星期日, 7月 31, 2005

<悠長假期>結束了

放左一個星期嘅悠長假期,到今日終於到尾聲,日日10點先起身,悠悠閒閒睇下碟上下網打下機夾下band,生活不知幾咁自在,但到星期一就要面對新嘅挑戰........

星期一開始要從投廣告業嘅懷抱,自己轉過咁多份工,始終最想都係返廣告行到做野.....不過就比較辛苦(但可以學多D野),今次有幸從投確係相當難得,就連自降身價都在所不計,其望可以為未來慮積多點經驗.....

果間公司係一間大公司DESIGN 陪係新設,所以所有野都係新嘅,就連陪G5 都係最新嘅,相當其待....
:)

星期六, 7月 30, 2005

多謝支持

對於一個新人黎講,友人嘅評語無論是好是壞,都會有好大嘅影響,我同一班band 友夾了都有幾個月啦,佢地都覺得我進步了不小,相比之前好左好多,自問打得都唔算太好,仲有好多好多進步嘅空間,一句嘅鼓勵正正就係股動力令我繼續努力.....thx

星期五, 7月 29, 2005

熱血青年.....


上星期到友人家中見到一本無左封面嘅書,不經意地看了幾頁,好似幾吸引就借左黎睇,早幾日都係張佢放埋一二邊,近日無野做就攞出黎睇下,一睇之下間直停唔到,不停不停咁睇,好想用最短嘅時間睇完佢,唔係因為佢文筆好好,而係佢係一個熱血青年.....

本書嘅書名叫(浪蕩澳洲365天),係講一個大學剛畢業嘅年青人用自己6,000澳元($10000)到澳洲生活一年,其間佢到處同人打工,周圍識朋友,踏單車由南到北游盡澳洲,工作如何辛苦,風景如何美麗,他鄉遇雇知嘅喜悅,成本書講嘅盡是佢一年中的生活體驗....有錢都買唔到.......

睇完後十分有衝動,隻身出外遊歷一下,但要面對語言不通,一個人到他鄉嘅孤獨,自己確係欠決一種勇氣........原來想飛都要好大勇氣..

我絕對訓身推介
:)

星期二, 7月 26, 2005

屋企尋寶


今日係唔洗返工嘅第一日,見完工咪返屋企囉,成日咁得閒咪執下野(平時間房好亂,D野周圍放),都執左好耐,都掉左好多野,但無意中比我找到個經典,(豬仔錢箱)其實都收埋左好耐,佢係早5,6,年前千身萬苦找回來的,雖然唔係由細用到大果個,但係見到佢都好有FEEL,而家要揾都好難啦.....一定要好好收藏.........
:)

星期一, 7月 25, 2005

船河

風和日麗最好就係出海,今次我以作客身分出值GIGI嘅船河,雖然好多人都唔識,我今日比較懶,無乜主動認識新朋友,但我總可以樂在其中,上下水,晒下,落下水,又晒下......晒住太陽聽下歌,吹下海風都可以好舒服.......

返到屋企一照鏡,嘩點解咁黑嘅,又変左隻燒豬啦.........

星期日, 7月 24, 2005

書展

一年一度嘅書展又到啦,唔知點解我每年明知迫到死,都會去一去,但係多數都好小買野,今年都唔例外,排左好耐先入到去,我仲一開始行左簡體字書果邊,D簡體字書好平,平均$20-$30左右都可以有一本,都好低買但係因為太多人啦,同埋其實在旺角都可以找到D書,所以想留到平時行書局先買,行下行下行到D繁體書區,見到D書明明同簡體書一樣,但價錢就貴左3倍有多,好唔捨得買.....

行到中段開始無也心機行啦,因為太多人迫到行唔到又睇唔到,為有中點進攻,快快行完就算啦......打完仗咁.....累到死

星期六, 7月 23, 2005

last day...

今日係我嘅LAST DAY,上午好快咁交代晒D job ,下午仲好好人咁比我早走,轉死性....可能佢唔想見到我無野做齎坐啦....篤眼篤鼻..... 今日之後又要努力揾工啦......

琴晚去左夾band,都玩得ok喎,最有Feel,都係校長嘅酒紅色的心好玩....今次仲用左MP3黎錄音,而家聽返好搞笑,同有好多位要改進一下.....

星期四, 7月 21, 2005

酒紅色的心


講下Dband友,佢地個個人鐘意D歌其實好唔同,有人勁愛OASIS,有人鍾意BLUR,有人只聽coldplay,有人最鍾意玩beyond,我就最鐘意MAROOM5,個個鍾意D歌都好唔同,有時都幾難搞....不過夾BAND就係咁,玩下你果D玩下我果D,先可以聽多D歌.....

今個星期有人題意玩下80's嘅歌,因為好經典,所以說找左ALAN 嘅酒紅色的心。無錯經典真係經典,我聽幾多次都仲係咁好聽,而且佢個鼓,好簡單,一D都唔復雜,但都聽得出在個BIT度用個心思,好過而家有D香港嘅流行歌,多數一個4拍4 BIT打到尾......其實可以花多D心思在個BIT果度,咁咪可以簡單突出隻歌,咪唔會而家D歌隻隻一樣攞.......

星期一, 7月 18, 2005

BASKETBALL GAME.....

平時一大班朋友都會BOOK場打波,由畢業到而家都無乜間斷過,不過我就比較小出現,今次見咁耐無去到要蒲下頭,畢業咁耐大家無論,體力同技術都不及當年,打兩打就無氣,正明大家都老啦,如果對往而家D靚仔,一定輸比佢地......不過都好可以聚下,從拾一下以前一齊嘅回憶.....

由於RYAN同朋友般出黎住,所以今日幫佢般屋,雖然唔係好多野,但係唐樓無電梯一個人抬住陪29吋電視行三層,仲要洗樓梯,地下濕泣泣無得停都幾係野.上到去間屋都OK啦,兩個人夠住家啦..........希望佢地唔會打交啦 :)

星期日, 7月 17, 2005

HAIR STYLE

早幾個月因為想電髮所以都有幾個月無剪頭髮,但係而家又要見工啦,又要剪返個醒D嘅髮型,留左咁耐要剪左佢真係有D唔捨得,不過無計啦。幫我剪頭髮個位朋友,幫我剪左個我從未剪過嘅頭,我到而家都未係咁慣,佢就好滿意,我就硬係覺得怪怪地.......

星期六, 7月 16, 2005

又失業啦

自問自己D Design 唔算係好好,亦唔係差,有好多DESIGN佢地都好滿意。但估唔到居然用我唔識修理PC為借口,要加長我個試用期,其實係知到未來數月都係淡季,想用多幾個月廉價勞工,好識計數.....
我豪不考慮唔DO


FUCK IT

星期五, 7月 15, 2005

DRUM

其實我想買一套鼓都好耐,一路都想買一套真鼓,但係如果要買套真鼓放在屋企,一定會比人投訴,因為實在太曹啦,如果要做隔音就真係好貴...

今日LUNCH時行過通利,見到有套電鼓,個店員仲話可以試下,咁咪坐低試下law............數分鐘後
上手都OK啦,點都無真嘅咁好,不過勝左夠方便,YAMAHA 價錢ok啦$7,000左右啦,正常價錢.....。

放工前打個電話比呀IP(教鼓呀SIR)問佢意見,佢話YAMAHA D鼓好差嫁,千其唔好買,好易壞,佢話左另一隻比我知,話果隻好D,價錢係$20 ,000嘩好貴...點買....不過佢話好似有FRIEND放$4,000都仲可以諗下
:)....搞到我成日都諗住佢

星期四, 7月 14, 2005

無人管

今個星期d,大粒人士都放晒假,無人管...
:)

星期二, 7月 12, 2005

新居入伙




公司有位同事新居入伙,邀請我地一齊去玩下,而佢的新就係坪洲啦,開頭我知佢住坪洲覺得好遠,坐船都要坐半個鍾,返工咪要好最起身.....但當我去過佢屋次後,就真係一個5星級的家

佢間屋係好近碼頭,可以見到架船到岸先出門口,有海景,又有山景,比其他離島小人,好舒服,空氣清新,再加上屋內簡潔的裝修,極之配合,好似去左度假咁......

有d唔捨得走
:)

星期日, 7月 10, 2005

i hate hate hate hate PC

我真係好唔明我一隻手係咪真係咁有問題,開第二陪機,只係按個 POWER 都可以壞埋,都唔知咩事.......仲要比人屈我整壞D機,晨早留留比人丙到九彩,幾無癮,都唔知我做錯D乜.....

好黑嘅一DAY
:(

I hate PC


我係一個MAC嘅用家,點都會唔係咁鐘意用PC,可惜公司係用PC,都有D唔慣,今日問題終於黎啦,佢無端端down左,開返嘅時候,個WINDOW以經死左,好彩唔係死HD,D FILE仲可以救得返,呀老頂仲就咁比隻WINDOW碟我,位聲唔出就走左去,我一早同你講我唔識用PC啦,莫講話救機......,一般操作都唔係咁慣.......

以上係船河回流嘅相....

星期四, 7月 07, 2005

忙

近日有位朋友將會開BAR,佢想我幫佢搞D GRAPHIC 上嘅DESIGN,為朋友,無錢收,無計啦....
唔知第日簽播幾打啤酒飲下得唔得呢??哈
:)

夾band

琴晚又係夾band時間,之前準備的歌,都算仗ok啦,不過都可以打得好d,不過最好玩都係果兩隻Nirvana (about a girl )同(Lithium),之前都有聽過但從未夾過,其他人都有譜,得我無譜,為有憑記憶,自己又加d減d,點知出黎效果都幾好喎,同正版都係差唔多啦...最緊要個過程好玩

:)

多得友人推介Gwen Stefani(Hollaback Girl),佢已經成為我個ipod播放排行NO.1....
thx J小姐

:)

星期二, 7月 05, 2005

船河~~~~~~~

琴日風和日麗,就係出海嘅好日子,每年班朋友仔都一定會搞一兩次船河一齊玩下,不過今年比以前有D唔同,平時去就大約23人左右,今年就有成40人,人山人海,有好多都係friend 嘅 friend,不過大家都算OPEN啦,好快就熟左,打成一片........

不過就發生左一D好嘔心嘅事,正當我想再次下水嘅時候,竟發現唔知邊度浮緊一埋浮屎過黎,搞到我都唔敢落水,都係留在船上面好D,好嘔心.....
:(

OVER ALL 都係好玩,我仲變左舊炭添.....
:)

星期五, 7月 01, 2005

25歲的大計

一路以來在我心目中都認為,25歲係一個期限,係一個成年人同一個小朋友嘅分別,25歲之前可以只係掛住玩,玩樂渡日,隨心所慾,但到左25歲真係要為自己前途打算,真係唔想到左30歲都唔知自己做乜.

咁o岩今日就係7月1日,係2005年嘅一半,回想前半年自己就想法多多,但都係乜都未做過,而家真係要的起心肝做D野啦,第二就係出黎做左咁耐野,自己個RESUME好似一路都無乜進步過,都好似仲係咁上下,SOFTWARE都中係識個幾個,好似唔係好夠,雖然工作經驗係不停地累積緊,但自己覺得唔係好夠......想有再多D

:)

咁o岩琴日同RYAN都相以好黎緊一齊搞個WEBSITE.....從中吸收一D經驗,其望個SITE年底可以完成,亦都係我而家一個小小嘅目標,其實最大問題係我對WEBSITE唔係咁熟,可能開頭有困難,但我真係好想完成佢.

其實POST出黎係想同大家分享下之外,都想用黎題醒住自己,1/7/2005會經講過D咁嘅野。

星期三, 6月 29, 2005

AV

早幾日租左隻VCD 黎睇,我平時都有租碟睇,有時都會租到D好悶嘅片,我好多時都會捱埋佢,雖然係飛住黎睇,但都會睇到佢出字幕...
但係這套戲真係捱唔到,中途就cut 左lu,費事浪費我時間....

AV在戲院上左之後都有好多推薦過這套戲比我,話佢好好笑,好好睇.而家咁咪租黎睇下,套戲主要講一班大學生,因為生活無聊,決心做D野,做乜?就係集資黎請個日本AV返黎輪流做一次轟轟烈烈嘅過程.....

無錯係好新嘅題材,係好貼近時下年青人。不過我得佢地咁決心做D野,原來都係為左同日本AV做一次,咁未免無聊左D,開頭以為佢地會直住拍AV創一番事業,點知都係為左自己......失望


睇到一半睇到佢講到拖泥帶水,悶到死為有cut 左佢啦....

唔知你地有無睇過呢可能你地嘅意見好唔同,請留言....thx

星期日, 6月 26, 2005

享受遊遊閒

今日嘅天氣真係非常好,好耐都無見過咁猛嘅太陽,天氣好D做乜都突別開心D,醒晨D。

今日和平日很不同,可以完全不計劃今日嘅時間表,只係除住自己想做乜就做乜,睇書,聽歌,睇碟 .......想做就做唔會太限住自己要幾時做完.好舒服好耐都無試過咁,我自問唔係一個太有計劃嘅人,但生活總係要你把時間,計劃得井井有條,工作總係要你限時內完成,各樣各樣這些就正時生活嘅壓力......

其實生活可以好間單,一個好天氣嘅下午(雖然有落雨,不過都好 唔會太熱),一個唔會成日響嘅電話,一本吸引嘅書,一首首鐘意嘅歌,一件件新鮮出爐嘅蛋撻,一位願意陪你平淡,享受遊閒嘅愛人,此刻暫時唔雖要朋友,此刻暫時唔雖要新聞,此刻暫時唔雖要想金錢,都可以令你這日過得好滿足.

that is a beautiful day :)

不過明日就要打回原形,為生活做返凡人,唔知幾時又有得再享受遊遊閒呢.....

星期六, 6月 25, 2005

ray


ray
Originally uploaded by Jacksit.

我想同大家講套戲,唔係而家最紅嘅(頭文字D)而係出左VCD嘅RAY.....

雖然我好鍾意夾BAND,但其實我最鍾意嘅music係有D黑人味嘅music如HIP HOP, Soul ,R & B.......

Ray Charles 之前都有聽過個名,D歌都係佢套戲出先留意到,由於之前以經聽過佢D歌,所以而家睇埋套戲,突別有feel...正

套戲講佢嘅一生,一位肓嘅黑人,變成超級巨星,有起有跌,而主國做得非常好,底佢攞奧斯卡....值得一睇

不過套戲都幾長成3 個鐘......

星期五, 6月 24, 2005

CARTOON


meerkat1
Originally uploaded by Jacksit.

上圖1係今日公司收到個客嘅卡通公仔,佢並唔係迪士尼嘅新卡通人物,佢係來自南非嘅電視卡通主角.....

我第一眼見到佢嘅時候,第一個反應係 嘩!乜嘢黎家,咁樣衰,成隻四不象咁....再睇埋個E-mail寫乜,先知佢原來係電視卡通主角。

見佢有個名MEERKAT,咪上網check下佢究竟係乜動物,無錯就係圖2果隻乜乜鼠,照計點睇隻鼠嘅實物,都幾可愛呀,唔知點解會變到咁樣衰.....

係咪南非D小朋友係唔同D嘅呢!鐘意D卡通人物都唔會咁普通,正常都係鐘意D 貓呀,狗呀,估唔到會鐘意呢D鼠???

:)

URGAN

橫風橫雨嘅晚上,收到女友CALL,話個肚好痛,拿拿淋搭車去睇下也事啦,原來佢痛到反晒肚,叫晒救命咁,為有造下男友嘅責任陪佢去睇急証,點幾鐘飛的去聯合醫院,開頭仲以為無3點都無得走,原來都好快半個鐘左右啦。好似話佢腸胃炎.....無乜大礙,咁都好D,之後返到屋企,嘔下,呵下,食下藥,坐下......都係要搞到3點先有的訓.....ZZZZ

星期四, 6月 23, 2005

女人天下


woman
Originally uploaded by Jacksit.

我之前都講過我公司十個有九個係女人,在一個女人天下度生存真係唔係咁易,今日終於比我感覺到,間直好似金枝玉葉咁,事原係可能某某A女同事講錯左D野,又或者做錯左D野掛...開罪左另一位B同事,咁就慘啦,A同事好似比人當佢無到咁,眼尾都唔望下佢,約LUNCH飲茶都突登唔叫佢,之前A 同 B 都幾Friend嫁佢地,無端端唔知做乜搞成咁???睇黎以後講野都係要小心D啦,唔係死左都唔知也事......

星期二, 6月 21, 2005

IVE DINNER

今晚終於可以約到一班一齊讀Product design嘅同學仔一齊食飯,(佢地好忙家,又話多功課又話唔得閒),之前又話好多人,出到黎咪又係得幾個,不過無所謂一樣係傾得咁開心,我覺得大家都開始越來越PRO,我都要努力D先得啦...
:)

成日都見到GIGI,但到今日先知佢原來曾經在ENGO做過,(積係我而家間公司)又正明到世界真細小呀....

星期日, 6月 19, 2005

Drunk last night


drunk
Originally uploaded by Jacksit.

琴晚又係時間出去玩啦,可能好耐都無玩過啦,飲得突別多掛,搞到好醉,有時都幾鍾意半夢半醒嘅感覺,但係第二日醒番就知味道,個頭痛到死,又成身無力,都幾辛苦家。

PS 親今日係父親節同老豆講聲 父親節快樂先,佢而家雖然去左旅行,但我知佢有時會上黎偷睇下我個Blog :)

星期四, 6月 16, 2005

Hong Kong Style


HK
Originally uploaded by Jacksit.

好耐都無行過書局,上星期行過書局比我見到本叫<香港風格>嘅書,我自命都係一個創作人,見佢平平地咪買左佢,支持一下本地嘅創作,,,,,

作者應該係一位建築師,本書主要係講一D舊嘅建築風格同新嘅建築風格作對比,所反映出嘅問題!
雖然有D位唔係太應同,但都幾有趣...

發覺原來我好耐都無攞過本書睇啦,成日都係睇D公仔多過字嘅書,都係時候睇D文字書啦,最幾年都有嘅,近幾年少左,可能同D書無緣啦,個書名吸引唔到我掛..hehe

開卷有益,如果各位有邊本心頭好,不妨大家硏究一下
:)

打鼓時間


Drummer
Originally uploaded by Jacksit.

學樂噐最緊要就係練習,練習,同練習,只有不停練習先會進步。學左咁耐終於有D成功感......
:)

仍要續繼努力