敏感

敏感係一樣好煩嘅事，有人會對環境敏感，一去到果度就周身唔自在，有人就會對食物敏感，食錯野會周身痕，嚴重Ｄ仲可能會死人，其實仲有好多不能盡錄，以上兩種都係發生在當事人身上，對其他人影嚮不大，但係有一種敏感就絕對影嚮到你身邊嘅人，就係對說話敏感.....

古語有云，崩口人忌崩口碗，所以出來行走江湖，最緊要就係在適當嘅時候講適當嘅說話，雖不至於見人講人話，見鬼講鬼話，但最小可以免招損壞，破壞現場氣氛......

好不幸世間上有種症狀叫說話過敏感症，患者並無表面跡象，肉眼難以分別，當你講一句好多人都覺得無傷大雅，又或者一句並無殺傷力嘅說話的時候，好可能就經已刺中患者嘅死穴，由於患者轉數其快，一聽到就經已想出說話中無數個背後嘅可能性，並由於患者多數會並發出轉牛角尖嘅症狀，所以會隨住當時嘅情緒同心情，去決定說話中背後個答案，但好可能經已Ｙ曲了說話本身嘅用意，或增加了語氣中嘅嚴重性,又可能懷疑比人暗串，輕則患者頂住度氣，重則誤會加深，影嚮其關系......

現時食物敏感及皮膚均可食藥治療，說話敏感暫時無法治療.....各界人士小心小心

喂....唔好咁敏感唔係話緊你呀.....:)