星期二, 2月 14, 2006

十級興奮

萬眾期待.....Franz Ferdinand今晚準時開show.....

星期日, 2月 12, 2006

一個星期日下午



今日無乜野想做,又唔想留在家,所以一個人走左去尖沙咀,香港藝術館睇下展覽,而家現正展覽嘅係{香港藝術雙年展),其實早幾年都有睇過,而今次展覽包括左好多不同範疇嘅表現藝術,有書法,有水墨畫,有錄像,有空間........多到你想像唔到。有好多真係相當出色,但係老實說,有好多真係唔知佢做乜....???????就係咁就消耗左個一個星期日嘅下午啦....

PS...近日無意中發現,有位朋友嘅轉變,時間同生活可以改變一個人嘅睇法,無錯人要向現實低頭,同時亦唔想心中果團火熄滅......

星期六, 2月 11, 2006

是但up

剛看完林海𡶶的是但up,對我都有所新嘅睇發.........

价意 與 唔价意

原來有好多野都好价意,又原來好多野都好唔价意,算啦而家我只會專心我嘅工作.....其他野一於平常心.....

星期五, 2月 10, 2006

PSP 或 NDS 都不及一個ipod

手提遊戲機而家來說已唔係一件新嘅發明,而家D人閒閒地又有PSP,又有NDS根身,而且而家對戰非常方便,閒閒地可以一齊出街3p, 4p話都無咁易,無論在公司或朋友中都好常見,大家都會珍惜時間一同對打一番,自問打機無乜天份,又無乜恆心去煲爆機,又唔太鐘意出街打機,所以到目前為止都無乜興趣購買,一個ipod根身就經已足夠........

星期二, 2月 07, 2006

公司食飯

個期一改再改嘅公司食局終於都到,今年在怡東酒店舉行,D野食真係幾好,值得一讚,賭左幾局3公助下興,開頭都無乜輸贏,之後到左個邪莊,連開幾次3公,殺到無人同佢玩,之後要到個莊家自扣兩點先有人玩,真係咁都得,都係為左大都開心姐.....

最重要時刻就更係揪獎啦,$3000現金同手提電腦就無我份啦,不過就揪到$1000 SOGO禮券,係上次聖誕揪到$500現金券之後又中多一次啦.......開心死

星期一, 2月 06, 2006

訓過龍

由於昨晚做野夜左,又唔得校鬧鐘,一起身已經係9:40,索性請半日假......

星期日, 2月 05, 2006

我嘅生活方式

你可以唔認同我嘅生活方式,你可以提出你嘅意見,但你不可以批平,話你知你唔做唔代表D野係錯,你自己唔做唔好咁多野講,至憎D人得把口,成日是蛋up,發花癲........

星期五, 2月 03, 2006

深入深喉 (家長子引)III


最幾日問朋友借了套 (深入深喉) 來看,可能好多人都未必知套野講乜,但經過講解之後大家都可能會有興趣睇一睇,深喉係一套4級片生於1972年,故事主線講及女主角發現自己的陰蒂生長在喉嚨,要利用口交才可得到滿足。以當年電影嘅尺度同道得觀念係無發接受,更一度下令成為禁片,但反而越禁就越多人睇,成為紅極一時嘅大電影,而 (深入深喉) 以紀錄片形式,(深喉) 由拍攝所發生嘅事至到影片所造成的社會影響,都一一記錄下來,(深喉)可以話係地下4級片浮上水面一個轉捩點,如果以一套ART FILM來看你並不會感到淫褻......

星期三, 2月 01, 2006

男人老狗

今日狗年第一日返工,就要開OT啦....雖然無乜mood但係都知到有好多野逼到埋身,要快手D先得啦,放左工同個同事兩條男人老狗,走去据扒,仲吹左個幾鐘頭水添.....都係時候著實地實行大計啦.....

星期五, 1月 27, 2006

MUSIC----賀年歌

又到新年啦,開著電視,無論係咩節目都會係唱著,充滿熱鬧氣份嘅賀年歌,密集程度,係真係多到,夜晚發開口夢都會識唱,而歌詞主要都係圍繞發財,好事,開心.......總之新一年新希望啦.... 恭喜恭喜

星期三, 1月 25, 2006

低能

你過左咁多年都仲係咁無里正經,咁多年都仲係扮傻來take attention,咁多年都仲唔識分幾時應該玩,幾時唔應該玩,可能你覺得無問題,但係其他人只會覺得你幼稚,唔該長大啦........

星期一, 1月 23, 2006

公開場合

星期日,係由分開後首個同舊女友一同出席嘅公開場合,好多人都會好怕我同佢出現會好懢价,怕大家會面左左,但係事情並唔係大家咁樣諗,反而我地中有傾有講,仲比人誤會我地和好如初左,在此情清我地雖然係分開左,但私底下我同佢都有聯絡,並唔係大家諗到嘅咁樣,大家唔洗誤會,都係果句,唔知有無機會再一齊,當然仲想有咁嘅一日啦,如果唔得最低限度都可以做到好朋友....

Clubbing

近期clubbing嘅次數真係買小見小,由幾年前嘅every weekend,到而家嘅差不多一個月先得一 次,真係相差好遠,主要原因一來係好難約到有人去,二來玩得太多有D厭啦。

星期六相約友人到中環suger玩一次,早有聽聞果度裝修唔錯,但始終未去過,而家有幾會去到都唔係想像中咁好,為一可取嘅係地方算大,有D空間感啦,而音樂方面同其他都無乜大分別,總括都係普普通通啦.......可能其望太高啦....

而家Clubbing相對起以前無咁好玩,而家D人好似吐厭D無乜禮貌,好黑人憎.........

星期五, 1月 20, 2006

Music----ringtone

當有手提電話普及嘅時候,電話玲聲經已唔係只得...ring ring聲.....由開頭嘅midi玲聲到而家嘅mp3玲聲,我們都係中意張自嘅中意嘅音樂轉為玲聲,並同人分享。

其實mp3玲聲係有好多好處,第一知到電話響,這個係最基本嘅用途,第二為歌手免費宣傳,第三脫黎古板焗限,自成一格........
但經常遇到D人,因為經常轉玲聲,而令自己唔知自己電話響嘅人......自己攞黎衰

近其愛上了聽Soul 首選 Ray Charles

比較

當一樣野全世界得一件嘅時候,就會唯佢獨專無人能比,但當出現左第二件嘅時候,就會自自然然不自覺地做了比較。

我們嘅生活都係一樣,細個果時會比D姨媽姑姐,同D表姐妹比高,“B仔過黎度下邊個高D“ ,大D就會比下學業成續......其實不單只別人會張我地比較,自己亦都會不自覺地同人比較,見到人地年小有為,反觀自己一事無成,眼見人地英明材俊,反觀自己其貌不揚,各樣各樣........都會同人地比下去,可能都係現今社會嘅一個指標,好似要去到一個位先至叫成功,先至叫完成,在咁樣嘅情況下產生了兩個極端,一個叫自大,一個叫自卑,我們嘅一生就係在自卑同自大之間不停浮浮沉沉。

今日好鬼黑,想乘船發現去到碼頭,碼頭close左,轉乘車,又遇到大塞車,回到家又收到個bad news......too bad...

星期二, 1月 17, 2006

飯局

年近歲晚飯局特別多,今個星期都有好幾個飯局要到.........不同嘅朋友聚聚,都幾開心家......

星期日, 1月 15, 2006

Music----頒獎禮

一到12月尾一月頭就會有好多頒獎禮,以前讀書時都會好留意獎項進熟,不過好耐之前都無乜點留意,其實不外呼都係一場show,個個煮飯單位都話自己最有公信力,個個都係表達民意,咁到底誰是民意呢......

其實不外呼又係一方面拉薩關係,擴大勢力,另一方面怕得失人,大分餅仔,商業社會真正公平係真係好難做到.....只係睇下邊個分得明顯D定係邊個喊得勁D姐 ......

星期五, 1月 13, 2006

無心機打過

本來打左一大段字,一不小心點知洗晒.......又無乜心機打過.......激死我啦....有幾會先再講.......

星期三, 1月 11, 2006

大假

今早收到個E-mail,內容大至講我來年1/1/06 - 31/12/06 將會有十多日假期,見到都好開心心喎,係時候想想幾時去旅行啦......

星期二, 1月 10, 2006

半殘半廢嘅band room

今日約同一班band友一同出來夾下band,一向都在位於旺角一間band room處夾,今次話想試下另一間同樣在旺角嘅bandroom,睇下D器材得唔得......

點知........兩個字失望,D器材真係好唔掂,唔單止個鼓唔得,其他樂器都唔係咁掂,我估最得可能就係得支mic......搞到大家都有D失準添....
book左兩個鐘,set野都set左10個字......下次一定唔去.....

星期六, 1月 07, 2006

期待+興奮

我最愛之一嘅蘇格蘭樂隊,Franz Ferdinand 將於2月來港演出,我經友人買了當晚門票,實在令我非常興奮及期待........快D到啦....

星期五, 1月 06, 2006

Music -----Live

曾幾何時在紅館開個唱,對歌星來說是何等光榮,可以說成收成正果咁上下嘅意思,又曾幾何時張學友演唱會,排隊排到痴晒線,有錢都未必買到飛去睇.......就知到一個live show對一個歌手來說係幾咁重要,又如果入場嘅人數可以反映到個歌手嘅受歡程度,真係好難想像,當年譚校長點可以連繼開30幾場演唱會.....

其實真正一場出色嘅live show,制作上真係一D都唔簡單,有歌手,音樂,演奏,和音,音響,燈光,服裝,舞蹈,主題背景,幕後人員,每個剛位都要全力發揮才能成功,而且唔可以有take two......都唔係講笑....

近日睇左兩套DVD,分別係U2 Chicago 05 Live, 另一套係 Alicia Keys Unplugged,前者係神台級姐合,成個show可以用勁來形容,Rock得好勁,好有水準,而且現場氣氛高漲,十分精彩。後者係R&B小天后ALicia Keys,聽開R&B嘅應該唔會唔識,在LIVE show 中佢多首歌曲以鋼琴伴奏,而且現場演繹很有水準,同樣係精彩之作.....


昨夜燈光燦爛

同班朋友仔出來影燈飾,有人都覺得我無心影,其實我係有心無力姐.........相機太差啦.....哈

星期三, 1月 04, 2006

返工症候群

經過一個長假期之後,又要返工啦......返左兩日都未回狀態.......仲好想繼續放假呀.....

星期一, 1月 02, 2006

終於有日停一停

一次過講返近日嘅事先......

31/12/05
當日係除夕晚,晚上約左一班小學同學,到其中一位於九龍城家的天台上BBQ,果間屋大到不得了,只係個廳都千幾尺,十幾人開P都無乜問題,在火埋中倒數,都係第一次,之後就係飲酒....真估唔到,8個人飲,都可以清左.一支紅酒,一支芝華士,一支black label,同埋一支vodka.....真係好驚人,換來嘅係個個嘔到九彩,雖然我都有嘔,但神智凝然清醒,但最令我意外嘅係,當我在廁所嘔完出來之後,見到其中一位男性朋友,不停高聲嚎哭,並不停自債,內容大約係,“自小單親家庭長大,受盡白眼,現今有一子一女,可是老婆走左老,佢唔想自己D仔女好似佢咁樣,而且覺得好辛苦“,由於佢嘅事一同引發起其餘同樣係單親家庭長大嘅其他人一同擁抱嚎哭,我當時無乜可以做到,不知不覺睡著了......第二天醒來問返當事人知唔知自己做過D乜,佢話完全無印像,仲問返我地佢講過D乜......2005嘅事過去左就算啦,希望佢06會有好嘅開始啦......

1/1/06
返到屋企都成點,小睡了片該,又要出去另一個PARTY,一早約定今日到輝哥新居同大家聚一聚,都離不開雀局同WINNING,我都有年幾無打過牌,新一年有好開始,其開得勝........ 好野........快活不知時日過,離開時經已係晚上4時啦,立刻打的回家......睡

2/1/06
今日終於可以比我還返D睡眠債,睇下碟,聽下歌........充電中

星期五, 12月 30, 2005

MUSIC----SoundTrack

上兩個星期分別講左CD COVER 同MUSIC VEDIO,今次就同大家講下SoundTrack,SoundTrack定議係原聲大碟,不一定在電影,其他如劇集,GAME都可以有原聲大碟,總之在電影,及GAME內所出現過嘅音樂,或音效都可以叫做SOUNDTRACK。
SoundTrack 其實同之前講果兩種有小小分別,CD COVER 同MUSICVEDIO,重要部份都在意音樂本身嘅質數,果兩樣只係作為輔助之用,但Soundtrak就剛剛相反,以電影為例,音樂只係作為電影中其中一個環節,而佢嘅作用係令看電影觀眾,在畫面交代劇情嘅同時,用音樂提升畫面效,令觀眾同時得到視聽享受,而SOUNDTRACK嘅基本要求,就係要同套電影配合,令觀眾產生共鳴.....

好嘅soundtrack music係可以看完電影後,會第一時間去買隻soundtrack返來聽,一聽到之後就會聯想起果套電影嘅每個畫面。有兩套電影嘅soundtrack我係特別中意仲特登買埋隻碟添,一套係“無痛失戀“入面果D鋼琴聲真係同套戲好match,每次聽返都好有feel,而第二套係舊小小,"Notting Hill "中文名叫“摘星其緣“我都不知睇過套戲幾多次,次次睇完都好有feel,其實個故事幾簡單,但簡單得來有D位又好到,而且隻主題曲好好聽,個名叫"SHE"ELVIS COSTELLO主唱 好有味道好正.......

http://www.notting-hill.com/index.html


星期四, 12月 29, 2005

06年施証報告

本來都諗住打埋個05回顧Vol2,不過諗下諗下,諗在5個重要嘅就夠啦,而且其他果D又唔係咁特別,過左去就算啦.....應該要展望未來,所以删除左個Vol2,換左而家個“06年施証報告“計劃一下仲好啦.......

1. 由於我入世經已有好一段日子,工作上都累積了一定嘅經驗,但尚未感覺到有什麼突破性嘅發展,雖有上升但十分援慢,因此將會投放大量資源,作多方面發展,以擴大本身之經驗值,同增加個人創作空間。

2由於上個月家中增設了一套電子鼓,以作練習之用,所以隨時可調配時間作出練習,以不至令該組件做成錯誤投資,因小失大。而05年嘅進步幅度較大,有望06保持平穩嘅上升幅度,去到令一個新嘅層次。

3.學業方面,由於到12/06課程就會完結,希望能完滿完成整個課程,及對工作有正面嘅影響。

4感情方面現時並無任何打算,只有見步行步,一切順其自然....

5.現正儲備基金,為明年出國旅行鋪路.....地點未定....可能會係一直想到嘅歐洲,或韓國等地,視乎時間同金錢而定.......

以上係本人06年施証報告 嘅大方向,由於世事千變萬化,世事如棋,如有任何修改恕不令行通知........

多謝各位....

PS,係咪好官腔呢......哈

星期三, 12月 28, 2005

05年大事回顧 vol.1

又到年尾各人都開始總結一下今年做過嘅事,同所作所為,我都想來替自己在此來個總結......回一回帶。今年嘅𨍭變特別多,有好有壞,有開心有不快,有D人要多謝等等....事不而遲去片....

1. 最大單嘅都莫過於我從回單身一族,10年以來都有人相伴,但現在又要從新學習單身生活,命運安排無得改,分手嘅決定,可能真係對大家來說,都係一件好事,可惜感覺絕對有,但興幸大家都沒有因愛不成,變成恨,對於一向認為分手後,做唔到朋友嘅觀念嘅我,都有所改變,最低限度我們在這方面大家都進步了不小.......雖然唔知有幾多機會,可以再一齊返,但我都一樣會咁關心妳嘅.....

2. 音樂路途嘅大躍進,在年初時機玄巧合下認識在一班夾band嘅朋友仔,佢地幾位有高超技術,都委身接收一個初出茅蘆嘅鼓手。之前有人講過,學音樂就好似打波咁,練習同實戰同樣重要,音樂最緊要係有交流,同其他人夾一夾,總好過自己死練爛練,其實夾band除左歌要夾之外仲有好多野要夾,如性格,時間,等等.....有咁嘅機會確係難得。

3. 一年內轉左兩份工,上一年今日我還在一間聖誕燈飾公司做緊,人工好好,工作量不多,可事前途有限,所以完成左04-05年度嘅聖誕及新年燈飾之後,就離開左這間公司,轉到一間轉口公司為GRAPHIC DESIGNER,可惜做了3個月用了我不懂維修PC為理由,加長我試用期,由於我本人都用MAC,都唔係咁中意用PC,又無心去學PC點維修,所以都係辭退左果份工,但又好有幸在幾日內找到而家份工,雖然而家份工,有時都會悶D,D Artwork 全部都係做NOTEBOOK,但勝在各方面自由度都好大,同事同埋個工作環境係前所未有咁好,所以証明我嘅決定係無錯嘅。

4. 又再上學,放下了書包都有年幾啦,之前嘅夜校課程係IVE 嘅PRODUCT DESIGN,讀左兩年PRODUCT都係唔係咁0岩我,無意向果方面發展,所以今次選讀了科大嘅multi media,我相信應該適合我,可能我較為中意按UNDO多過,要從新做過個模型掛....雖然時間長D但係可以分配到時間去做功課,自己同自己講,加油啦.....


5. 寫BLOG,都可以係今年中大事之一,有邊個site會日日都check....無錯就係自己個BLOG,這個發明對我來說都幾大影嚮,會令唔寫日記嘅我,記低我做過嘅野,會發表一大埋謬論,令我打中文字打得快D,最緊要係識到一班網上朋友仔,本來由一班大覽都拉唔埋嘅人,變成玩埋一齊嘅朋友,科技發達真好....

待續.....

星期二, 12月 27, 2005

05聖誕節

27/12/05 1:00AM 剛從大陸回來,回家第一樣野就係CHECK BLOG同E-mail.......而家等我好簡短咁講下我在今個聖誕做過D乜啦....

24/12/05
當晚係平安夜,一早約左班朋友仔出來歡渡聖誕,在中環某大廈天台開左個PARTY,咁好玩,我就更係會到啦,果晚真係笑到停唔到呀,又有醉漢唱歌,又有神婆占卜,又有同張相唔似樣嘅小魚,又有好似我咁勇第一次單拖付會嘅烈女,最緊要係有兩個好回味嘅芝士蛋糕,好好味,再配合香純紅酒,0岩晒為食嘅我,之後一班人仲去左bar再玩過........一身酒氣,回到家經已係3:00

25/12/05 - 26/12/05
早上7:30起身,渾渾噩噩,頭痛醉未醒,就要出門口啦,一早買左車票返大陸玩,目的地係朋友屋住"祈福新村"其實上次嘅祈福之旅,經已係差不多3年嘅事啦,今次再次去到其實都無乜點變,亦無乜特別野要做,只係一班朋友上去食下野,打下牌,relax下,個感覺有D似去左長洲宿營咁,食飽就玩,玩飽又食.......玩左3日真係有D累啦,好彩明日都唔洗返工jack ........:)