昨日與同事一同放工，（果位同事足足大我十年，單身，相貌不算美也不算醜，同樣做design出身），在車程中嘅對話.......
J : 係喎點解你到而家都無女友??你有否心急??
M: 無喎....
Ｊ: 係咪你要求太高呀.....
M :都唔算啦...不過點樣始終都有個界線啦....唔通返大陸求其執個咩??
J:咁又係....
M: 不過自問條件都唔算好好...條件高嘅女仔又唔輪到我....差果Ｄ又唔想求其執個
Ｊ:下ok啦....又唔係失業，又唔係無錢，又無乜不良嗜好，幾好架啦....
M: 我欠缺了一份 ......成就......我總覺得30幾歲人仲係好似我而家咁，係差小小野....
J :..........呆左.......
人越大要顧慮嘅野就越來越多，小時看不到的問題，慢慢浮現出來...發福，脫髮，無錢，無老婆，無前途，老父母嘅生活，無成就....等等....每一樣野都係壓力....每一樣都人直接影嚮到下一步點行，都直接影嚮到個結果，我雖然仲未到果個階段，但亦開始聞到果估味道....並同時向著方向前進.....這就是男人的感慨及無奈.......
skip to main |
skip to sidebar
is a Beautiful Day
20 則留言:
haha,壓力人人有,唔一定男人ge,不知不覺大家都就「三字頭」啦,要面對ge問題都越來越多同難解決,kaka...
噢，十年，37.....
[又唔係失業，又唔係無錢，又無乜不良嗜好，幾好架啦....]
同意一半，君不見又無錢又有不良嗜好的男人，都有女伴，主要原因唔係男不壞女不愛，而係佢地keep住接觸自己市場，佢唔亂執遮，但就係d女主動執你。
唉...
原來我也不知不覺也踏入"二字頭" ,
A-Level後不如意之事在這數個月接連發生 , 好似搵食ge救生員牌考jor2次先pass , 浪費/hea jor我三個月時間 ; 又A-Level考得不太如意...
都對ge , 世上就沒有咁完美的事 .
BTW , 你現在的處景也不是這麼差吧 : )
咁你比d心機發奮﹐追番個女朋友、生個仔、買層樓... 到時你會發覺不外如是... 都係咁過﹗ 哈哈...
re 狒 : 無錯三字頭真係一個人生關口.....到低我地會點樣過呢...
re aa : 我反而怕個個fd結晒婚，得自己一個未結婚....fd都無埋...好lonely
re dicky : 同意...咁有無女執你先...haha
re Whitney : 人生就如長跑，起步有小小失手姐....之後追返law....不過你唔好到60歲先黎個最後衝冲喎...果時就真係side 氣啦......
re 爆格 : .....做到你講果Ｄ就不外如事....做唔到就真係頭痕啦.....
haha..我都踩僅呢d鋼線位..^^
點算好呢...
所以我會選擇唔將所有壓力放在身上~
逐範搞攞~邊樣麻煩先..做邊樣~
諗咁多煩野..不如專心做好一範先啦..haha~
好好笑~你家族會睇你既blog~好warm咁喎^^
宜家香港女多男少, 你地邊使驚喎~
2a個留言笑死我...喂..2a,呢句野我同kk講架喎!!
你同事係感嘆無女友,定感嘆無成就?
而又其實,係咪到左一個年紀,結婚生仔買樓,就叫美滿呢?
到某個年紀要做某些事,彷彿是理所當然,但其實,又係咪自己真正需要的呢?
三十歲又點喎!!其實男人三十歲好後生呀咋...我有位朋友30+..咪一樣係咁換女朋友...
re ii :有好多野係外在比你...你無得揀，只有受
re aa : 未到就更係有Ｄ怕啦....到左就可能唔怕得咁多
re 藍海星: 多左姐，但係真正係岩嘅，都好難搵.....
re crystal :更係成就啦....多女友唔算係一重成就喎....
執鬼執馬，一向我本身都冇咩異性緣，點似你咁掂。
以前都冇咩諗過結唔結婚，不過，而家又唔係咁講，結婚生仔，其實我覺得係人生應該必經既階段，就好似拍拖咁，去試下同一個唔同生活模式既人去相處。
教仔養仔，應該都算係一個老左，值得回味既一個經歷。
就好似你個日打機時亂UP
「我們都是這樣失戀的」
而到左你老左同其他老野亂UP時
「我們都是這樣養仔的」
幾過癮呀
同意呀...有好多野係果個紀做..但係你無做到...到最後可能係遺憾....
咁似D勵志小說嘅?!..haha
但唔好話你丫...我到左依個年紀仲覺得自己咩都係半"lung""can"...都唔知自己想點好無奈....
GG
hello, jack
我係前幾日先知道您係亞池,男人三十幾,冇問題呀,我都咁上下啦...大佬!
有冇睇花樣中年呀...方中信好型wor!
re GG:你都仲後生姐.....
re be蛋爸: long time no see man..
都係比定Ｄ心理準備自己姐....有個最壞打算.....
(無做到...到最後可能係遺憾.... )
jack哥哥...我同gg地都係細你一二左右者..
茄茄
有Ｄ痺痺地tim....你叫我哥哥.......
哇~ 呢排個個都咁感慨!! 睇完幾位人仕個blog...搞到我都感慨埋!!
唉.. 你地男人都好呀!!男人30幾40歲.. 都叫高峰期, 到時搵個妹妹仔可以講無問題!! 但對女人三字頭之後.. 無仔無老公,唔好講都幾慘架! 工作上的壓力要自己去好好面對自己日後生活... 真係怕要儲錢買姑婆屋啦""... 唉!! 想起單身的我都怕!! 可悲可悲。。。嗚嗚....
係你同事未遇到姐, 遇到個鍾意嘅仲邊會諗自己係咪有成就丫!
不過跟據一名男性朋友指出,三字頭仍未另一半嘅男士係會比女士煩惱,因為男士要決定是否返大陸求其搵個老婆,定係o係香港繼續等待??? (又真係幾難決定por!女仔就唔駛諗啦!)
可能因為咁諗到無晒頭髮....haha
發佈留言