本人開始寫BLOG 都有大半年啦，回想起之前一得閒就亂咁ramdon 咁，睇人地Ｄ BLOG有時會遇到Ｄ同聲同氣，話題有feel嘅 BLOG， 好多時都會keep 住長期光顧，當然係單方面暗戀，網主係唔知情家啦.....
不知何故一陣密碼風吹至，身邊有部份朋友也加入了密碼行列。對於朋友個BLOG要加密碼，一定有佢本身嘅原因，暫不便評論，但係某情度上，對於我黎講帶來左小小麻煩，同埋有以下嘅有感而發........
在我個人立場寫BLOG就好似一個個人電台，你係主人有權講任何你想講嘅野，當然Ｄ野係你自己講，某程度上都要付返Ｄ責任，有時都會遇到Ｄ野想講，但又唔想比咁多人知，這時候我會取捨一下，可能我會放棄這個topic又或減小這篇文章嘅內容,但我係唔會選擇在個blog上加上密碼，因為我覺得BLOG係一個自由嘅地方，你講嘅野係自由，你又可以自由咁選擇自己中意睇嘅BLOG,無人可以逼你睇一個你唔中意嘅BLOG。除非有人揸支槍指住你啦。
如果有人暗戀咁睇你個BLOG,可以正明你個BLOG唔係一個無無聊聊只係返工放工日日一色一樣 ,而係一個有用過腦寫出黎嘅BLOG,而且仲有一班好好嘅FANS一直支持你添。到最後好唔希望發展到有一日，我亂咁RAMDON D BLOG嘅時候,全部都要打密碼先入得，咁就唔係咁好啦........以上只係一時有感而發，並無對任何人不敬之意.....
話咁快就星期五，又係心水歌曲推介嘅時候，今個星期想同大家分享嘅係一隻好舊嘅歌，本星期經常在公司同事個Iturn聽這一隻歌
，係杜得偉嘅 （准我再一次），隻歌數數下都有成十幾年，而家聽返，都仲係好正.......
8 則留言:
有家，有好多都仲暗戀緊家.....
同意ｊａｃｋ所講～
不過朋友加了密碼總有原因～對我來說～只不過看少幾個ｂｌｏｇ～但心裡總覺得寫ｂｌｏｇ的意義是分享～加了碼～．．．算了吧～反正我近來都較忙～ｈａ～都係ｓｅａｒｃｈ台灣女仔ｄ相睇好ｄ～咭咭～
你岩,不過我都上左鎖haha
有關工作果d我多數鎖
加多個鎖,心理上無加鎖
好早前都有d驚驚地
話晒都批評緊公c
岩岩sina又有新加呢個功能,幾好
有無暗戀我先,有就開番比fans睇,哈哈﹗
ＴＡＭＭＹ BLOG某程度上係公開嘅地方，但係某程度上又係私人地方，你有雖要的話，當然有權選擇加唔加密碼啦.......
爆格 當然有暗戀過啦，不過而家變左明戀啦....哈（講緊個BLOG)
對，又要開，又要鎖，好煩。
其實我就開左另一個account，齋寫唔用呢個account re人，純粹發洩，咁亦唔會俾人link到去睇，那個秘blog，都寫左成半年，有時睇返都幾過癮架。
咁就解決左d無謂煩人攪三攪四。
hi~ 我寫blog 都只是半年時間
其實我寫blog 只是想舒發下個人感受, 同想我周圍的朋友分享我的興趣。
但我一定唔會給我公司的朋友知我有呢一個blog的, 有時真的發洩公司的屈氣.. 公司人知是不好。
jack , 你形容暗戀人d blog好貼切 , 哈哈! 因為我已經習慣一開電腦就睇你同ii了。呵呵~
有時睇一Ｄ你唔識嘅人，有時個感覺真係好似偷窺咁家.....
發佈留言