１. 有新鮮感，由於在ＨＭＶ中ＣＤ數量之多，都難以統計，你要在聚多CD之中脫穎而出，Ｄesign好重要.......
2. 有主題或有個性，最好可以表現到個歌手嘅性格，音樂嘅路向，玩音樂嘅層次，各樣各樣，總之就同個歌手有關，而最低限度，都要有個主題係關於隻碟啦....
以下係今日見到的幾張CD cover,有乜共通點呢.....
無錯係大頭相，對於香港大多數明星歌星，都以偶像派為主，對於新人來說，個樣好重要，最緊要係比人認得，所以用大頭係絕對無可口非，但係大頭還大頭點解可以簡約得咁緊要，一個大頭靚靚相，白色背景加個名咁就叫CD Cover,唔係掛咁就搞掂出街，未免行貨左小小，雖然潮流興簡約，但係都唔係咁樣架.......到低係個DESIGNER對個歌手唔了解，定係佢懶呢，又畫者到低係個新人無乜個人風格，定係隻ＣＤ入面Ｄ歌都好一般所以定唔到位呢......又或者是否非法下載得勁，連個COVER都無乜心機做呢...........隻碟就好似個樣，個樣唔掂都未開聲都大打折扣啦.....
ＰＳ一隻靚靚嘅CD Cover，就算我唔知佢係乜水，但絕對可以吸引到我買，以上幾隻碟唱得幾好都係假，比我影像經已唔係咁好，sorry 唔合格啦.......
10 則留言:
翻版盛行...賣碟數量少得真係嚇死你...
而家主打靚仔靚女路線...聲線好似變左係其次...無計...
況且都係新人...雖然多人留意...但都唔知市場反應...一旦賣碟衰左...公司好難恢復原氣...打個和都已經偷笑^^
封面都係興開簡約就簡約先啦...穩陣d...d錢放哂落d大哥到做包裝...有保證收益麻!...其他人真係跑出...咪再食住上囉...呢隻碟都係試下反應...
唔知點解吳卓羲之前身為無線舞蹈藝員,見過佢d舞好屎..好生硬...好似唔識跳咁..好無hard囉...!
新人黎講呢期我欣賞側田d歌多d..haha..可能自己偏愛慘情歌啦^^
真係睇唔出 呀“唔唱Ｋ“係舞蹈藝員,我都有睇過佢嘅表現....唔掂....
我就認為Ｄ大哥大姐反而可以簡約Ｄ，因為佢地賣碟都有左保証，可以話買你碟嘅人，就真係中意你先買，唔中意你就打死都唔買，所以COVER對佢地影響不大，反觀新人曝光率不足，要有NOISE就更需要係多方面都花多Ｄ心思啦.....
新人來說......側田比較有Ｄ印像.......
我覺得係非法下載得勁...佢地冇乜生意, so唔會咁重本攪咁多, 例如>>packaging
(yes....阿K哥..愈來愈唔惦 :[ too bad)
gigi
要分清楚個COVER簡單，同簡陋係兩樣野黎架。個Design好簡單，但係可能張相背後做在好多功夫，又或者影果時花左好多時間，而簡陋就等如求其.....
其實都無要求Ｄ好勁嘅DESIGN,只係想貼題小小，唔係得個大頭唔知做乜???
最低限度，側田都比個側面你睇下.....
你地都幾支持本地音樂喎..會買碟^^
我喜歡一個歌手又或者好喜歡的歌,我都偏向買正版。 但cd cover對我黎講真係次要。
我唔會因為一張cd cover 靚而買一張碟囉!
歌手只要唱好歌... 什麼都不緊要了。
我好鐘意衛蘭呀～哈～個ｃｏｖｅｒ個大頭好靚樣～
好似話衛蘭同應昌佑都係黎明公司既歌手～佢地公司係買歌藝～所以開頭ｐｌｕｇ歌時都吾賣樣～電台播歌時無人知到佢到咩樣～
我估因為係賣聲～所以都吾會點搞個ｃｏｖｅｒ～同埋衛蘭同應昌佑兩個ｄｅｓｉｇｎ好似～我覺得係特登～
各位大哥大姐:側田個名係唔係由佢英文名"justin"到借過來呢?
如果係賣歌，咁又點解識下放棄大頭，只用GRAPHIC做cover,
保持神秘感，可能效果仲好.....
jack
haha唱片公司盛世時,力捧新人就一定落足本錢...包裝得靚一靚吸引你!
而家諗法已經相反
就算你幾有實力同潛質都好...
你呢隻碟賣得,我咪再捧你囉...
好現實既^^
都係簡單直接好...
如果佢地重可以出到下一隻碟的話...
就會豐富好多架啦!!
發佈留言