MUSIC----SoundTrack

上兩個星期分別講左CD COVER 同MUSIC VEDIO,今次就同大家講下SoundTrack，SoundTrack定議係原聲大碟，不一定在電影，其他如劇集，GAME都可以有原聲大碟，總之在電影，及GAME內所出現過嘅音樂，或音效都可以叫做SOUNDTRACK。
SoundTrack 其實同之前講果兩種有小小分別，CD COVER 同MUSICVEDIO,重要部份都在意音樂本身嘅質數，果兩樣只係作為輔助之用，但Soundtrak就剛剛相反，以電影為例，音樂只係作為電影中其中一個環節，而佢嘅作用係令看電影觀眾，在畫面交代劇情嘅同時，用音樂提升畫面效，令觀眾同時得到視聽享受,而SOUNDTRACK嘅基本要求，就係要同套電影配合，令觀眾產生共鳴.....

好嘅soundtrack music係可以看完電影後，會第一時間去買隻soundtrack返來聽，一聽到之後就會聯想起果套電影嘅每個畫面。有兩套電影嘅soundtrack我係特別中意仲特登買埋隻碟添，一套係“無痛失戀“入面果Ｄ鋼琴聲真係同套戲好match，每次聽返都好有feel,而第二套係舊小小，"Notting Hill "中文名叫“摘星其緣“我都不知睇過套戲幾多次，次次睇完都好有feel，其實個故事幾簡單，但簡單得來有Ｄ位又好到，而且隻主題曲好好聽,個名叫"SHE"ELVIS COSTELLO主唱 好有味道好正.......

http://www.notting-hill.com/index.html

06年施証報告

本來都諗住打埋個05回顧Vol2，不過諗下諗下，諗在５個重要嘅就夠啦，而且其他果Ｄ又唔係咁特別，過左去就算啦.....應該要展望未來，所以删除左個Vol2，換左而家個“06年施証報告“計劃一下仲好啦.......

1. 由於我入世經已有好一段日子，工作上都累積了一定嘅經驗，但尚未感覺到有什麼突破性嘅發展，雖有上升但十分援慢，因此將會投放大量資源，作多方面發展，以擴大本身之經驗值，同增加個人創作空間。

２由於上個月家中增設了一套電子鼓，以作練習之用，所以隨時可調配時間作出練習，以不至令該組件做成錯誤投資，因小失大。而05年嘅進步幅度較大，有望06保持平穩嘅上升幅度，去到令一個新嘅層次。

3.學業方面，由於到12/06課程就會完結，希望能完滿完成整個課程,及對工作有正面嘅影響。

４感情方面現時並無任何打算，只有見步行步，一切順其自然....

5.現正儲備基金，為明年出國旅行鋪路.....地點未定....可能會係一直想到嘅歐洲，或韓國等地，視乎時間同金錢而定.......

以上係本人06年施証報告 嘅大方向，由於世事千變萬化，世事如棋，如有任何修改恕不令行通知........

多謝各位....

ＰＳ,係咪好官腔呢......哈

05年大事回顧 vol.1

又到年尾各人都開始總結一下今年做過嘅事，同所作所為，我都想來替自己在此來個總結......回一回帶。今年嘅𨍭變特別多，有好有壞，有開心有不快，有Ｄ人要多謝等等....事不而遲去片....

１. 最大單嘅都莫過於我從回單身一族，10年以來都有人相伴，但現在又要從新學習單身生活，命運安排無得改，分手嘅決定，可能真係對大家來說，都係一件好事，可惜感覺絕對有，但興幸大家都沒有因愛不成，變成恨，對於一向認為分手後，做唔到朋友嘅觀念嘅我，都有所改變，最低限度我們在這方面大家都進步了不小.......雖然唔知有幾多機會，可以再一齊返，但我都一樣會咁關心妳嘅.....

2. 音樂路途嘅大躍進，在年初時機玄巧合下認識在一班夾band嘅朋友仔，佢地幾位有高超技術，都委身接收一個初出茅蘆嘅鼓手。之前有人講過，學音樂就好似打波咁，練習同實戰同樣重要，音樂最緊要係有交流，同其他人夾一夾，總好過自己死練爛練，其實夾band除左歌要夾之外仲有好多野要夾，如性格，時間，等等.....有咁嘅機會確係難得。

３. 一年內轉左兩份工，上一年今日我還在一間聖誕燈飾公司做緊，人工好好，工作量不多，可事前途有限，所以完成左04-05年度嘅聖誕及新年燈飾之後，就離開左這間公司，轉到一間轉口公司為GRAPHIC DESIGNER,可惜做了3個月用了我不懂維修PC為理由，加長我試用期，由於我本人都用MAC,都唔係咁中意用PC，又無心去學ＰＣ點維修，所以都係辭退左果份工，但又好有幸在幾日內找到而家份工，雖然而家份工，有時都會悶Ｄ，Ｄ Artwork 全部都係做NOTEBOOK,但勝在各方面自由度都好大，同事同埋個工作環境係前所未有咁好，所以証明我嘅決定係無錯嘅。

4. 又再上學，放下了書包都有年幾啦，之前嘅夜校課程係IVE 嘅PRODUCT DESIGN,讀左兩年PRODUCT都係唔係咁0岩我，無意向果方面發展，所以今次選讀了科大嘅multi media，我相信應該適合我，可能我較為中意按UNDO多過，要從新做過個模型掛....雖然時間長Ｄ但係可以分配到時間去做功課，自己同自己講，加油啦.....


5. 寫ＢＬＯＧ，都可以係今年中大事之一，有邊個site會日日都check....無錯就係自己個BLOG，這個發明對我來說都幾大影嚮，會令唔寫日記嘅我，記低我做過嘅野，會發表一大埋謬論，令我打中文字打得快Ｄ，最緊要係識到一班網上朋友仔，本來由一班大覽都拉唔埋嘅人，變成玩埋一齊嘅朋友，科技發達真好....

待續.....

05聖誕節

27/12/05 1:00AM 剛從大陸回來，回家第一樣野就係CHECK BLOG同E-mail.......而家等我好簡短咁講下我在今個聖誕做過Ｄ乜啦....

24/12/05
當晚係平安夜，一早約左班朋友仔出來歡渡聖誕，在中環某大廈天台開左個PARTY，咁好玩，我就更係會到啦，果晚真係笑到停唔到呀，又有醉漢唱歌，又有神婆占卜，又有同張相唔似樣嘅小魚，又有好似我咁勇第一次單拖付會嘅烈女，最緊要係有兩個好回味嘅芝士蛋糕，好好味，再配合香純紅酒，0岩晒為食嘅我，之後一班人仲去左bar再玩過........一身酒氣，回到家經已係3:00

25/12/05 - 26/12/05
早上7:30起身，渾渾噩噩，頭痛醉未醒，就要出門口啦，一早買左車票返大陸玩，目的地係朋友屋住"祈福新村"其實上次嘅祈福之旅，經已係差不多3年嘅事啦，今次再次去到其實都無乜點變，亦無乜特別野要做，只係一班朋友上去食下野，打下牌，relax下，個感覺有Ｄ似去左長洲宿營咁，食飽就玩，玩飽又食.......玩左3日真係有Ｄ累啦，好彩明日都唔洗返工jack ........:)

Music----Veido

上個星期講過CD COVER，今次就講下Music Vedio,一首歌好聽係好重要，但係隻歌只係一般，如果有個好嘅music Vedio就真係可以幫一把啦，其實music vedio 嘅定義，係用影像配合音樂所產生，其實無一個format,最重要係同隻歌夾，當聽到隻歌時都可以聯想到個畫面，就經已完成左個任務，任務雖然簡單，但一點都不易做.......

music Vedio 大至可分為以下幾重表現手發，“大頭“ 在商業社會大頭就係icon，大大個大明星，穿得靚靚，行行企企擺幾個POST 搞掂收工，以上係一個最簡單嘅MV，最緊要係拍得個明星靚就得家啦,此MV香港製作較多，因為主要係偶像派居多，樣靚外無什特出，所以選擇這方式較為方便快捷

第二重係有一技之長，香港現時亦多左好多此類MV,以前多數會係BAND先會咁做，但現今由於無能之士實在太多，要特為而出就要有一技旁身，所以近幾年多了好多自彈自唱嘅MV出現，主要係想我話比人知我懂彈琴家，我曉拉小提琴家等等.....show 下哥利，決定同得個樣嘅star畫清界線

第三重，係故事，此等台灣及韓國較多，而且亦以苦情咸歌較為容易土好，用上3-5分鐘去交袋一個可歌可泣嘅溫馨浪漫故事，絕對可以有能力在你腦海留下一個深刻印像，近期較為出眾嘅有 光良嘅童畫.....由於此類型係故事型式出現，所以必須由頭到尾由頭睇先至完全感受到個真正意義，而且故事性較強，制作會比之前兩重復雜...

第四重 在外國地區會比較多Ｄ，係一Ｄ好實驗性質嘅ＭＶ，此等亦多數會係一Ｄ非主流音樂居多，此MV可以話天馬行空，完全以美學，藝術同創作角度去制作ＭＶ，現時歐美都出現了好幾位著名MV 大導，佢地嘅ＭＶ真係出神入化，非常精彩......詳情可到以下網址
http://www.directorslabel.com/

如有興趣外國嘅MV可到此BLOG睇睇，雖然有好多都係唔知乜水，但係有Ｄ創意什高，而且免費download 家

http://cliptip.blogspot.com/

PS 歸垠都係要一Ｄ好嘅音樂先得啦.....

戰場上的快好聖誕

之前都講過今日有X'mas Party,時間係下午一時開始大食會，之後抽獎同交換禮物，好似好輕鬆，好似成日都返去玩，咁就錯啦，其實本月24-27日有個GAME SHOW,我地公司都有個攤位，這幾日大家都為這個GAME SHOW 忙緊，就好似個戰場咁，都無人得閒過，我就更加唔洗講，到目前為止都未停過，可以話忙到嘔電，其實都好奇怪，大家咁鬼忙又邊有閒情搞咁多野，但係唔搞又好差咁Ｄ野，所以我都係第一次試過 大食會同玩遊戲同抽獎係分開3 PART,D人一食完野就立刻埋位做野，15-20分鐘後又埋位玩遊戲，玩完又埋位搞下野，就連交換禮物都係個個坐埋位做野，有人叫咪叫到你出去門口recept度取，所以到而家都唔知邊個抽到我果份，係咪會覺得咁樣有乜好玩呀......其實好唔好玩係在呼班人姐，大家後生仔玩乜都可以好好玩家啦....仲要有咁豐富嘅禮物，真係開心死啦.....明乎其實係個戰場上的快好聖誕呀....

幸運大抽獎

今是X'mas Party 在全公司70幾人下，比我抽到個7獎，就係有$500 Lane Cranford現金券, 而幾個隔離位都分別抽到$3,000,同$2,000現金嫉而前面個位都抽到$500元，總之我果頭好旺場啦，個個有份，無人落空....而我交換禮物好實際地抽到$120.....正

聖誕禮物

今年公司嘅x'mas Party 明天舉行，點會無左交換禮物嘅還節，每人都要為自己預備一份$100以上嘅禮物，不過今年好唔好彩，比同事老屈左幫佢地買埋，計埋自己果份一次過要買四份，都咪話唔頭痛.......

（大猩猩 ）無聊影評

未看者及有欲看者勿進

PS星期六晚，係近兩個月來睡得最好的一天........

MUSIC-------CD COVER

CD COVER 同音樂有一個好直接嘅關係，一隻好嘅ＣＤ ＣＯＶＥＲ，我認為有2個好重要嘅條件，
１. 有新鮮感，由於在ＨＭＶ中ＣＤ數量之多，都難以統計，你要在聚多CD之中脫穎而出，Ｄesign好重要.......
2. 有主題或有個性，最好可以表現到個歌手嘅性格，音樂嘅路向，玩音樂嘅層次，各樣各樣，總之就同個歌手有關，而最低限度，都要有個主題係關於隻碟啦....
以下係今日見到的幾張CD cover,有乜共通點呢.....





無錯係大頭相，對於香港大多數明星歌星，都以偶像派為主，對於新人來說，個樣好重要，最緊要係比人認得，所以用大頭係絕對無可口非，但係大頭還大頭點解可以簡約得咁緊要，一個大頭靚靚相，白色背景加個名咁就叫CD Cover,唔係掛咁就搞掂出街，未免行貨左小小，雖然潮流興簡約，但係都唔係咁樣架.......到低係個DESIGNER對個歌手唔了解，定係佢懶呢，又畫者到低係個新人無乜個人風格，定係隻ＣＤ入面Ｄ歌都好一般所以定唔到位呢......又或者是否非法下載得勁，連個COVER都無乜心機做呢...........隻碟就好似個樣，個樣唔掂都未開聲都大打折扣啦.....

ＰＳ一隻靚靚嘅CD Cover，就算我唔知佢係乜水，但絕對可以吸引到我買，以上幾隻碟唱得幾好都係假，比我影像經已唔係咁好，sorry 唔合格啦.......

世事難料

本來今晚要去上堂（打鼓），可是乘車時收到呀業要開OT嘅消息，為有改期，由於年近歲晚所以大家都好忙，所以個期經一改再改....搞到成個月都上唔到一堂，好彩我有時時keep住練習未至生蔬姐......

上唔到堂就拿拿淋回家做埋個 ＰＲＯＪＥＣＴ，當飯緊飯嘅時候收到個電話，係學校打黎，說有大班南韓農民正在“遠東金融中心“示威，而學校正正就在果度，好難估計聽是會點，所以聽日唔洗返，所以個PROJECT要到過左年先交，無端端多左咁多日做.....又可以唔洗咁辛苦啦......哈

趕架尾班車

近日忙到不堪，工作上十分忙，工課上都係一樣作最後衝刺，星期六交project .....目前做了只得2/3，尚餘2日一共48小時.......快Ｄ搞掂佢...

敏感

敏感係一樣好煩嘅事，有人會對環境敏感，一去到果度就周身唔自在，有人就會對食物敏感，食錯野會周身痕，嚴重Ｄ仲可能會死人，其實仲有好多不能盡錄，以上兩種都係發生在當事人身上，對其他人影嚮不大，但係有一種敏感就絕對影嚮到你身邊嘅人，就係對說話敏感.....

古語有云，崩口人忌崩口碗，所以出來行走江湖，最緊要就係在適當嘅時候講適當嘅說話，雖不至於見人講人話，見鬼講鬼話，但最小可以免招損壞，破壞現場氣氛......

好不幸世間上有種症狀叫說話過敏感症，患者並無表面跡象，肉眼難以分別，當你講一句好多人都覺得無傷大雅，又或者一句並無殺傷力嘅說話的時候，好可能就經已刺中患者嘅死穴，由於患者轉數其快，一聽到就經已想出說話中無數個背後嘅可能性，並由於患者多數會並發出轉牛角尖嘅症狀，所以會隨住當時嘅情緒同心情，去決定說話中背後個答案，但好可能經已Ｙ曲了說話本身嘅用意，或增加了語氣中嘅嚴重性,又可能懷疑比人暗串，輕則患者頂住度氣，重則誤會加深，影嚮其關系......

現時食物敏感及皮膚均可食藥治療，說話敏感暫時無法治療.....各界人士小心小心

喂....唔好咁敏感唔係話緊你呀.....:)

X,mas MUSIC

就快到聖誕節，一聽到聖誕歌立時令氣氛增加了不小，所以見就到聖誕節就講講聖誕歌，唔知各人就中意邊一首呢??我個人就有一首心水啦每次聽親都好有feel.....

我嘅心水推介就係最幾年在聖誕電影LOVE ACTUALLY中BILLY MACK唱嘅 Love is all around you,每次聽親都會想起戲中情節，真係諗起都想笑........不過如果你無睇過套戲，就幫你唔到，親聖誕就快Ｄ租返黎睇下啦......一齊感受果份溫馨嘅聖誕氣氛.....

又到聖誕

話咁快就聖誕節，記得我上年這個時候正忙著大廈外場嘅聖誕燈飾，好快又一年啦，今年看了幾座都比上年差了不小，可能覺得自己做得好Ｄ掛.......:)

最近幾日凍左好多，聖誕感覺強例了不小，始終都係凍Ｄ先有FEEL....

好凍呀

凍到都唔係咁願打字......都係快Ｄ返去個暖立立嘅被窩𥚃面先........

唔知點解

唔知點解Ｄ野都係中意撞埋一日做，都不只一次 返工 --->返學 ----> 夾BAND ----> CLUBBING...

每一樣都只係得 1個小時之差....累!

唔知係咪太耐無去clubbing呢,好似樣樣都係麻麻地咁，不過都玩得OK

ＭUSIC

話咁快又一個星期啦...... 今次同大家講嘅歌係.........
CHEMICAL BROTHER.......



電子音樂一向都唔係太過中意，但有某Ｄ我都會幾中意聽.....其實我對CHEMICAL BROTHER認識唔係太深，只係在之前 DIRECTOR LABEL ＤＶＤ上面見過佢地Ｄ得獎MV，個MV拍得好就更係留下深刻印象啦.....而公司有同事有晒佢D歌，得閒聽返一兩隻，都幾好家...........

有問有答

被朋友點中了，即答........

點名遊戲

來自Mag

遊戲規則：
由某個blog發起，出一個題目。
在自己的blog中完成題目，然後點名另外7個blog完成同樣的題目。
另外的7個blog完成題目以後再分別點名，依次類推。
不可回傳，加一條自己出的題。

1. 最近在看的電視： 閉路電視
2. 最近在做的事情： 練鼓 練鼓 練鼓
3. 最近在聽的音樂： Fort Minor
4. 最近在吃的東西： .....住家飯
5. 最近在看的報刊： HI-TECH(抄野)
6. 最近關心的話題： 世貿會議，可能唔洗返公.....
7. 最近常去的地方： Tom Lee music store
8. 最近常想的異性： ..............
9. 最近最想做的事： 想無咁多野做
10. 最近身體情况： 欠缺維他命A,B,C,D,E F G.....總之樣樣都差Ｄ
11. 最近理財狀况： 窮光蛋一名
12. 對朋友最想說的話： 可唔可以度住幾舊黎呀(哈哈哈）
13. 對自己最想說的：正一@##$%^&^&*%^$
14. 想一個減肥的良方： 切肉(最快)
15. 記憶中做過最瘋狂的事情之一：在個朋友家中打WINNING ELEVEN 兩個人一晚飲晒一支VOKDA
16. 喜歡K歌的程度（1~10依次遞增）： 1
17. 最喜歡吃的食物： 除左萍果乜都會食
18. 最喜歡的水果： 橙
19. 最怕什麽? 死8婆
20. 最喜歡的一部電影： fright club
21. 最近最希望得到的一樣東西：暫時未有
22. 最嚮往的地方： 馬爾代夫
23. 打算多少歲要孩子? 1-2
24. 你打算什麽時候請我吃飯? 幾時都得，不過你係邊個？？
25. 最近一次吃烤鴨是什麽時候? 未試過
26. 近期的打算是什麽? 打好Ｄ鼓
27. 如果給你一扇時間隨意門，你打算回到什麽時候重新來過呢? 想回到報讀DESIGN之前，想睇下我唔做DESIGN仲識做乜.....
28. 你覺得愛情和婚姻是一回事麽?如果不是，那你認爲人一輩子的最愛可以有幾次? 唔知 這條要到我死先識答
29. 你認識我多久了?第一次見面還記得不? Around 2-3year........
30. 你覺得現在做什麽工作錢多事少? 賣老番
31. 你覺得什麽時候最快樂? sleeping
32. 如果你發現你的另一半紅杏出牆，你會裝作不知原諒麽，給她幾次機會?i love her so much.....
33. 如果這一生你沒有得到你最愛的那個人，你會屈身於一個你不愛但是很愛你的人嗎? 這條要到我死先識答
34. 你最喜歡的一首詩是哪首? 床前明月光..........（細個我第一首識嘅詩)

35. 你印象最深刻的一位老師，還記得他/她的名字嗎?寫點想說的話給他/她吧(其實也是寫給自己的)！（幼兒園/小學/中學/高中/大學...) 你好嗎？............返學Ｄ野比返晒先生啦，Ｄ名都比返晒佢地啦.......
36. 設想一下十年之後自己的生活是什麽樣子或者是想要什麽樣的生活? 唔知喎.....
37. 你真正想要的是怎麼樣的生活方式嗎（這一刻，就讓我們完全徹底地忘記現實吧，這一點很重要。）? 有錢洗，唔洗做
38. 你的夢想是?做左未? 有好多.....做緊
39. 有乜o野想同屋企人講? i love you so much
40. 直到呢刻為止，你最後悔係d乜野? 食錯野，個肚痛左成晚
41. 直到現在，你覺得自己最成功的是什麼？ 一世夠運
42. 如果有一天我突然不見了，你會在哪裡找我? 蘭桂坊

昨日見到人玩都係的幾條，而家去到42......答到答到手軟

唔老點人玩啦，有興趣自己報名......

MSN

我終於都開左個MSN Accront.....有與趣人士，可隨時ADD我....thx

MY E-mail ADD

jacksit@gmail.com

觀點與角度嘅分別

在創作嘅行業中觀點與角度係最難得到平衡嘅一環，就正如自己設計了某張小冊子相當滿意，但其他可能會覺得無乜特別，又可能做了令一張小冊子，自覺尚有好多地方可以改進，但係其他人就讚不絕口，什至令件貨大賣.......到底係咩原因呢??

咁到底要靚定要好賣呢？？如果要好賣咁到底靚嘅DESIGN會大賣，定唔靚又好老土嘅會大賣呢??到底要大大標題個個字都用紅色，成張Ｄ顔色撞到9彩先好賣呢，定係好有mood 好有style 好賣Ｄ呢??到底Ｄ客係咩心態呢??.......好多問題

做左咁耐仲未識答

理財

昨天同左4位小學同學食飯，無意中講到一個話提有Ｄ似比人圍攻咁，有點無奈......個話提係講關於保儉.....

講下本人立長先，我自己本身對保儉其實信心不大，由於負面消息實在太多，好多時聽到買左嘅人得唔到應有保障，所以本人雖然擁有一份保儉，但其實係好基本嘅保障，大約月花$400左右啦......

但當日在場幾位人兄不知月內多少啦，境花費$2,000-$3,000左右在保儉上對於我來說有點兒誇張，我心諗洗唔洗買咁多呀??一出糧咪無左一節???佢地都二口同聲話咪當儲蓄囉，到左40-50歲就可以得到唔知幾多百萬，同埋當你有也事都有錢攪掂，睇醫生有唔洗錢，可能仲有錢賺...到時你想買都買唔到呀......睇來你咁中意夜蒲，只係會雇住眼前嘅享樂，唔會為未來打算.....

但係咁喎一出糧Ｄ錢咪比人宅死晒，咪無晒Ｄ流動支金，對方回答 車後生仔洗幾多流動支金呀,唔好話你中意洗錢，

但係咁喎如果你想報野讀，一次過要出幾萬元，咁你點比呀??又或者突然有個好幾會合資做生意，咁唔通要等到你40幾50歲先有錢做，咩幾會都無晒啦........之後一陣 Dead air.....

總知你係只雇住眼前嘅享樂，唔會為未來打算啦.....

無端端比他話無為未來打算有點無奈........投資都有好多方法姐，買保儉唔係唯一方法喎，再講報野讀都係一仲投資姐.......

MUSIC

今期推介比大家嘅係以上果隻碟，好多人可能唔係好識，其實隻碟係Linkin Park 嘅其中一個成員 Fort Minor嘅個人作品，全碟以HIP HOP RAP 為主，但係你亦可分類為Alternative ,雖然以HIP HOP 為主，但係同一般黑人HIP HOP唔同，佢較著重在音樂旋律上，也沒有了LINKIN PANK 嘅力竭聲嘶，所以聽起來較為舒服，值得一聽。

再渡從遇你

從來無諗過今日竟然仲可以有幾會同你一起食晚餐，有好多說話想講，但不知從何說起，交談中不是情話綿綿，而係一般交換近況。不經不覺，兩個月無見，你隱約有點兒銷瘦了，恐怕事過份勞碌所至......take care

經過今次相見，心靈上雖然尚未痊癒，但心結確係解開了不小.........好多謝你.

愛情生忌

1124係一個好特別嘅日子，１０年以來這一日都係一起渡過，由讀書時嘅簡單渡過，又或者近年嘅浪漫晚餐，都一一令我從新憶起，不過從今年開始要習慣一過人渡過啦.......時間過得好快，事隔經已兩個月啦，看似曰無其事的我，其實一路都無平靜過，每次再返看餘下僅有嘅短訊對話，都令我............

望對方以後能好好保重身體啦.....

有感而發（愛情污點）

戀愛就好似一件衫咁，當你新買返黎嘅時候你好有新鮮感，之後慢慢舊，可能新鮮感有所減退，但係就多了一份長久嘅感情，令你一直都唔想放棄佢，可惜有一日當你在鏡前發現佢有一個小污點在心口上，果點小污點並不大，也不大顯眼，當時你會埋怨自己點解咁唔小心，有點埋怨，但係當你繼續看著鏡子，你嘅目光經已不再看他一直引以為傲嘅圖案，和多完美嘅 ＣUTTING，反而目光只會停留在個污點上，而且個污點會不段不段放大，直到一日你無發忍受，張佢為棄........

PS 今日放工在家樓下碰到個FRIEND,講開佢早前抄車事件，佢係一個電單車車主，果次意外可以算係不幸中之大幸只係擦傷左小小，賠錢就事小，傷到自己就唔好啦，而身邊亦有多人擁有電單車，在此希望身邊有電單車車主，小心小心

$9,800與$22,000

今天放工約了一班BAND友一同前往TOM LEE Shopping ，每人都在找自己的心頭好，有人攬住個Keyboard 唔願走，有人眼甘甘望住支結他口upup,有人揸住支bass扮勁，扮型，我就更係坐埋位試一試我個目的啦......其實今晚嘅目的係我自己去買鼓........

其實都無得點揀，因為選擇根本唔多，眼前只有兩個鼓，同一樣牌子，一個$9,800,另一個$22,000,首先係試平果個,OK啦心中有數，之後就埋位試貴果個，一坐埋去個feel都好唔同，而且無論外型，鼓面個質感，出來個聲音效果，各樣各樣都充份表現，一分錢一分貨，在心中確實有一刻爭議過，當中就更係天使同魔鬼嘅對決啦.......激戰15分鐘後，天使勝了，都係只有面對現實，最後成交 $9,800。之後仲有Ｄ濕濕碎碎嘅錢要比......大約一萬左右啦..........過幾日送黎......
以後就無藉口唔練歌啦......

來年都係要堅Ｄ先得啦......不過有人約我出去飲野都會到嘅...哈....

新居

好耐都無見過大家啦........哈

登登登登我的新居......

有感而發

本人開始寫BLOG 都有大半年啦，回想起之前一得閒就亂咁ramdon 咁，睇人地Ｄ BLOG有時會遇到Ｄ同聲同氣，話題有feel嘅 BLOG， 好多時都會keep 住長期光顧，當然係單方面暗戀，網主係唔知情家啦.....

不知何故一陣密碼風吹至，身邊有部份朋友也加入了密碼行列。對於朋友個BLOG要加密碼，一定有佢本身嘅原因，暫不便評論，但係某情度上，對於我黎講帶來左小小麻煩，同埋有以下嘅有感而發........

在我個人立場寫BLOG就好似一個個人電台，你係主人有權講任何你想講嘅野，當然Ｄ野係你自己講，某程度上都要付返Ｄ責任，有時都會遇到Ｄ野想講，但又唔想比咁多人知，這時候我會取捨一下，可能我會放棄這個topic又或減小這篇文章嘅內容,但我係唔會選擇在個blog上加上密碼，因為我覺得BLOG係一個自由嘅地方，你講嘅野係自由，你又可以自由咁選擇自己中意睇嘅BLOG,無人可以逼你睇一個你唔中意嘅BLOG。除非有人揸支槍指住你啦。

如果有人暗戀咁睇你個BLOG,可以正明你個BLOG唔係一個無無聊聊只係返工放工日日一色一樣 ,而係一個有用過腦寫出黎嘅BLOG,而且仲有一班好好嘅FANS一直支持你添。到最後好唔希望發展到有一日，我亂咁RAMDON D BLOG嘅時候,全部都要打密碼先入得，咁就唔係咁好啦........以上只係一時有感而發，並無對任何人不敬之意.....

話咁快就星期五，又係心水歌曲推介嘅時候，今個星期想同大家分享嘅係一隻好舊嘅歌，本星期經常在公司同事個Iturn聽這一隻歌
，係杜得偉嘅 （准我再一次），隻歌數數下都有成十幾年，而家聽返，都仲係好正.......

工作俄羅斯方塊

由早幾個星期前開始好多野做，唉雖然經已完成左好多，但係每天都總會跌好多落黎，就好似俄羅斯方塊咁，底嘅都未清，新嘅又好快咁跌落黎，最緊要唔好做錯喎，如果唔係要搞返好個難灘子仲麻煩，所以話反應慢Ｄ都會GAME OVER,

不過今是真係無乜mood做野，可能上星期Ｄ腦汁攪得太勁，今日攪極唔出，又可能約左放工去打鼓啦,又可能.........呆左半日無乜點做過野，希望明天會更好啦......

ＰＳ得知友人家將會有喜事，先在此恭喜，並充心希望你自己保重..........

音樂停不了

之前都同大家講過關於一個由日到夜嘅音樂PARTY，今日終於坐言起行參加了。今次嘅活動都係以ROCK為主，間中都會有Ｄ另類音樂，如非洲音樂,DJ 等等.......大部份人都係外國人80%左右啦，中國人都係得好小數，可能香港人唔太好ROCK,又可能無明星掛，老實講無一隊野我係識嘅，又無一首我係識嘅，但係氣氛同環境都令我相當難忘......

下午3時約同友人RYAN到達維園，Party 剛剛開始，開始時剛有非洲鼓表現，當時未係有咁多人，有好多空位可以比人大字型咁躺在草地渴著啤酒，享受著日光，享受著音樂，確係非常舒服，當時發現原來好耐都無試過坐在草地上啦,.....之後更大跳非洲舞度，好似青蛙咁十分搞笑，慢慢開始入夜人越來越多，音樂亦開始升級，越來越ROCK，身體開始能不由自主地UN.......一路去到8:00可以話係一個ROCK嘅高潮，當時台下經已集合左一大班人，在強勁嘅 band sound音樂下，個個人都HIGH到不得了UN個不停，當時情境，真係有好似至身外國露天音好會咁非常真實，一向都想試下這重知味，估唔到香港都可以感受到........

ROCK高潮過後，換左位DJ同MC 上台捽碟，開始時又話個DJ點勁點勁，又話世界頭53位，就睇下你有幾勁。一PLAY隻歌果然真係有料，令人目定口呆嘅捽碟技術，加上強勁節拍，個身體又再次不受控制，全場人士跳過不停，在維園有幾百人一齊跳舞確係相當壯觀，現場氣氛又再次去到話潮，直到完結...........

經過這次音樂活動，確係令我大開眼界，亦對我嘅音樂路途有所得著。完全係屬於音樂嘅一日,換來比行山更嚴重嘅疲累，四跂都動到無晒力了，但我相信下年同樣有咁嘅活動，一定會參加......

在場中撞見公司同事KENT同DANNY,一同打地餔享受了完美嘅一晚.....

毒品害人 影嚮一生

只能找到美版封面

最幾個星期前嘅一日，電話特然嚮起，係同事突然致電給我，問我有否看過一套叫（迷上癮）嘅電影，佢話套戲好正，一定要睇，仲話咁o岩見到HMV做緊特價只售$20問我入唔入貨，見佢咁有誠意推介，所以佢就幫我買左。補充一下關於果位同事啦，佢當年都曾經讀過DESIGN,當然仲係手做稿年代啦，之後做過好幾年production，主要係做Ｄ廣告嘅PRODUCTION，仲好搞笑咁講，當年九巴廣告pancake隻碟係佢去sell比老細家，而且有好多大牌子都有份參與過.....所以佢對整過拍攝過程，同手發運用都有一定嘅經驗，同有專業嘅見解，有時食飯會講一Ｄ以前嘅趣事，有幾會再同大家分享下，憑佢嘅經驗推介得都有返咁上下.......

講返套戲叫迷上癮，一睇就知係關於Ｄ毒品家啦，故事講及４個有關係嘅人吸毒後嘅悲慘收場，故事雖然係好大路但相當寫實，成出戲都好陰沉加迷幻，而且鏡頭加配音運用出色，演員部份首推母親角色，最終都係因上癮而痴左，去到結尾果個部份，睇完真係好up...果然無介紹錯....

停一停

時間好快又一個星期，而家又來到星期五啦，到左今日終於將有限期嘅工作完成，雖然餘下仲有好多未做，但係好在無咁趕，無咁大壓力，一連OT左四日，到在第五日點樣都唔想再OT啦，6:00左右就閃.....終於有日可以早Ｄ啦.....回看自己個工作時間表，雖然清左好多，但係都仲有多份layout 未做.....都係爽手Ｄ先得啦.......

昨日同位同學仔在電話中傾Final Project，大家全力一齊發功 腦震盪 一返，整個過程看似吹水，但校果相當唔錯，個半鐘頭中個websit主要部份已有了初型，係比我期望中好同埋好多野都好有Point，雖然仍是初稿階段，相信都可以幾吸引。

最後由今個星期開始每逢星期五，我都會發報一下上個星期嘅最高ipod播放歌，如果你對這歌曲有興趣可上iturn music store Pre 聽或聯絡本人，如有什麼意見亦可一同分享，希望同大家有點音樂上嘅交流....
top one hit.......


james Blunt 嘅 You're beautiful 好聽....

這時什麼的新一代

我個位一向都好自成一角，可算是旺中帶靜，只有前面一位同事係離我近小小，但係早幾日就多左一班新鄰居....一班不知所謂嘅鄰居....
事原係公司請了一班PART TIME,一行四人主力係上個月在POLY U賣機後，客戶再憑單據上來公司取機，咁佢地嘅工作就係幫佢地試機，同取機.....佢地４條蛋散，我估十零二十歲個個個樣都好似成日在旺角見到果Ｄ兩失青年咁，成日在我後面鬼殺咁嘈，大佬呀雖然個環境係無咁嚴肅姐，但係點樣都係一個office靜Ｄ得唔得，仲有點都係一個office 希望你唔好用公司Ｄ電腦上網打機，同PSP啦，雖然你係無乜野好做，上網睇下新聞都得姐，比Ｄ客見到就唔係咁好啦...又有條蛋散不停講電話，Ｄ內容來來去去都係Ｄ好掛住你....而家好悶無野好做......如果咁無聊就快Ｄ收線啦.....而我又好唔明點解佢地又唔洗著制服，求其著件FUJITSU 嘅T-Shite 都好過佢地咁古零精怪，見到都唔開胃呀，話晒都要招呼Ｄ客，唔似得我柄埋個出卡啦位係咁做,仲有公司一向都對我地Ｄ員公好好，個雪櫃可以用常滿來型容，飲品同餅乾係比我地免費來享用，佢地就當正自己屋企咁，有4個人一日飲成3,4包，飲完又唔清理，呀姐見到都拾左幾次，之後都唔幫佢地拾，最終係我個垃圾桶變左常滿啦，大佬休息室有個大垃圾袋家.........當真係飲晒嘅時候，仲講（九菜無晒野飲添)喂喂唔係老馮有野飲家，最最最緊要係懶到呀媽都唔認得，11點鐘返到來，１點鐘又唔見人，３點鐘先出現，５點半又唔見晒人，可能佢地係約左時間，但係都唔好咁過份啦，好啦通知佢有客上到來，又好似唔係好願動身咁，話要打埋個GAME先...大佬呀請你返來打機呀.....。如果這幾條蛋散代表新一代，咁代表新一代係乜.........

請給我多一點時間??

唉....日日比人追到瘦，日日都有Ｄ又新又趕嘅野跌落黎，本想做夜Ｄ先走，但係又比揸匙人趕走.......上帝可否比多點時間我呀????回家後仲有工課未做....死未.....

順利過度

不經不覺經已做左3個月啦，對公司一切都非常滿意，人事或公作都好好，而佢地都好滿意我嘅表現，所以我可以順利過度，薪酬方面亦有大約10﹪嘅提升，而家真你可以鬆一口氣啦.....

但係近排真係好忙，公司係代理多隻手提電腦牌子，所以要同一時間諗多個不同風格嘅LAYOUT確係不易，而且每一份都十分趕,我為有盡量滿足佢地啦........

紅白機 到 PSP

中午食飯同Ｄ同事講開遊戲機，講下講下講到，去以前小時玩嘅game同遊戲機，我地始終都係同一代人，以前玩嘅都係一Ｄ好經典嘅game，好似，雲斗羅，孖寶，.......實在太經典，但係有無諗過佢係太經典，定係我地以前無咁多選擇呢??好有可能以前機種無咁多，玩黎玩去都係紅白機啦??由於現今科技發達，Game嘅質數不段題升，無論在畫面，故事，內容，CG都大大題升，而機種亦多左好多，有PC Online Ｇame,PS2, X BOX, PSP,
GAME CUBE, GAME BOY, PDA GAME.............相比起我地以前，而家嘅小朋友真係幸福啦....

一個唔同嘅感覺

今日放左工，一條友走左去睇戲，本來都想同朋友去䏲，可惜我太遲報名，人地都買晒飛，為有自己睇啦，不過都無所謂一個人睇都慣了....

今晚睇嘅係（怪誕屍新娘），都幾好睇，Ｄ detal位做得好好，做型十分突出，亦好有個人風格，但兼故事過份簡單，以至發輝幾會有限，而描寫感情方面未見細至，未能令人有好touch嘅感覺.......

而我本來想講嘅唔係套戲，反而係我一個人睇戲，本來一個睇戲我都慣左，但係原來發現，雖然以前係一 個人睇戲，但係背後係有個人一直在心中支持住自己，而家又係一個睇，背後果個人消失了，換來嘅果一份空墟係前所未有........

大家有否興趣參與??

一個由日到夜嘅音樂party

http://www.rockit-hk.com/

clubbing

數下數下都好耐無去過 clubbing,上一次都應該係上個月嘅事啦....去到蘭桂坊都已經變晒好鬼萬勝節，成街都係人同埋鬼逼到死死下，終於到左目的地，係好耐都無去過嘅EDGE，真係好耐無去，Ｄ格局都唔同左好多，已前有Live band 而家係有條友玩卒碟，開頭都好地地，之後卒到古靈精怪，都唔知想點....同行嘅都係一Ｄ以前 ive 嘅同學仔，都好耐無見過。在酒精同音樂之下，換來一晚開心嘅心情.
其實同一日𥚃面都幾忙，又要返工，又要返學，又要夾band，之後又要出去飲野.....密密麻麻....累透.....

收夾band到Ｄ歌，聽返play back 發現仲有好多位可以改進....

Robbie Williams Album

自從better man 開始買robbin嘅碟之後，除精選碟外一路都無乜間段過，一向都係佢嘅中實fans....上一次嘅新歌album要數都有成3年前，實在等得太耐啦，之前知到佢會出新碟，一路都好期待，而家iturn除左可以比人買歌之外，仲可以幫Ｄ歌比comment，我見到佢Ｄcomment都非常之好，overall有成4.5粒星，事不而遲，放工去開旺角練鼓，順道張佢據為己有。一返到屋拿拿淋開黎聽下，無錯等咁耐都係值得嘅，係水準之作，而除碟附送making of DVD，都令好忙嘅我花了半小時去睇左佢.........

講開iturn，今早比我發現到佢有中文歌賣，開頭無意中入左個chinese song 嘅 Area ，入面嘅大多數都係國語歌，唔知佢台灣定大陸啦，好多都唔識，不過都比我揾到Ｄ廣東歌，唔好以為係古巨基，陳亦信果Ｄ咁勁嘅歌星，景然係官因那同江欣慈，唔係掛佢都Ｄ歌都可以在iturn買到...都幾古怪, 仲有iturn係用英文，所以Ｄ歌名都係用國語并音，唔係好明....哈

我在理工大學嘅一項研究工作 Vol.7

我個一連7次嘅研究工作終於完成左啦.......今晚進行最後一次嘅腦部掃描,暫時以最好嘅成積完成....哈

世事無常

在公司坐我前面有位已婚嘅女同事，經常都笑面迎人，又好鬼多口，可以算係大家嘅開心果，如果果日佢無返工，果日個office就真係會靜左好多，同小左好多趣味。早前佢要求我幫佢個４歲仔仔做張生日咭，由於工作太多遲遲都未交貨....寫稿前已完成......

由上個星期中，果位同事無上班，有人話佢有事請左假，但係點知到左今天我收到個E-mail......內容講及果位同事個先生經已離開人世,有心人請與某某聯絡代辦............

收到個咁嘅消息，當然唔係咁開心，我又會諗如果有一日又有Ｄ咁嘅事出現，我又會點樣面對呢??
雖然佢唔會上到我這個Blog,但我亦在此說聲折哀順變......

funny Movie

無無聊聊睇左套非常超現實嘅戲，<星際快閃黨>個名就唔係咁吸引，其實我開頭都只係比佢個機械人嘅造型吸引到，但係個故事真係一絕，佢唔算係編排得好好，仲有好多位係係乜交代，但係創意真係一流，有好多野都規佢諗到，又改變左世界觀.....而且套戲好多笑位,真係停唔到，有一幕講到有條藍鯨，在幾萬尺高空跌落地面時個腦嘅諗發，出人意表，十分出色....真係唔買都租黎睇下....誠意推介

底處未算底??

自從開始入左低潮期之後，好似有連帶關係咁一浪接一浪，在不同的範籌中都總有Ｄ地方係令我感覺到錯敗感，由工作到生活都無一幸免，到低幾時先至到谷底呢，到左谷底我又可唔可以反彈呢？？仲係未知之數.........

MAROON 5

最幾日買左隻 live 的 DVD, MAROON 5 係我最愛嘅樂隊，就更係會支持下啦，歌嘅方面就無乜問題，不過Ｄ拍攝就差Ｄ啦，好似好舊，同好矇咁....有點失望....

最後判決

對於一個犯人來說，判處死刑可以話對佢最大嘅打擊，雖然其實都心中有數，但係到宣判一刻，果一份打擊同痛心可能只會得佢一個人知道.

當有人個知道結果之後，有人會搖頭嘆息，亦有人會講，低佢啦唔洗可憐，一日都係佢夠由自取，無惡不作........低死...

但係對於佢這一刻果份無奈嘅心情，笑過，咸過，都無一重表情能夠表達果仲感覺，而佢而家可以做嘅可能，只有係一步一步走上刑台坐上電椅，合上相眼回味一下以前風光的日子，同時亦希望當有幸可以張開眼晴的時候，可以能夠再見番這個世界........

replay

每一次聽番夾band時候嘅歌都覺得好搞笑，搞笑就更係甩到九彩果Ｄ位啦......不過有時都幾滿意，都幾開心架，而我發現同一隻歌，頭幾take一定甩得好緊要，打到尾就會越來越ok，同班人中個個都卧虎藏龍，我咁嘅小番薯角色就更係要努力Ｄ啦......

义電人

由於 apple Ipod 家族都出左好一段日子，價錢都越來越平，而ipod nano更成為一個熱潮，有好多PC人都擁有左ipod,而公司都經已有好多人裝左itune,由我帶頭搞嘅itune share music 已經相當成熟，一開itune都可以有６, ７ 個人share佢地Ｄ歌，以我為例我大陪份都係英文歌，hip hop, R n B....有位同事就好多電子野，有Ｄ主打中文歌，有Ｄ古靈精怪乜都有，其實咁樣都幾好，可以同人分享一下自己中意嘅音樂，又可以聽下其他人Ｄ歌.......

而加強左播片工能嘅itune，itune 6.0 我經已安裝左，亦好快入晒Ｄ ＭＶ入去，而今個itune６ 在整理MV方面十分之方便，但係暫時好似係唔可以shareＤ ＭＶ比人地睇，唔知遲Ｄ得唔得呢.....

由於有好多人都用ipod,而我又經常有條cable在公司，有見及此我就要成日同佢地义電，有時义完一陪又一陪，真係變左一個义電人....

理所當言

人就係咁，當你擁有嘅時候一定唔會去珍惜，好似擁有一切都理所當言，亦唔會諗有一日會失去。但當有一日你真係失去左嘅時候，到時你先至會識得去後悔，埋怨自己之前無做好自己本份，無去好好珍惜，無去付出，無去圍系，無去關心，無去講，無去做，總之好多野可以做到但係無做到，但當知到可能經已係太遲，好多野都經已唔係你自己可以控制到，到左這個時刻，到底除左無奈地目送佢離開，我仲可以有乜野做到呢.....

我在理工大學嘅一項研究工作 Vol.3

今晚又要去做研究，除左如常做一Ｄ基本應聲練習，不過今晚又有新野玩，....
我全程都係矇眼進行，玩法係佢有9粒一樣大小嘅正立方體嘅積木，上面有２粒係用沙紙包住以示色別，然後佢張積木３粒１行分為３行，而我就要用手找回果２粒嘅位置，然後佢會比個名果２粒積木，一個叫 Ａ，一個叫Ｂ，之後佢會一次過講Ａ向左行一步，Ｂ向下行一步，Ａ向上行一步，Ｂ.......如事者每粒行3步，講完之後我就要憑記憶話返比佢知Ａ同Ｂ所行嘅每一步，同埋佢地最後嘅位置.....好似好易
之後會增加難度，要記得Ａ同Ｂ所行嘅6步同位置....哈仲過到關，好！加多一粒叫Ｃ，要記得Ａ，Ｂ，Ｃ所行嘅３步，到仲過到.....最難嘅係Ａ，Ｂ，Ｃ所行嘅6步.......玩唔到啦.....由於唔可以靠視覺去分別，單憑聲音同記憶確係有Ｄ難......不過都幾好玩.....

超級無敵掌門狗之世紀大騙兔

琴日放左學，一個人無乜野做，就走左去睇戲，數下數下都好耐無入過戲院啦，無記錯的話上一次睇嘅係星戰.....

一向對卡通動畫都幾有興趣(日本動畫除外),而掌門狗亦係我嘅心頭好之一，故事一向充滿英式幽默，傳統嘅泥膠公仔，較而家3D嘅動作更具質感，更需要心機同時間，值得一睇.......

Franz Ferdinand 好聽....

最幾日前買左Franz Ferdinand新碟，聽過之後相當滿意，仲好記得第一次接觸這隊蘇格蘭新 band是在HMV試聽，開頭覺得佢Ｄ歌路好鬼舊，好鬼娘，而家仲會唱歌唱到好似The Beatles咁out....(The Beatles都係我嘅最愛)，但係唔知點解果排去親，都會攞黎試聽下，開始覺得完來娘都可以好型，同好好聽，之後去旺角，見平平地即買.......

而家隊野就硬係紅到飛起啦，而第二隻碟加左好多原素，唔只係一味娘落去，好有新鮮感....值得一聽

PS 從朋友得知之前一路去開clubing嘅club ing 要結業啦今個星期係last weekend,知到都有Ｄ突然，話晒果度都係我第一次Clubing嘅地方，跳過咁多次舞，都應該甩唔小腳毛，最難忙就更係同Ｄfriend出黎玩嘅情景啦..........

病了

由於秋風起，我終於都病左啦........

我在理工大學嘅一項研究工作 Vol.2

今晚再次進行我嘅研究工作，(詳情請看9月10日 嘅Blog），今次唔洗去照腦啦，而今次係去學習，點樣分別6種唔同嘅"得得聲“無錯如果唔學真係分唔出Ｄ"得得聲“有乜分別，講下個原理啦，主要係用一個會發射超聲波嘅眼鏡，一方面射出聲波，一方面接收聲波，再由精片轉化為6種比肓人聽嘅“得得聲“以唔同嘅高低音來分別，近，中，遠，布，木，鐵，而肓人就利用聲音分別面前嘅環境同不同物料，有Ｄ似蝙蝠嘅原理。

由於比肓人用，所以全程都要矇眼進行， 而且佢仲唔想我對間房個空間有印像，因為會對個結果有影嚮，所以去到樓梯口就要矇眼，好似比人縛架咁...哈,由於好快手就熟晒佢Ｄ分別，又好快就達到要求，做第一次測試就o岩左90%，佢話好小人第一次就o岩咁多所以提早收工.......

DVD

幾日假期無乜好做，向同事借左幾隻碟黎睇，如下....

bjork嘅2002 live 一般比較小聽佢嘅歌，佢Ｄ歌都係以大膽，創新比較藝術為主，有時都唔係好知佢唱乜，平時多數見到佢好多好靚嘅MV，同事推薦下睇左個LIVE，現場演繹得好精彩


又係同事借我睇嘅，由李修賢主演嘅"中國超人“係十幾年前卲氏出品，可以話係香港第一套，好似矇面超人嘅電影，其實都幾長，同有小小悶，因為個故事都幾簡單，但係成套嘅都幾應真，Ｄ導具都唔會有一種好流嘅感覺，仲有原來李修賢十幾年前都幾靚仔家。


終於有一套係自己買，係usher live 05，一向都好鐘意佢唱歌，同跳舞，佢個Live show 可以用好睇來形容，十分精彩，而且Ｄ家賓都好勁，有Beyonce, Fat joe.......勁

軟硬

有同事在網上找到所有當年嘅電台節目，加加埋埋都有成１GB幾，一次個聽左好耐，都未聽得晒，不過確係好搞笑.......

PS thx every body 多謝關心，好多野上末放低，但人都仍然係要生活........

到低時間係用來慮積關係，定係用來冲淡一切........

晴天霹靂

突然收到個MASSAGE，晴天霹靂trun me down

:(

諗唔到野

今個星期，完全腦閉塞......好多野都解決唔到，搞好到好多野Ｄ進度好慢..............唔該快Ｄ通返啦.....

It's the long way to the top of rock n roll

又到左夾band 日子，今次有小小懶，練得唔係咁熟，不過都ok啦......下次會再好Ｄ家啦.....
:) 今晚有幸高歌一首，諗諗下都好耐無唱歌啦.....而今次係第一次夾band唱歌....哈好搞笑 ：）

早幾日去過通利，見到人地試緊鼓，嘩好經，都唔知幾時先有佢一半，需然而家都叫做打到首歌，同人地夾下玩下，但係要去到果個竟界，都唔知要到幾時.........

It's the long way to the top of rock n roll(AC/DC)

偉哥飯局

哈.....打完個title之後都覺得有Ｄ搞笑，唔係食偉哥嘅飯局，同偉哥食飯

自從偉哥入左（敵視尼）做之後就音訴全無，今日機玄巧合之下同倒佢食飯，好難得架，同行仲有ＫＹ（都係（敵視尼）人），我就更係大問（敵視尼）嘅野，工作嘅人同去玩嘅人係好大分別架...........

之後去左HMV....試聽左林狗隻碟，都幾好喎，比我想像中好，早果幾隻碟確係有Ｄ失望，但係今次都做得幾好，好吸引，不過都幾貴，等佢降下價先，同期絕對其待 Franz Ferdinand vol 2

中秋節快樂

咁多位朋友仔，中秋節快樂

:)

iTune + Mobile

到同事新買左個手提電話，正正係新出嘅Motorola ROKR，內至左itune 功能，新頭見佢在發報會中發表時，未覺驚喜，但今日見到實物，就令我蠢蠢欲動。

有人問我：你有一個20GB嘅ipod仲要個重點有itune嘅電話用來做乜呀??咪從復左，但係我就咁諗，有時要出夜街，又唔想攞咁大個ipod出去飲野，咪可以用果個啦。而且入面有好多工作嘅file，萬一唔見左或者壞左就唔好啦，有個咁嘅電話都幾方便.
第二個好處係佢用itune控製佢Ｄ歌，可以直接由家中個imac搞掂，十分方便。
第三係價錢合理，定價係1,900左右，一般如sony，用得下都要＄2,500以上，新出更要＄3,000以上，對我黎講手提電話，唔洗咁貴...其實好多手機係強在影相同拍片，這兩樣對我而言，係可有可無，因為我好小用手機影相....無乜用
第四係小弟個手機壞壞地，係時候換一換啦....

開心飯局

今晚好出奇同左一班從來未見過面，但又好了解大家近况嘅朋友食飯，無錯就係個Blog上面識嘅朋友仔，真係聞名不如見面，個名就見得多啦，見面都係第一次，nice to meet you everybody.....
:)

PS :Tammy Happy Brithday
AA thx the moon cake
:)

投訴

肥姐寵愛自己個女就係人都知，一心想個女出名。但如今當佢睇到Ｄ投訴個案數字有會有乜野感受呢??

而家Ｄ觀眾經已去到一個人身攻擊嘅地步，觀眾以經唔會睇佢嘅演技，一見到佢個豬頭一出現就投訴，我估而家欣宜除左扮豬唔會比人投訴之外，扮乜都會收到投訴電話。

肥本身無罪，但係衰就衰在佢個格衰，成日白鴿眼，又自以為瘦左好靚，減左出黎咪又係肥妹一名，只不過無咁肥占咪。最衰就係成日扮乖，係呀媽面前就好似貓仔咁，出到街就描嘴描舌......試問咁樣又點會有觀眾緣呢...想紅，又或者想食這行飯，唔該改改啦.....

LIVＥ........

早幾日講過stomp會在香港開show，原來女友一早買左飛，今日終於可以一睹佢地LIVE 表現thank you 晒，
ＬＩＶＥ 真係比睇DVD好好多，成個表演好好立體,平時睇碟，只可以睇到鏡頭下嘅畫面，而睇舞台係成個整體，一次過睇晒，加上現場嘅音效更是一絕好睇，最後全場起立拍掌.......好好feel....

密密麻麻嘅一DAY

1 星期六上午如常上班,唔係太多野做 （9:00-1:00)

2下午如常要返學，差唔多全程小組討論 (2:30-7:00)

3緊接係去夾band，今次演出各人表現都幾好,出黎嘅效果都好唔錯,keep住keep住 :)之後同佢地聯誼下飲下cafe (8:00-1:00)

4唔好以為我會乖乖地返屋企，哈......出左去TST朋友間bar度飲下酒....雖然我係單枝上去，但係果度出入嘅一係就老闆Ｄ朋友，一係就老闆Ｄ朋友嘅朋友，39唔識7都可以玩一大餐....我到最就更係不醒人事啦，不過有度好話晒都係自己地頭，安全感都大Ｄ啦。醒返已經係早上
7：30啦........仲未回度魂，那那林搭的士返屋企訓..... (1:00-...............

我在理工大學嘅一項研究工作

我在理工大學嘅一項研究工作，主要任務係比人研究.....，

理工大學正研究一件幫肓人辨別方向嘅工具，而做之前需要大量數據，同參考資料，我嘅作用就係同佢地做聽力測試，再用磁力共震機進行腦部掃描，來測試出聲音，視力，對腦部嘅不同區域嘅唔同反應,以作參考......

全程在一部好嘈嘅機入面進行，由於要蒙眼進行，所以做下做下鬼死咁眼訓....好可能我係訓著過... :)
做完出黎見到個Mon上面有自己個腦掃描，諗都無諗過可以咁仔細睇到自己個腦嘅橫切面.....乜我個腦係咁樣有幾會比大家睇睇....

整個研究共７次，仲有排做.......

PS 有一樣野想提一提，原來做磁力共震係嚴禁有金鐲物品入內，更嚴禁體內有金鐲裝置人士進行，原因係磁力共震會以高磁力來進行掃描，因此金鐲物體會被吸引，勁度好可能會以子彈嘅速度射出體外，好可能會有生命危險。

ipod 新機

今日個News關於ipod佢又出左部新機，叫ipodnana外型實在超型，比起ipodshuffle 大小小，但係比起ipod 就係簿好多.....好似張card咁真係好型，最正就係有個全黑版......cool 唯一係我縑佢得4ＧＢ唔係好夠用

事不而遲快Ｄ上www.apple.com 睇睇

風暴之後

美國嚴重風暴，本身以經係一件大事，但係原來因為風暴所帶來嘅問題同事後嘅事，比起風災問題仲大，打劫，殺人，強姦，無奇不有，再深入Ｄ更會睇到種族，膚色，財富等問題....種種問題就正正在自命為正義嘅國家美國上發生，十分諷刺......

Blue man group

Blue man group 係一team 3個人嘅組合，用Ｄ不同長度嘅水喉通作樂器，再配合rock music 非常精采

STOMP

早幾日有位同事借左兩套DVD比我，講清楚先唔係四仔哈，係兩套佢話好出名嘅boardway show...一套係stomp另一套係blue man show
,佢知我有玩打鼓，所以就極力推介我睇以上兩套碟，佢雖然話借比我，其實佢係幫我燒好隻碟，仲特登買埋個ＤＶＤ盒，仲幫我影埋封面cut
好比我，同出信和買無分別，就睇得出佢幾有誠意推介比我啦.

返到屋企第一時間，開黎睇睇有幾咁正，ＳＴＯＭＰ係一隊野個名，主要係用音樂＋舞蹈，咁樣講好似無乜特別，佢地最特別嘅地方係佢都會用生活中的日常用品來做音樂如，水喉，垃圾箱，掃把，火機，碑牌，總之係張音樂隔入左生活，做成一個個場景，佢地個舞台好街頭，好有日常生活嘅味道...精彩我都極力推介

從同事得知9月stomp會來港表演，佢計埋今次係睇第３次，就証明有幾得啦,睇完套野搞到我都想睇下佢地Live嘅表演添....

另一套係blue man show 未睇下次講........

猿人

而家猿人嘅影嚮力真係勁到無人有，行出街碰口碰面都係猿人，由死靚仔到明星仔都係著猿人，仲件件都鬼死咁大個猿人頭，都唔知佢真定假，自問自己都好名牌，猿人都有件，不過要我比$700幾買件出街撞衫撞到7彩嘅猿人tee，又真係有Ｄ難（除非個PRINT好靚啦）

到左而家買衫有兩個選擇....Ａ買Ｄ再貴Ｄ如 Number nine, Comme Des Garcons, Dior homme......可惜買唔起......
Ｂ一係就買Ｄ底小小，有牌子得黎，又唔太差就算啦，隱藏好過撞衫呀.....

不過見仲有時間又去睇睇猿人又有Ｄ乜新野先...
:)

無聊晚上嘅發現

今晚無乜野做，無無聊聊上左Itrun，check左入去個podcast度睇下，求其打個chinese 黎search,
嘩 原來入面以經有好多個中文Podcast可以dowload,種纇多到不得了，有Ｄ係電台嘅，有Ｄ係業餘嘅，有Ｄ好專業，有Ｄ咬自唔清，有Ｄ食晒鑼鏍，有Ｄ好無聊，但係好搞笑，有個仲得意係科大舊生會搞嘅，一連幾習教人點樣見工....咁都得，唔知遲Ｄ會唔去到有Ｄ成人嘅Podcast 要18歲先可以dowlload出現呢....
:)

My new toy

星期買左個HAPPY TREE FRIENDS嘅玩具，第一時間張佢進駐公司枱頭，得閒就攞黎玩下.....
:)

＊happy tree friends 係一個用flash 製作嘅卡通動畫，可愛人物＋血腥暴力，故事天馬行空，非常攪笑.....

詳情可到
http://happytreefriends.atomfilms.com/index.html

內有故事可以Dowload

千杯即醉

昨日有位朋友搞左個生日派對，其實都不外呼去ＢＡＲ拼過你死我活，大大話話都好耐無飲到咁醉，好彩醉左無亂咁搞事，如果唔係就大件事啦....

歐洲電影＋荷理活製作＋港產片

唔好以為見到個標題就係講一套戲入面有晒以上特點...我只係用左三晚䏲左三套戲....

1歐洲電影 “希特拉的最後12夜“，唔係唔好睇只係實在太長啦，而且成出戲好平，無乜高潮位，有點悶....又可能希特拉同我地中國無乜切身關係，如果換左“廣島原爆前的12夜“，可能會吸引Ｄ ：）

2我嘅最愛“Nicole Kidman“嘅“判譯者“，睇完都覺得幾好，個massage ok,但係有Ｄ亂，有Ｄ位交代得唔夠好

3 “千杯不醉“老實講要我比錢去戲院睇確係有Ｄ難，見朋友有贈券，唔洗錢咪去睇下。我不抱任何其望去睇，出黎效果都幾好，唔好講個大笑姑婆嘅表現，都係咁上下，有幾個角色係做得幾出色嘅,如"方中信，同肥谷“都好ＯＫ，而且成套戲笑位都交到功課，大家一看無防....

以上係小弟看後個人見解，並唔係在扮專家。純粹係吹吹水
:)

改變

唔知由幾時開始，喜愛左孤獨嘅感覺，我都唔知點解，唔係太鍾意一班人浩浩蕩蕩咁出街，食飯，睇戲。而這些感覺慢慢變成一個行為，進入左我嘅生活𥚃面。又可以咁講雖然我而家有好多同事，但係成個月黎多數都係自己一個食飯，有時佢地都會叫我一齊去食飯，但見到佢地成班人咁熱鬧，反而令我唔想去，我都唔知點解，怕要應酬咁多人掛。

雖然我習慣孤獨 害怕熱鬧，但係唔代表我會完全封閉左自己，我都會認識新朋友，一般正常嘅社交都會有，不過一班人浩浩蕩蕩，同埋堆嘅行為就買小見小啦.....

而第二樣係我開始認同做創作嘅路係孤獨，之前睇過好多書，都講過好多咁上下嘅野，本來都唔係咁信，人越大經驗越多就開始認同這一點，最知到自己想點嘅人，就只有你自己，最知到下一步做乜嘅，亦都只有你自己。

第三就係,在工作上我開始越來越燥，在工作上已經唔係好易話謂嘅人，平時玩就點玩都得，到在認真嘅時候，就連女友都無情講.....我唔知係我EQ低左，定係我做野認真左呢，又或者係我主見多左....自己都唔知

以上幾點並唔係針對任何人，易唔係針對任何事，只係自覺有咁嘅問題，係好係壞都唔知，但我唔會刻意去改，順其自然啦.....

御用髮型師

見Ｄ頭髮長長地。都係時候去修一修，唔經唔覺去搵呀Karen剪頭髮已經年幾有多，開頭由朋友介紹下認識到Karen，知佢係在自己屋企幫人
剪頭髮，由開頭試下試下，變下變下到左而家嘅御用髮型師，真係唔該晒.....

〔擊情〕又一套看後好灰嘅戲

日前有小小空當時間，租左套戲睇，睇完之後成個人都灰晒，加上早幾日不停下大雨，心情一時間未能平復....

“怪癖”串連

日前我睇到個Blog以“怪癖”為題，寫下自己五項怪癖，並要求看後轉寄五人，令個post 可以串連落去....
準備接波

“怪癖”實碌

１愛在電腦看VCD,多過愛看DVD，因為我用QuickTime Player 看VCD時，當遇到D無對白嘅畫面，齌影景嘅時候，我會以倍速飛走，以便慳時間。

2 無論係我打電話比人，定人地打電話比我，最後果句我都會講 "咁無野啦bye bye" 其實可能人地仲有野講....

3 愛在車上手舞足度，聽住ipod，手手腳腳不停做住打鼓動作，旁人睇到以為你癡左線

4 極之厭惡涼鞋，我出街一定要穿能覆蓋腳趾嘅鞋。

5 無論看報紙或雜誌，都愛由尾果頁開始睇

以上係小弟一小陪份嘅“怪癖”，仲有大陪份未能盡碌，如看後覺得不息，嘔吐，嘔心，頭暈，失眠，等証狀請報警求助
1) 看貼後，請寫5項個人怪癖
2) 然後請再轉貼5個人

下列人士請接波！
AA
RYAN
Dicky
II
Roy

其他人仕亦能參與.....thx

萬里無人

早幾日前可以話忙到死，一日嘔４，５個leaflet嘅 Design真係想死，樣樣都趕到死，直至今日真係180度改變，因為公司有大約70%人走左去EXPO，成個公司無晒人，而我嘅Design工作以經完成晒，成日都無野做，齌上網......so feel

HK PODCAST

幾星期前無意中發現左一個香港人做嘅PODCAST，一聽之下上左癮，每逢星期五都會上去佢個BLOG度聽一聽....有興趣者請到
http://www.bloggers.com.hk/cmm/?cat=11 Ｄ專題都幾有趣.....

GOOD MOVIE

今晚因為得閒Ｄ，終於都睇左隻買左好耐嘅碟睇，就係占基利嘅“無痛失戀“，其實我之前在戲院都以經睇過，實左太好睇啦，就買左隻ＤＶＤ，點知買左當睇左，最終留到今日先開封......

套戲講乜，就唔詳細講啦，有興趣就自己睇啦，但係有一點我係好鐘意嘅就係，你對一個人有FEEL，就算洗晒腦無晒記憶，如果有日在街上從遇一這個人，你雖然唔識佢，你一樣會對佢有FEEL，無得解鐘意就鐘意....

開學啦

我報左個科大cours今日開學啦，一個馬拉松式嘅課程終於開始，點解叫佢係馬拉松式課程，完全因為佢時間長，星期六由下午2:30~7:00，成4 個半鐘都幾係野，未上堂前都好驚會好悶同眼訓，但係上上下都覺得咁樣安排都幾好，原因如下:

1 佢一星期只返星期六，唔會成個星期好似無晒時間。
2 星期六只返半日，比平時返工無咁累，較易集中精神上堂。
3 平時上堂多數都會用半個鐘去集齊Ｄ人，一星期加加埋埋好可能會無左成個鐘上堂時間，而家就算係都係等一次。
4 時間較長，好多野都有足夠時間去做，唔會限住限住要幾多時間完成，時間比較彈性
5 日光時間較為容易吸收

根據以上幾點咁樣嘅安排，應該幾好，不過始終都係長期革命......，而家只係剛剛開始

ipod 之回歸

整左幾個星期，我個ipod終於可以攞返黎啦，第一眼望落去真係唔係好認得佢，因為佢除左個鏡面反光低，用返我之前個低之外，佢個正面同我換左個新嘅面，望落去直頭新嘅一樣,其實我個ipod都用左好一段日子，都有Ｄ殘，而家換一換真係好啦....

發台瘟

今晚又係夾BAND嘅日子，今晚玩其實同之前無乜大分別，主要都係溫下Ｄ歌.....
但係今晚唔知做乜，好似食左屎咁玩咩都錯漏百出，連一Ｄ自己熟都爛晒嘅，都唔可以完美地完成，搞乜呀???上一次仲好好地????

最後直路

朋友間BAR已經到左最後直路嘅時候，早前替佢地Ｄ傢俬都到齊，希望能星期五正式開張啦.....

鬼故事

星期六晚，約左CCC同Ryan出去Cafe飲野，傾下計，講下各人近況，傾下傾下講到一Ｄ鬼故事，當ＣＣＣ講到一個關於佢朋友嘅電梯鬼故事時，我同Ryan都有種不寒而悸嘅感覺，大家不約而同地幻想到個好恐怖嘅畫面，我某程度上都係怕鬼，但係又未係好嚴重嘅地步，一般嘅鬼故事都嚇我唔到，但聽佢講完佢嘅真人真事，確係心都寒晒。當時係零晨2:30.....今晚屋企仲要無人，雖然平時都夜蒲慣，但係今晚都係有Ｄ唔係好敢一個人返屋企，最終都係去左Ryan 同 CCC個新居，借宿一夜之後都係打機打通宵.....

其實個故事好短好簡單,最驚其實係自己個腦入面幻想果個畫面，本來無事，都型住型住有Ｄ野，嚇到自己死下死下...有幾會同大家講講...

太新之禍

由於我公司部機係新買，所以D Software 都係用最新嘅CS2系列，今日係交ＡＤＶ嘅LAST DAY，SEND完個ADV比星島，之後就放工，點知佢Call back 我話CS2太新，佢地開唔到個File.....呀......
點算??本書星期一出街，我又唔可以即時SEND過比佢，難道第個job就要(領野).....

好彩事後星島，找到方法開個FILE....咁先無事.....

無ipod嘅日子好難過

在上個星期因為得閒，就攞左個Ipod去維修，其實佢好耐之前都以經有問題，電量經常不足，差左成日都係用得幾個鐘，好有問題!!
今個星期全程都係無Ipod 用，都幾唔慣，以前機不離身，而家坐車都百無了賴，想練下Ｄ歌都唔得，又小左個HD比個將屋企ＤFile 過返公司,好唔方便.....
Ipod 你幾時返黎呀...

忙

返左幾日，工作開始多啦，我個期開始越來越密，都係果個字忙........

公司

返左兩日工係時候同大家文交代一下我間公司，我間公司係一間NOTEBOOK總代理嘅公司，主要Ｆujisu, LG, ASUS, NEC,嘅NOTEBOOK代理，全公司有大約60~70,可能唔只未有長細數過......當然不乏型男素女啦.....返左兩日都係同我個伙伴共同進退，無也識到新同事，就算有都唔係好認得，就好似門口兩個reciption,佢地好似樣，仲未認到.....
我嘅工作主要係同佢地代理嘅product 做ADV同做單張同POP（ 櫃枱嘅STAND)，而且又會做一Ｄ餐廳嘅MENU,同單張，因為間餐廳都係同一個老細開，DESIGN 部主要係新開嘅，所有野都係新家，我部G5 都係新買，新同事有新機用羨殺旁人，我終於玩過MAC OS X tiger,嘅好玩之處.....

老豆

今日得閒同左屋企人去飲茶，我都好耐無同家人飲茶啦，由細到大都係我同呀妹先落去搵位，再CALL佢地落離茶樓，今日各色掉轉講起都有Ｄ汗顏......
同老豆講開，先知原來佢想買一陪MP3，但市面普遍容量都係較小，容量多嘅都比較貴Ｄ，我心知老豆睥性，鮮會對生活有所要求，對自己異常節儉，常省吃省用慳埋慳黎比我同呀妹,要佢花千元比自己實是困難，就算會都會諗過度過忍痛咁買.........
自問唔係一個孝順仔，都未至到係一個忤逆兒，佢咁難得有件心頭好，何不為佢做返小小野以報佢地養育之因.......只要佢地做得到嘅佢地會做，我有何常唔係呢.......

I love u MY MOTHER & FATHER..（當面好難講，化為文字會比較好Ｄ）

PS 唔知我隻仔會唔會孝順下我呢，可能咬小我幾下經已對我好左家啦

：）

＜悠長假期＞結束了

放左一個星期嘅悠長假期，到今日終於到尾聲，日日10點先起身，悠悠閒閒睇下碟上下網打下機夾下band，生活不知幾咁自在，但到星期一就要面對新嘅挑戰........

星期一開始要從投廣告業嘅懷抱，自己轉過咁多份工，始終最想都係返廣告行到做野.....不過就比較辛苦（但可以學多Ｄ野），今次有幸從投確係相當難得，就連自降身價都在所不計，其望可以為未來慮積多點經驗.....

果間公司係一間大公司DESIGN 陪係新設，所以所有野都係新嘅，就連陪G5 都係最新嘅，相當其待....
:)

多謝支持

對於一個新人黎講，友人嘅評語無論是好是壞，都會有好大嘅影響，我同一班band 友夾了都有幾個月啦，佢地都覺得我進步了不小，相比之前好左好多，自問打得都唔算太好，仲有好多好多進步嘅空間，一句嘅鼓勵正正就係股動力令我繼續努力.....thx

熱血青年.....

上星期到友人家中見到一本無左封面嘅書，不經意地看了幾頁，好似幾吸引就借左黎睇，早幾日都係張佢放埋一二邊，近日無野做就攞出黎睇下，一睇之下間直停唔到，不停不停咁睇，好想用最短嘅時間睇完佢，唔係因為佢文筆好好，而係佢係一個熱血青年.....

本書嘅書名叫(浪蕩澳洲365天），係講一個大學剛畢業嘅年青人用自己6,000澳元(＄10000）到澳洲生活一年，其間佢到處同人打工，周圍識朋友，踏單車由南到北游盡澳洲，工作如何辛苦，風景如何美麗，他鄉遇雇知嘅喜悅，成本書講嘅盡是佢一年中的生活體驗....有錢都買唔到.......

睇完後十分有衝動，隻身出外遊歷一下，但要面對語言不通，一個人到他鄉嘅孤獨，自己確係欠決一種勇氣........原來想飛都要好大勇氣..

我絕對訓身推介
:)

屋企尋寶

今日係唔洗返工嘅第一日，見完工咪返屋企囉，成日咁得閒咪執下野(平時間房好亂，Ｄ野周圍放)，都執左好耐，都掉左好多野，但無意中比我找到個經典，（豬仔錢箱）其實都收埋左好耐，佢係早5，6，年前千身萬苦找回來的，雖然唔係由細用到大果個，但係見到佢都好有ＦＥＥＬ，而家要揾都好難啦.....一定要好好收藏.........
:)

船河

風和日麗最好就係出海,今次我以作客身分出值GIGI嘅船河，雖然好多人都唔識，我今日比較懶,無乜主動認識新朋友，但我總可以樂在其中，上下水，晒下，落下水，又晒下......晒住太陽聽下歌，吹下海風都可以好舒服.......

返到屋企一照鏡，嘩點解咁黑嘅,又変左隻燒豬啦.........

書展

一年一度嘅書展又到啦，唔知點解我每年明知迫到死，都會去一去，但係多數都好小買野，今年都唔例外，排左好耐先入到去，我仲一開始行左簡體字書果邊，Ｄ簡體字書好平，平均$20-$30左右都可以有一本，都好低買但係因為太多人啦，同埋其實在旺角都可以找到Ｄ書，所以想留到平時行書局先買，行下行下行到Ｄ繁體書區，見到Ｄ書明明同簡體書一樣，但價錢就貴左3倍有多，好唔捨得買.....

行到中段開始無也心機行啦，因為太多人迫到行唔到又睇唔到，為有中點進攻，快快行完就算啦......打完仗咁.....累到死

last day...

今日係我嘅LAST DAY,上午好快咁交代晒D job ,下午仲好好人咁比我早走，轉死性....可能佢唔想見到我無野做齎坐啦....篤眼篤鼻..... 今日之後又要努力揾工啦......

琴晚去左夾band，都玩得ok喎，最有Feel，都係校長嘅酒紅色的心好玩....今次仲用左MP3黎錄音，而家聽返好搞笑，同有好多位要改進一下.....

酒紅色的心

講下Ｄband友，佢地個個人鐘意Ｄ歌其實好唔同，有人勁愛OASIS,有人鍾意BLUR，有人只聽coldplay，有人最鍾意玩beyond，我就最鐘意MAROOM5，個個鍾意Ｄ歌都好唔同，有時都幾難搞....不過夾ＢＡＮＤ就係咁，玩下你果Ｄ玩下我果Ｄ，先可以聽多Ｄ歌.....

今個星期有人題意玩下80's嘅歌，因為好經典，所以說找左ALAＮ 嘅酒紅色的心。無錯經典真係經典，我聽幾多次都仲係咁好聽，而且佢個鼓，好簡單，一Ｄ都唔復雜，但都聽得出在個BIT度用個心思，好過而家有Ｄ香港嘅流行歌，多數一個4拍4 BIT打到尾......其實可以花多Ｄ心思在個BIT果度，咁咪可以簡單突出隻歌，咪唔會而家Ｄ歌隻隻一樣攞.......

BASKETBALL GAME.....

平時一大班朋友都會BOOK場打波，由畢業到而家都無乜間斷過，不過我就比較小出現，今次見咁耐無去到要蒲下頭，畢業咁耐大家無論，體力同技術都不及當年，打兩打就無氣,正明大家都老啦,如果對往而家Ｄ靚仔，一定輸比佢地......不過都好可以聚下，從拾一下以前一齊嘅回憶.....

由於RYAN同朋友般出黎住，所以今日幫佢般屋，雖然唔係好多野，但係唐樓無電梯一個人抬住陪29吋電視行三層，仲要洗樓梯，地下濕泣泣無得停都幾係野.上到去間屋都OK啦，兩個人夠住家啦..........希望佢地唔會打交啦 ：）

HAIR STYLE

早幾個月因為想電髮所以都有幾個月無剪頭髮，但係而家又要見工啦,又要剪返個醒Ｄ嘅髮型，留左咁耐要剪左佢真係有Ｄ唔捨得，不過無計啦。幫我剪頭髮個位朋友，幫我剪左個我從未剪過嘅頭，我到而家都未係咁慣，佢就好滿意，我就硬係覺得怪怪地.......

又失業啦

自問自己D Design 唔算係好好，亦唔係差，有好多DESIGN佢地都好滿意。但估唔到居然用我唔識修理PC為借口,要加長我個試用期，其實係知到未來數月都係淡季，想用多幾個月廉價勞工，好識計數.....
我豪不考慮唔DO


FUCK IT

DRUM

其實我想買一套鼓都好耐，一路都想買一套真鼓，但係如果要買套真鼓放在屋企，一定會比人投訴，因為實在太曹啦，如果要做隔音就真係好貴...

今日LUNCH時行過通利，見到有套電鼓,個店員仲話可以試下，咁咪坐低試下law............數分鐘後
上手都OK啦,點都無真嘅咁好,不過勝左夠方便，YAMAHA 價錢ok啦$7,000左右啦,正常價錢.....。

放工前打個電話比呀IP(教鼓呀SIR)問佢意見，佢話YAMAHA Ｄ鼓好差嫁，千其唔好買，好易壞,佢話左另一隻比我知,話果隻好Ｄ，價錢係＄20 ,000嘩好貴...點買....不過佢話好似有FRIEND放＄4,000都仲可以諗下
:)....搞到我成日都諗住佢

無人管

今個星期d,大粒人士都放晒假,無人管...
:)

新居入伙

公司有位同事新居入伙,邀請我地一齊去玩下,而佢的新就係坪洲啦,開頭我知佢住坪洲覺得好遠,坐船都要坐半個鍾,返工咪要好最起身.....但當我去過佢屋次後,就真係一個5星級的家

佢間屋係好近碼頭,可以見到架船到岸先出門口,有海景,又有山景,比其他離島小人,好舒服,空氣清新,再加上屋內簡潔的裝修,極之配合,好似去左度假咁......

有d唔捨得走
:)

i hate hate hate hate PC

我真係好唔明我一隻手係咪真係咁有問題，開第二陪機，只係按個 POWER 都可以壞埋，都唔知咩事.......仲要比人屈我整壞Ｄ機，晨早留留比人丙到九彩，幾無癮，都唔知我做錯Ｄ乜.....

好黑嘅一DAY
：（

I hate PC

我係一個ＭＡＣ嘅用家，點都會唔係咁鐘意用PC,可惜公司係用ＰＣ，都有Ｄ唔慣，今日問題終於黎啦，佢無端端down左，開返嘅時候，個WINDOW以經死左，好彩唔係死HD，Ｄ FILE仲可以救得返，呀老頂仲就咁比隻WINDOW碟我，位聲唔出就走左去，我一早同你講我唔識用PC啦，莫講話救機......，一般操作都唔係咁慣.......

以上係船河回流嘅相....

忙

近日有位朋友將會開BAR，佢想我幫佢搞Ｄ GRAPHIC 上嘅DESIGN,為朋友，無錢收，無計啦....
唔知第日簽播幾打啤酒飲下得唔得呢??哈
:)

夾band

琴晚又係夾band時間,之前準備的歌,都算仗ok啦,不過都可以打得好d,不過最好玩都係果兩隻Nirvana (about a girl )同(Lithium),之前都有聽過但從未夾過,其他人都有譜,得我無譜,為有憑記憶,自己又加d減d,點知出黎效果都幾好喎,同正版都係差唔多啦...最緊要個過程好玩

:)

多得友人推介Gwen Stefani(Hollaback Girl),佢已經成為我個ipod播放排行NO.1....
thx J小姐

:)

船河~~~~~~~

琴日風和日麗，就係出海嘅好日子，每年班朋友仔都一定會搞一兩次船河一齊玩下，不過今年比以前有Ｄ唔同，平時去就大約23人左右，今年就有成40人，人山人海，有好多都係friend 嘅 friend，不過大家都算ＯＰＥＮ啦，好快就熟左，打成一片........

不過就發生左一Ｄ好嘔心嘅事，正當我想再次下水嘅時候，竟發現唔知邊度浮緊一埋浮屎過黎，搞到我都唔敢落水，都係留在船上面好Ｄ，好嘔心.....
:(

OVER ALL 都係好玩，我仲變左舊炭添.....
:)

25歲的大計

一路以來在我心目中都認為,25歲係一個期限，係一個成年人同一個小朋友嘅分別，25歲之前可以只係掛住玩，玩樂渡日，隨心所慾，但到左25歲真係要為自己前途打算，真係唔想到左30歲都唔知自己做乜.

咁o岩今日就係7月１日，係2005年嘅一半，回想前半年自己就想法多多，但都係乜都未做過，而家真係要的起心肝做Ｄ野啦，第二就係出黎做左咁耐野，自己個RESUME好似一路都無乜進步過，都好似仲係咁上下，ＳＯＦＴＷＡＲＥ都中係識個幾個，好似唔係好夠，雖然工作經驗係不停地累積緊，但自己覺得唔係好夠......想有再多Ｄ

：）

咁o岩琴日同RYAN都相以好黎緊一齊搞個WEBSITE.....從中吸收一Ｄ經驗，其望個SITE年底可以完成，亦都係我而家一個小小嘅目標,其實最大問題係我對WEBSITE唔係咁熟，可能開頭有困難，但我真係好想完成佢.

其實POST出黎係想同大家分享下之外，都想用黎題醒住自己，1/7/2005會經講過Ｄ咁嘅野。

ＡＶ

早幾日租左隻VCD 黎睇，我平時都有租碟睇，有時都會租到Ｄ好悶嘅片，我好多時都會捱埋佢，雖然係飛住黎睇，但都會睇到佢出字幕...
但係這套戲真係捱唔到,中途就cut 左lu，費事浪費我時間....

ＡＶ在戲院上左之後都有好多推薦過這套戲比我，話佢好好笑，好好睇.而家咁咪租黎睇下，套戲主要講一班大學生，因為生活無聊，決心做Ｄ野，做乜？就係集資黎請個日本ＡＶ返黎輪流做一次轟轟烈烈嘅過程.....

無錯係好新嘅題材，係好貼近時下年青人。不過我得佢地咁決心做Ｄ野，原來都係為左同日本AV做一次，咁未免無聊左Ｄ，開頭以為佢地會直住拍ＡＶ創一番事業，點知都係為左自己......失望


睇到一半睇到佢講到拖泥帶水，悶到死為有cut 左佢啦....

唔知你地有無睇過呢可能你地嘅意見好唔同，請留言....thx

享受遊遊閒

今日嘅天氣真係非常好，好耐都無見過咁猛嘅太陽，天氣好Ｄ做乜都突別開心Ｄ,醒晨Ｄ。

今日和平日很不同，可以完全不計劃今日嘅時間表，只係除住自己想做乜就做乜，睇書，聽歌，睇碟 .......想做就做唔會太限住自己要幾時做完.好舒服好耐都無試過咁，我自問唔係一個太有計劃嘅人，但生活總係要你把時間,計劃得井井有條，工作總係要你限時內完成，各樣各樣這些就正時生活嘅壓力......

其實生活可以好間單，一個好天氣嘅下午(雖然有落雨，不過都好 唔會太熱），一個唔會成日響嘅電話，一本吸引嘅書，一首首鐘意嘅歌，一件件新鮮出爐嘅蛋撻，一位願意陪你平淡，享受遊閒嘅愛人，此刻暫時唔雖要朋友，此刻暫時唔雖要新聞,此刻暫時唔雖要想金錢，都可以令你這日過得好滿足.

that is a beautiful day :)

不過明日就要打回原形，為生活做返凡人，唔知幾時又有得再享受遊遊閒呢.....

ray

ray
Originally uploaded by Jacksit.

我想同大家講套戲，唔係而家最紅嘅（頭文字Ｄ）而係出左ＶＣＤ嘅RAY.....

雖然我好鍾意夾ＢＡＮＤ，但其實我最鍾意嘅music係有Ｄ黑人味嘅music如HIP HOP, Soul ,R & B.......

Ray Charles 之前都有聽過個名，Ｄ歌都係佢套戲出先留意到，由於之前以經聽過佢Ｄ歌，所以而家睇埋套戲，突別有feel...正

套戲講佢嘅一生，一位肓嘅黑人，變成超級巨星，有起有跌，而主國做得非常好，底佢攞奧斯卡....值得一睇

不過套戲都幾長成3 個鐘......

ＣＡＲＴＯＯＮ

meerkat1
Originally uploaded by Jacksit.

上圖１係今日公司收到個客嘅卡通公仔，佢並唔係迪士尼嘅新卡通人物，佢係來自南非嘅電視卡通主角.....

我第一眼見到佢嘅時候，第一個反應係 嘩！乜嘢黎家，咁樣衰，成隻四不象咁....再睇埋個E-mail寫乜，先知佢原來係電視卡通主角。

見佢有個名MEERKAT，咪上網check下佢究竟係乜動物，無錯就係圖2果隻乜乜鼠，照計點睇隻鼠嘅實物，都幾可愛呀，唔知點解會變到咁樣衰.....

係咪南非D小朋友係唔同Ｄ嘅呢！鐘意Ｄ卡通人物都唔會咁普通，正常都係鐘意Ｄ 貓呀,狗呀，估唔到會鐘意呢Ｄ鼠???

:)

URGAN

橫風橫雨嘅晚上，收到女友CALL，話個肚好痛，拿拿淋搭車去睇下也事啦，原來佢痛到反晒肚，叫晒救命咁，為有造下男友嘅責任陪佢去睇急証，點幾鐘飛的去聯合醫院，開頭仲以為無3點都無得走，原來都好快半個鐘左右啦。好似話佢腸胃炎.....無乜大礙，咁都好D，之後返到屋企，嘔下，呵下，食下藥，坐下......都係要搞到3點先有的訓.....ZZZZ

女人天下

woman
Originally uploaded by Jacksit.

我之前都講過我公司十個有九個係女人，在一個女人天下度生存真係唔係咁易，今日終於比我感覺到，間直好似金枝玉葉咁，事原係可能某某Ａ女同事講錯左D野,又或者做錯左D野掛...開罪左另一位Ｂ同事，咁就慘啦，Ａ同事好似比人當佢無到咁，眼尾都唔望下佢，約LUNCH飲茶都突登唔叫佢，之前A 同 B 都幾Friend嫁佢地，無端端唔知做乜搞成咁???睇黎以後講野都係要小心D啦，唔係死左都唔知也事......

IVE DINNER

今晚終於可以約到一班一齊讀Product design嘅同學仔一齊食飯，（佢地好忙家，又話多功課又話唔得閒），之前又話好多人，出到黎咪又係得幾個，不過無所謂一樣係傾得咁開心，我覺得大家都開始越來越PRO，我都要努力D先得啦...
:)

成日都見到GIGI,但到今日先知佢原來曾經在ENGO做過，（積係我而家間公司）又正明到世界真細小呀....

Drunk last night

drunk
Originally uploaded by Jacksit.

琴晚又係時間出去玩啦，可能好耐都無玩過啦，飲得突別多掛，搞到好醉，有時都幾鍾意半夢半醒嘅感覺，但係第二日醒番就知味道，個頭痛到死，又成身無力，都幾辛苦家。

PS 親今日係父親節同老豆講聲 父親節快樂先，佢而家雖然去左旅行，但我知佢有時會上黎偷睇下我個Blog :)

Hong Kong Style

ＨＫ
Originally uploaded by Jacksit.

好耐都無行過書局，上星期行過書局比我見到本叫＜香港風格＞嘅書，我自命都係一個創作人，見佢平平地咪買左佢，支持一下本地嘅創作,,,,,

作者應該係一位建築師，本書主要係講一D舊嘅建築風格同新嘅建築風格作對比，所反映出嘅問題!
雖然有D位唔係太應同，但都幾有趣...

發覺原來我好耐都無攞過本書睇啦，成日都係睇D公仔多過字嘅書，都係時候睇D文字書啦,最幾年都有嘅，近幾年少左，可能同D書無緣啦，個書名吸引唔到我掛..hehe

開卷有益，如果各位有邊本心頭好，不妨大家硏究一下
:)

打鼓時間

Drummer
Originally uploaded by Jacksit.

學樂噐最緊要就係練習，練習，同練習，只有不停練習先會進步。學左咁耐終於有D成功感......
:)

仍要續繼努力

音樂能醫百病

今日一早起身經以係唔係好得咳到死，又成日包雲呑。好辛苦呀!

一到放工就約左朋友夾band，夾得好開心，終於有D成功感al，就在過程中景然無咳過，又無包雲呑，不知幾精神。

一夾完就回復原型又咳到死喇！好辛苦呀!

女人真係好煩

我真係好唔明，本來好地地同佢去SOHO區食餐飯，都可以搞到嘈架收場。到底我又錯在邊度，我真係好唔明.......
:(

今個星期係一個好唔開心嘅星期
:(

好多野以經唔同以前

今日咁o岩係端午節又咁好天，就約埋一班好友去游水，目的地係大浪灣。其實今日玩得都幾開心，又有太陽又水清沙幼，不過比我碰到兩個好耐都無見過嘅朋友確實係令我個心沉一沉。

之前大家感情可以好好嘅朋友，但到左而家可以完全唔同晒，又未至於唔打招呼，不過咁耐無見，一見到反而有點怪，其實我幾時都覺得一對朋友可以好friend咁一齊，全因為現在這一刻大家都有共同嘅嗜好，但終會有一日大家走嘅路會唔同，大家總會慢慢分開。可能因為咁，我同佢就越分越遠，遠到好似一對極端咁，大家見到完全唔知講乜好。佢確實係教左我好多野，令我轉變好多，到左今日變成咁確實有點可惜.....

而第二個朋友係我會經傷害過嘅人，比我見返又係完全唔知講乜好，而對方比較大方仲主動同我打招呼添，可能係我諗得太多啦...好多野過左就算啦.....

可能有D人會知我講緊誰，唔好問過左去就算啦.....



ps:而家我以經重新set過個BLOG，而家唔係blogger都可以留底D comment 比我，希望大家擁躍發言thx

大執位

今日公司大執位，枱呀，電腦呀，通通都要執過位....起過風.....
唔知般完個位之後，個位風水會唔會好D呢?
可能有人工加喎(發夢)
:)

幾時都係機會

在幾個月前無意中參加左個平面設計比賽，都過左好耐al,雖然係輸左，但係都無也所謂。最奇怪就係佢早幾日call我，話佢公司等人用，問我有無興趣去佢公司做。又會咁嘅:)，咁我咪同佢講長嘅唔得啦，Freelance 就 ok...所以今日就去左interview al.......

good bye

puppies_and_dogs
Originally uploaded by Jacksit.

個朋友仔隻狗仔最終都係捱唔住，去左al........
見到佢咁都有D唔開心，事到如今唔好太過怪責自己al，睇開D啦！

其實養小動物，就要有心理準備要佢地會離開我地。可能佢地嘅生存意義就係留一個美麗回憶比我地，只要大家一齊開心過可能就以經足夠。

希望你可以盡快忙記D唔開心野，我知你係一個好強嘅女仔，好多野都捱到，希望係唔好唔開心，亦希望仔仔可以安息啦......呀門

bad news

Dog 3_callme_r4
Originally uploaded by Jacksit.

今朝一早就收到一個唔好嘅消息，我朋友隻狗狗(仔仔）出左事，詳情好似係中暑，而且仲會有生命危險，正在急救中，令佢成晚都好擔心，我都係養狗之人這中心情我絕對明白，而家我地只好希望仔仔快D好返......

PS: 而且主人你都要小心身體