期就又有好多野等我做.......hard work.....................

這個係幫fd做嘅結婚site....都係首次用flash做web.....還有好多方有待改進....

www.kathyjoe.net

Clubbing 不盡興

回數上次clubbing都有成個幾月之前嘅事啦，幾位都難得揪空出來聚聚，出來蒲一蒲......起初在蘭桂坊吃了幾家的閂門羹，都有點兒不爽，最後轉到灣仔會展嘅club ing...終於有個地方可以收容我地啦.......

club ing 經從新裝修之後我都係首次落去....感覺當然同以前好唔同，但係又會覺得而家間間club都係一色一樣，360度長bar枱+水晶吊燈,就係而家club入面嘅指定設計.....千篇一律.....

說回clubbing 起初都玩得幾開心，至到有差人查牌搞左好耐，之後更要清場點人.......真係搞到無晒引.........之後搞到不盡興而回.......

MC hotdog

友人借來台灣hip hop歌手 MC Hotdog嘅最新CD，除左音樂做得好之外，Ｄ歌詞真係一絕，正正.....

Winning Eleven 10

大家久候嘅winning eleven 10終於登場啦......今日相約友人大戰一番......打winning 始終係好友聯誼嘅好方法...而今日經典球賽係瑞典對葡萄牙 上半場都4比３......最終完場5 : 5......勁haha

慢....

點解而家老麥嘅效率同服務可以咁差，條隊一Ｄ都唔係長，大約兩三個人，但係足足等左我15分鐘，先輪到我買......仲要Ｄ態度不知所謂，謂.....唉......最緊要真係同我講句〔多晒〕......唉......

以和為貴

好不幸錯過了上一習“黑社會“上映嘅機會，只好事後看回VCD，一看之被佢嘅氣份及張力所感染，令我一直留意佢第二習嘅上映期....今日正是“黑社會-以和為貴‘嘅上映期....我又點會錯過呢.....一條友第一時間飛去睇啦.....commet 內正是本人看後感...未看者勿進.....

夢想 童話

童話無可否應在每個人嘅心入面都可能會有，但生活在現實中就要面對好多實際嘅需要，同埋要為自己安排打算.....

友人嘅妹妹剛剛結左婚了，其實對他而言十分年輕得果22-23歲，可能不小少女嘅夢想都係找個自己鐘意嘅老公，之後就疊埋心小做小奶奶.....原來該位小妹妹也不例外，正有這個打算......

估不到到了21世紀，到處都提倡男女平等，女性自主，反而原來仲有人會有一個咁傳統嘅思想，結婚後專心相夫教子，做一個全職師奶....又可能佢仍然活在自己的夢想童話之中呢.....

對於我係一個男人而言，男人係絕對信唔過，現在可能對你千依百順，但當你年華已過，你又可否保證，佢真係會對你一世都係咁好呢......萬一不幸真的有被遺棄嘅一日，你又可否從新學習同適應新嘅生活呢???

姊妹門都係獨立Ｄ好.....

平平平...

今日下午無端端有人約去唱Ｋ，我見咁耐無去過，同理手頭上工作都差不多完成.....就奉陪出席，唱了好幾個小時....最後理單每位70元....真係低到爛.....





近日不知何因，中左GORLIAZ嘅毒.....令我重覆地聽佢地嘅作品....正

版權跟進

由於早前因為相片嘅版權問題，經過同事連日跟進，而家終於有左最後答案，

單一購買相片價錢ＨＫ$3,500，盜版罰款係相片價錢嘅100%,一共要交HK$8,000元正,其實經已係比我地想像中小，開頭大家都預左要萬多元才可以了事，由於經過同事嘅談判，再加上相片嘅曝光率不算太高，至有咁平，否側罰款可能係相片嘅500%.......暫時告一段落

Special thx

為了幫位朋友搞個結婚嘅site,由於有好多ActionScript嘅正確寫法，都仲未搞得掂，好彩多得友人丈義幫助，更大力協助網頁ASP嘅部分.....小弟不勝感激......唔該晒....

世紀大戰 第一回合

歐冠杯第一回合...巴塞 VS AC...點可以錯過......kick off

長大

相約左朋友出來睇戲，都有好耐無見過大家啦，大家都成長左好多，連話提都轉變了很多，以前嘅買CD,買波鞋，都變成了買樓，買股票......以前一齊出來玩，而話要儲錢做手期.....無錯大家真的長大了........追求嘅完全唔同晒.....


之前收到朋友大喜日子嘅消息，又要儲錢買老西，做人情啦.....數下數下原來大家都到左一個咁樣嘅年齡，Ｄ粉釭炸蛋，爆到９彩，個個都為將來打算，買樓，娶老婆，樣樣都係錢......點攪.......

假期.....工作

一連四日嘅假期都係在工作中渡過........ 由於家中僅有嘅PS2借左比朋友....成個假期無機打，為有全程轉戰打鼓啦........

black black day

近日真係黑得好緊要，去買RAM又買極都唔o岩，買Ｄ 老番software等左成個鐘，之後都無貨,吹漲，要第二日再去攞，第二日又等成個鐘至有，一個software中要成舊水，有無9差老番都要成舊水，最緊要在公司領左野，關於一Ｄ圖相嘅版權問題比人差.........好黑

Kick off

足球...一向都唔係我嘅強項，中要係好屎波果隻......由於世界杯張至，一班老友又發起book場踢波活動...一向都係用慣手去打波嘅我地，特然要全程用腳，都咪話唔難，如要用一個字可以形容，我會用個"漏",傳波果個踢漏，接波果個接漏，龍門前大漏，甩甩漏漏，.....不過大家班波都係得水，加起原來都幾好玩嘅.....hahahahahaha

一週年

不經不覺blog左一年啦.......

yeah

一直都無機會試，而家花左幾個小時去試上做，得左.......都唔係咁難姐.....

大師級.....

友人借來一套大師級嘅短片，(CONSPIRATORS OF PLEASURE) 導演係 JAN SVANKMAJER 隻ＤＶＤ收錄左1993年所拍嘅（food）同1996年嘅(CONSPIRATORS OF PLEASURE) 兩套片各有特色......雖則未必完全明白...但手法確係大師風範

霍元甲

值得敬重嘅人物，值得學習嘅態度，值得一睇再睇嘅電影......

VVVVVV 煞 VVVVVVV

（V煞）本來興趣不大，但見佢係Matrix完班人馬炮製，即管就去睇一睇，小弟影評在後頁..........

第一步

開始嘗試我嘅第一次......嘅第一步

組band時間

昨日又來到左組band嘅時間，由於各人太忙嘅關係，對上一次都有成個月之前啦，事隔太耐大家都有點生疏，不過總算合格啦......free jam係今次新加環節，各人隨著拍子憑著感覺自由加多減少......好玩.......

買左隻Arctic Monkeys嘅CD，其實之前download左幾隻佢地Ｄ歌，聽過都幾好聽，個鼓嘅變化好多.....旺角見到$75超值

Marking of

最幾日收到隻碟，係入大嶼山拍野時的Making of...成段片都好長，差不多都記錄晒成個拍攝過程，由日拍到夜，好多個細小嘅位置都一一拍下，包括好多NG搞笑位，意外爆笑位通通都拍下，絕對值得珍藏。其實此碟比正片還要緊要，因為真真正正記錄了我們的第一次....

PS:睇碟其間發現，可能有時太過認真，當別人做不到自己期望嘅要求時，都會較為火爆同激動.....提醒自己要收儉下....

校友

昨日相約到友人家BBQ....認識了好幾位新朋友....離開時小弟與其中一位女朋友往得較近，所以坐了一程順風車......回程途中閒聊幾句.....卻發現這女性朋友竟然係我都係同一間小學嘅學生，（可能係我師姊），由於我間小學經已執左好多年，又唔係好多人識，所以都有小小他鄉遇故知......世界真細小啦 :)

活動.....

來緊兩個星期都排得密密麻麻.....好忙.......有飯局，有飲野，有clubbing,有飲宴，有BBQ,有夾band.............上帝請給我多一點時間啦.....

最佳損友

聽完後.....無限同感、無限感慨......Eason Chan (最佳損友)
is a Nice Song

大輿山

不知有多小個年頭沒有到過大輿山這個地方.....不知有多小個年頭沒有租過渡假屋啦.......

星期六同Ｄ同學仔一齊租左間渡假屋，不過唔係去玩而係做功課......9個人一組入左大輿山嘅貝澳拍野交功課....果間渡假屋就係我地嘅場景.....在物資原及經驗不足的情況下，工作總算順利進行，都可以在限期內完成，出來成果可能未必係咁好，但是一次好嘅第一次，但有好多人都唔太願意留低，12點幾溜夜乘車離開大輿山，早終留低四個馬蘭奴，在咁大間渡假屋玩斷背....哈 ，路台看星,吹水.....感覺悠遊......一早起來吸一口清新空氣......爽晒......

廣告效應

一見到我就.....點JACK....點JACK....點JACK....點JACK....點JACK....點JACK....點JACK....點JACK................到底大家想點JACK 哈哈.....

好想行開下....

開始越來越唔滿意自己Ｄ design.......好想停一停，行開下...咁樣可能比效好.....可惜要做嘅野實在太多.....停唔到.....

18:00 (下)

時間：18:00pm~1:00am
地點：西環不知名超市...超舊
人物：一隊工作人員（兩名不知名藝員，其中一位曾演開心大發現嘅𡃁妹）


其實今次你Ｄ朋友嘅朋友要做一個畢業作品嘅功課，我去只係以參觀形式去幫下手，𢴇頭𢴇尾做個小PA姐，不過都係一個好好嘅經驗，雖然佢地大家都仲係學生，但係都睇得出佢地應有嘅專業，從set燈開始，到鏡頭運用，都覺得有板有眼....

好彩之前都經已接觸過Ｄ燈嘅用發同名稱，對果方面都有一定嘅認識，以不至於抯住地球轉，影嚮進道，更由於人手關係，仲要做埋臨記，只係出個身，唔出樣......亦無對白.....但係只係一個咁嘅short都做左10幾take.....成晚拍左７個鐘頭，我估剪返出黎都係得返30秒至1分鐘.......好累

18:00通告（上）

JACK : 呀霞E....有無Ｄ角色o岩我呀......完全見唔到樣嘅都得家.....
霞Ｅ：哎你好煩呀......聽日18:00有通告.......
JACK : 真係唔該晒........唔該晒......唔該晒

待續.....

又有新野想買啦.....

今日放工同個同事走左去行通利.......比我見到個鼓M...$2200....由於自己練鼓係用耳筒練，硬係差小小，......即刻叫人開來試下D聲得唔得，一玩之下真係正好多.....睇到我心癢癢.......但係諗返起今個月要去飲嘅人情，想買件西裝褸嘅價錢，仲有個未斷尾嘅鼓，最終都係暫時忍下手啦......

Yeah! Yeah! Yeah!

收錢感覺特別實制，特別興奮.....Yeah!!

bye bye 靚女同事

今日係公司個 marketing靚女同事嘅 last day....bye bye .......希望下位新同事都係位靚女同事

不毛之地

放學相約左一班band友，到其中一位屋企打邊爐 ......而果位朋友所住嘅地方就係（天水圍），果個地方可以話十年都唔會去一次，在腦海中個地圖完全係零。在金鐘放左學就乘了一架特快嘅bus直達天水圍，正正屋企樓下落，好彩唔洗轉車，如果唔係就麻煩啦 ......特快真係特快車，不用半小時就由金鐘去到元朗，快.......

到左當然係大食一餐，酒水就在所難免，不過今次係我第一次飲中國嘅酒（古棉沌），一向我都係飲開西式酒，轉一轉試下Ｄ中國野，味道就無想象中咁掯，但係果陣味就真係接受唔到，我都係閂氣咁飲.....

band友自然小不了音樂環節大講樂理，對於打鼓嘅我，對住Ｄ樂理真係頭到痛埋，幾時用Cb,幾時用B#.......而家都中未攪得掂，好啦到咩個結他彈個音，由於手指唔太靈活mu晒Ｄ線........無聲出 ....唔掂.....:)

３：００幾大家都要走啦，本想乘巴士走，不過由於太累嘅關係，乘了的士出去，原來天水圍真係好遠，的士以高速行駛，都要成半個鐘先出到去荃灣....之後中要轉小巴回觀塘，到觀塘又要轉的士.......好鬼轉接

ZZZZ

琴晚睇ball...搞到成日都無來精神.....不過都係值得的.....yeah yeah yeah .......

轉工季節

過完年都係轉工嘅高𡶶期，今日收到一位女同事嘅離職消息，有小小驚訝.....真係無諗過佢會走........，而今日放工收到另一位同事嘅goodbye e-mail，仲以為佢放工走人都要出e-mail，之後先知佢今日last day......bye bye.....咁鬼特然....

美國電視劇

美國電視劇一向都受港人歡迎，如24,Sex and the City，但係其實在10幾20年前都有一套在香港都有hit過一輪，唔知大家仲有無Ｄ印象呢，（MacGyver TVB釋名玉面飛龍），故事以單完播出，主要係以日常生活嘅小科學，化學及物理去關決問題同完成任務......
後生Ｄ嘅朋友可能就未必知啦......

有朋友在大陸入左4個season嘅boxset比我.... 睇左幾集，以前嘅回憶返晒來，故事仍然精彩吸引.....

萬眾期待嘅一夜

2月14日一早約左Franz Ferdinand真係非開心，而家隊野真係紅到不得了.......真係好有幸可以睇到佢地嘅show.....正

講返個show,在香港伊館舉行，地方就細左小小，但勝在夠細，最平嘅飛都睇得好清楚。由個show開始全場人keep住企，Ｄ坐位好似無乜用，由出場一路un到散場......好似去左party，狂叫狂喊......無錯超級我係fans....
玩完之後腳又軟晒，喉嚨又沙晒，個頭又亂晒，拿拿淋走去吹下水，飲返杯大大生啤........成個人舒服晒




想睇多Ｄ相，請去此好友連結.....

toryanot.blogspot.com

唔好意思出賣左你個blog添

十級興奮

萬眾期待.....Franz Ferdinand今晚準時開show.....

一個星期日下午

今日無乜野想做，又唔想留在家，所以一個人走左去尖沙咀，香港藝術館睇下展覽，而家現正展覽嘅係｛香港藝術雙年展），其實早幾年都有睇過，而今次展覽包括左好多不同範疇嘅表現藝術，有書法，有水墨畫，有錄像，有空間........多到你想像唔到。有好多真係相當出色，但係老實說，有好多真係唔知佢做乜....???????就係咁就消耗左個一個星期日嘅下午啦....

PS...近日無意中發現，有位朋友嘅轉變，時間同生活可以改變一個人嘅睇法，無錯人要向現實低頭，同時亦唔想心中果團火熄滅......

是但up

剛看完林海𡶶的是但up，對我都有所新嘅睇發.........

价意 與 唔价意

原來有好多野都好价意，又原來好多野都好唔价意，算啦而家我只會專心我嘅工作.....其他野一於平常心.....

PSP 或 NDS 都不及一個ipod

手提遊戲機而家來說已唔係一件新嘅發明，而家Ｄ人閒閒地又有ＰＳＰ，又有ＮＤＳ根身，而且而家對戰非常方便，閒閒地可以一齊出街3p, 4p話都無咁易，無論在公司或朋友中都好常見，大家都會珍惜時間一同對打一番，自問打機無乜天份，又無乜恆心去煲爆機，又唔太鐘意出街打機，所以到目前為止都無乜興趣購買，一個ipod根身就經已足夠........

公司食飯

個期一改再改嘅公司食局終於都到，今年在怡東酒店舉行，Ｄ野食真係幾好，值得一讚，賭左幾局３公助下興，開頭都無乜輸贏，之後到左個邪莊，連開幾次３公，殺到無人同佢玩，之後要到個莊家自扣兩點先有人玩，真係咁都得，都係為左大都開心姐.....

最重要時刻就更係揪獎啦，$3000現金同手提電腦就無我份啦，不過就揪到$1000 SOGO禮券，係上次聖誕揪到$500現金券之後又中多一次啦.......開心死

訓過龍

由於昨晚做野夜左，又唔得校鬧鐘，一起身已經係9:40，索性請半日假......

我嘅生活方式

你可以唔認同我嘅生活方式，你可以提出你嘅意見，但你不可以批平，話你知你唔做唔代表Ｄ野係錯，你自己唔做唔好咁多野講，至憎Ｄ人得把口，成日是蛋up，發花癲........

深入深喉 (家長子引)III

最幾日問朋友借了套 （深入深喉） 來看，可能好多人都未必知套野講乜，但經過講解之後大家都可能會有興趣睇一睇，深喉係一套４級片生於1972年，故事主線講及女主角發現自己的陰蒂生長在喉嚨，要利用口交才可得到滿足。以當年電影嘅尺度同道得觀念係無發接受，更一度下令成為禁片，但反而越禁就越多人睇，成為紅極一時嘅大電影，而 （深入深喉） 以紀錄片形式，（深喉） 由拍攝所發生嘅事至到影片所造成的社會影響，都一一記錄下來，（深喉）可以話係地下４級片浮上水面一個轉捩點，如果以一套ART FILM來看你並不會感到淫褻......

男人老狗

今日狗年第一日返工，就要開OT啦....雖然無乜mood但係都知到有好多野逼到埋身，要快手Ｄ先得啦，放左工同個同事兩條男人老狗，走去据扒，仲吹左個幾鐘頭水添.....都係時候著實地實行大計啦.....

MUSIC----賀年歌

又到新年啦，開著電視,無論係咩節目都會係唱著，充滿熱鬧氣份嘅賀年歌，密集程度，係真係多到，夜晚發開口夢都會識唱，而歌詞主要都係圍繞發財，好事，開心.......總之新一年新希望啦.... 恭喜恭喜

低能

你過左咁多年都仲係咁無里正經，咁多年都仲係扮傻來take attention，咁多年都仲唔識分幾時應該玩，幾時唔應該玩，可能你覺得無問題，但係其他人只會覺得你幼稚，唔該長大啦........

公開場合

星期日,係由分開後首個同舊女友一同出席嘅公開場合，好多人都會好怕我同佢出現會好懢价，怕大家會面左左，但係事情並唔係大家咁樣諗，反而我地中有傾有講，仲比人誤會我地和好如初左，在此情清我地雖然係分開左，但私底下我同佢都有聯絡，並唔係大家諗到嘅咁樣，大家唔洗誤會，都係果句，唔知有無機會再一齊，當然仲想有咁嘅一日啦，如果唔得最低限度都可以做到好朋友....

Clubbing

近期clubbing嘅次數真係買小見小，由幾年前嘅every weekend，到而家嘅差不多一個月先得一 次，真係相差好遠，主要原因一來係好難約到有人去，二來玩得太多有Ｄ厭啦。

星期六相約友人到中環suger玩一次，早有聽聞果度裝修唔錯，但始終未去過，而家有幾會去到都唔係想像中咁好，為一可取嘅係地方算大，有Ｄ空間感啦，而音樂方面同其他都無乜大分別，總括都係普普通通啦.......可能其望太高啦....

而家Clubbing相對起以前無咁好玩，而家Ｄ人好似吐厭Ｄ無乜禮貌，好黑人憎.........

Music----ringtone

當有手提電話普及嘅時候，電話玲聲經已唔係只得...ring ring聲.....由開頭嘅midi玲聲到而家嘅mp3玲聲，我們都係中意張自嘅中意嘅音樂轉為玲聲，並同人分享。

其實mp3玲聲係有好多好處，第一知到電話響，這個係最基本嘅用途，第二為歌手免費宣傳，第三脫黎古板焗限，自成一格........
但經常遇到Ｄ人，因為經常轉玲聲，而令自己唔知自己電話響嘅人......自己攞黎衰

近其愛上了聽Soul 首選 Ray Charles

比較

當一樣野全世界得一件嘅時候，就會唯佢獨專無人能比，但當出現左第二件嘅時候，就會自自然然不自覺地做了比較。

我們嘅生活都係一樣，細個果時會比Ｄ姨媽姑姐，同Ｄ表姐妹比高，“Ｂ仔過黎度下邊個高Ｄ“ ，大Ｄ就會比下學業成續......其實不單只別人會張我地比較，自己亦都會不自覺地同人比較，見到人地年小有為，反觀自己一事無成，眼見人地英明材俊，反觀自己其貌不揚，各樣各樣........都會同人地比下去，可能都係現今社會嘅一個指標，好似要去到一個位先至叫成功，先至叫完成，在咁樣嘅情況下產生了兩個極端，一個叫自大，一個叫自卑，我們嘅一生就係在自卑同自大之間不停浮浮沉沉。

今日好鬼黑，想乘船發現去到碼頭，碼頭close左，轉乘車，又遇到大塞車，回到家又收到個bad news......too bad...

飯局

年近歲晚飯局特別多，今個星期都有好幾個飯局要到.........不同嘅朋友聚聚，都幾開心家......

Music----頒獎禮

一到12月尾一月頭就會有好多頒獎禮，以前讀書時都會好留意獎項進熟，不過好耐之前都無乜點留意，其實不外呼都係一場show，個個煮飯單位都話自己最有公信力，個個都係表達民意，咁到底誰是民意呢......

其實不外呼又係一方面拉薩關係，擴大勢力，另一方面怕得失人，大分餅仔，商業社會真正公平係真係好難做到.....只係睇下邊個分得明顯Ｄ定係邊個喊得勁Ｄ姐 ......

無心機打過

本來打左一大段字，一不小心點知洗晒.......又無乜心機打過.......激死我啦....有幾會先再講.......

大假

今早收到個E-mail，內容大至講我來年1/1/06 - 31/12/06 將會有十多日假期，見到都好開心心喎，係時候想想幾時去旅行啦......

半殘半廢嘅band room

今日約同一班band友一同出來夾下band，一向都在位於旺角一間band room處夾，今次話想試下另一間同樣在旺角嘅bandroom，睇下Ｄ器材得唔得......

點知........兩個字失望，Ｄ器材真係好唔掂，唔單止個鼓唔得，其他樂器都唔係咁掂，我估最得可能就係得支mic......搞到大家都有Ｄ失準添....
book左兩個鐘，set野都set左10個字......下次一定唔去.....

期待＋興奮

我最愛之一嘅蘇格蘭樂隊，Franz Ferdinand 將於２月來港演出，我經友人買了當晚門票，實在令我非常興奮及期待........快Ｄ到啦....

Music -----Live

曾幾何時在紅館開個唱，對歌星來說是何等光榮，可以說成收成正果咁上下嘅意思，又曾幾何時張學友演唱會，排隊排到痴晒線，有錢都未必買到飛去睇.......就知到一個live show對一個歌手來說係幾咁重要，又如果入場嘅人數可以反映到個歌手嘅受歡程度，真係好難想像，當年譚校長點可以連繼開30幾場演唱會.....

其實真正一場出色嘅live show，制作上真係一Ｄ都唔簡單，有歌手，音樂，演奏，和音，音響，燈光，服裝，舞蹈，主題背景，幕後人員，每個剛位都要全力發揮才能成功，而且唔可以有take two......都唔係講笑....

近日睇左兩套DVD，分別係U2 Chicago 05 Live, 另一套係 Alicia Keys Unplugged,前者係神台級姐合，成個show可以用勁來形容，Rock得好勁，好有水準，而且現場氣氛高漲，十分精彩。後者係R&B小天后ALicia Keys，聽開R&B嘅應該唔會唔識，在LIVE show 中佢多首歌曲以鋼琴伴奏，而且現場演繹很有水準，同樣係精彩之作.....

昨夜燈光燦爛

同班朋友仔出來影燈飾，有人都覺得我無心影，其實我係有心無力姐.........相機太差啦.....哈

返工症候群

經過一個長假期之後，又要返工啦......返左兩日都未回狀態.......仲好想繼續放假呀.....

終於有日停一停

一次過講返近日嘅事先......

31/12/05
當日係除夕晚，晚上約左一班小學同學，到其中一位於九龍城家的天台上BBQ，果間屋大到不得了，只係個廳都千幾尺，十幾人開Ｐ都無乜問題，在火埋中倒數，都係第一次，之後就係飲酒....真估唔到，８個人飲，都可以清左.一支紅酒，一支芝華士，一支black label,同埋一支vodka.....真係好驚人，換來嘅係個個嘔到九彩，雖然我都有嘔，但神智凝然清醒，但最令我意外嘅係，當我在廁所嘔完出來之後，見到其中一位男性朋友，不停高聲嚎哭，並不停自債，內容大約係，“自小單親家庭長大，受盡白眼，現今有一子一女，可是老婆走左老，佢唔想自己Ｄ仔女好似佢咁樣，而且覺得好辛苦“，由於佢嘅事一同引發起其餘同樣係單親家庭長大嘅其他人一同擁抱嚎哭，我當時無乜可以做到，不知不覺睡著了......第二天醒來問返當事人知唔知自己做過Ｄ乜，佢話完全無印像，仲問返我地佢講過Ｄ乜......2005嘅事過去左就算啦，希望佢06會有好嘅開始啦......

1/1/06
返到屋企都成點，小睡了片該，又要出去另一個PARTY,一早約定今日到輝哥新居同大家聚一聚，都離不開雀局同WINNING,我都有年幾無打過牌，新一年有好開始，其開得勝........ 好野........快活不知時日過，離開時經已係晚上４時啦，立刻打的回家......睡

2/1/06
今日終於可以比我還返Ｄ睡眠債,睇下碟，聽下歌........充電中