由細到大對小巴嘅感覺都唔係咁好，主要係因為舊式小巴多數都係半殘半廢，吊起個“極力子“架車到震到好似就來散晒咁，二來就係我試過永遠總站上車就，死等爛等等到滿至肯開車，而中途上車就例必爆晒，而最唔鐘意就係佢地嘅駕駛態度，一味飛飛飛，揸車好似揸大飛咁，我好理解在香港，時間代表金錢，但係一個可憐嘅細路女就咁比你撞死，你個心又會安落咩???
其實車門夾住物件嘅事都經已唔係第一次發生，早10年前身邊有人都試過，最後都係入左醫院算無咩大礙....不過我好希望咁多位司機大佬，唔該你地尊重一嘅乘客啦....唔該慢小小啦,我唔趕架
10 則留言:
香港Ｄ小巴係咁架啦！紅VAN一向服務態度差架啦！因為私營,無王管！綠VAN就會好Ｄ！
但要貪方便一定要答佢！無計！
不過有時如非必要，我都好小會選擇搭小巴.....
我試過搭小巴中途要轉車tim ar!
兩架半滿小巴約埋o係路邊等, 叫d客上晒一架小巴, 咁就可以吉一架車出黎走多轉~
不過無計,我唔搭小巴的話要轉車又無位坐,所以都要幫襯~~~
我都識得有人因為小巴落車有衫夾住車門,司機唔知重拖行幾步,就係咁就變成儍儍地,大好一個大學生,唉
re 八仔：咁都得都幾過份喎
re Ivan : 唔係掛??咁慘.....
你又罵得幾好喎﹗完全同意你既講法。哈哈﹗所以搭之前我都有個問題困擾自己。
唔知你有冇喇﹗就係~~~如果搭就會快好多到你想去既地方，但係會有機會付出自己既生命。然後回顧一下自己既一生，再想一陣問下自己，究竟搭好唔搭好呢？
唔知點解到最後，我居然都係搭左~~~唉~~~
都係果句...自己小心Ｄ啦....
有次搭亡命小巴由觀塘去荃灣,不知什麼原因,司機駕車緊貼前面的私家車,中間只有大概50cm距離,維持了30秒到。
嚇死我,竟然因鬥氣而差點賠上我們乘客的生命!! \_/"
其實係取決於個駕駛態度....一股小巴司機都係差Ｄ嘅
雖然我有時都欣賞某部份小巴對我黎講ge方便 (半夜3更可以好快返到屋企)
但我都好討厭佢地嘅態度!!
GG
發佈留言