今天放工約了一班BAND友一同前往TOM LEE Shopping ，每人都在找自己的心頭好，有人攬住個Keyboard 唔願走，有人眼甘甘望住支結他口upup,有人揸住支bass扮勁，扮型，我就更係坐埋位試一試我個目的啦......其實今晚嘅目的係我自己去買鼓........
其實都無得點揀，因為選擇根本唔多，眼前只有兩個鼓，同一樣牌子，一個$9,800,另一個$22,000,首先係試平果個,OK啦心中有數，之後就埋位試貴果個，一坐埋去個feel都好唔同，而且無論外型，鼓面個質感，出來個聲音效果，各樣各樣都充份表現，一分錢一分貨，在心中確實有一刻爭議過，當中就更係天使同魔鬼嘅對決啦.......激戰15分鐘後，天使勝了，都係只有面對現實，最後成交 $9,800。之後仲有Ｄ濕濕碎碎嘅錢要比......大約一萬左右啦..........過幾日送黎......
以後就無藉口唔練歌啦......
來年都係要堅Ｄ先得啦......不過有人約我出去飲野都會到嘅...哈....
10 則留言:
好豪0者！
其實經已忍左手家啦.......我諗來年餐餐都要食麵包啦.....哈
睇黎...好有決心咁喎...hehe..
想做鼓神...^^
咁貴一倍.. 一定有唔同啦。 用料都已經會唔同先。
我想問.. 你個鼓會放係邊處呀? 放係home 咪嘈到隔離鄰社囉?
ii 股神就有份.....哈
其實係電子鼓，可以用headphone......
真替你高興，終於達成心願，可以有屬於自己既鼓，咁以後咪可以係屋企日練夜練啦！
其實之前定下買鼓嘅心願，一個係為左自己，其實仲有另一原因，可惜而家實現唔到啦.....
哦.. 原本可以用HEADPHONE 架..
咁你俾心機練啦... 學有所成.. 就要表演我地睇下啦~
幾時可以上黎玩呀?
除時都得啦，不過由於銀彈短缺，要比返BOOK房錢.......哈哈...講笑姐
發佈留言