開學啦

我報左個科大cours今日開學啦，一個馬拉松式嘅課程終於開始，點解叫佢係馬拉松式課程，完全因為佢時間長，星期六由下午2:30~7:00，成4 個半鐘都幾係野，未上堂前都好驚會好悶同眼訓，但係上上下都覺得咁樣安排都幾好，原因如下:

1 佢一星期只返星期六，唔會成個星期好似無晒時間。
2 星期六只返半日，比平時返工無咁累，較易集中精神上堂。
3 平時上堂多數都會用半個鐘去集齊Ｄ人，一星期加加埋埋好可能會無左成個鐘上堂時間，而家就算係都係等一次。
4 時間較長，好多野都有足夠時間去做，唔會限住限住要幾多時間完成，時間比較彈性
5 日光時間較為容易吸收

根據以上幾點咁樣嘅安排，應該幾好，不過始終都係長期革命......，而家只係剛剛開始