星期六, 10月 22, 2005

funny Movie


無無聊聊睇左套非常超現實嘅戲,<星際快閃黨>個名就唔係咁吸引,其實我開頭都只係比佢個機械人嘅造型吸引到,但係個故事真係一絕,佢唔算係編排得好好,仲有好多位係係乜交代,但係創意真係一流,有好多野都規佢諗到,又改變左世界觀.....而且套戲好多笑位,真係停唔到,有一幕講到有條藍鯨,在幾萬尺高空跌落地面時個腦嘅諗發,出人意表,十分出色....真係唔買都租黎睇下....誠意推介

星期五, 10月 21, 2005

底處未算底??

自從開始入左低潮期之後,好似有連帶關係咁一浪接一浪,在不同的範籌中都總有D地方係令我感覺到錯敗感,由工作到生活都無一幸免,到低幾時先至到谷底呢,到左谷底我又可唔可以反彈呢??仲係未知之數.........

星期三, 10月 19, 2005

MAROON 5



最幾日買左隻 live 的 DVD, MAROON 5 係我最愛嘅樂隊,就更係會支持下啦,歌嘅方面就無乜問題,不過D拍攝就差D啦,好似好舊,同好矇咁....有點失望....

星期一, 10月 17, 2005

最後判決

對於一個犯人來說,判處死刑可以話對佢最大嘅打擊,雖然其實都心中有數,但係到宣判一刻,果一份打擊同痛心可能只會得佢一個人知道.

當有人個知道結果之後,有人會搖頭嘆息,亦有人會講,低佢啦唔洗可憐,一日都係佢夠由自取,無惡不作........低死...

但係對於佢這一刻果份無奈嘅心情,笑過,咸過,都無一重表情能夠表達果仲感覺,而佢而家可以做嘅可能,只有係一步一步走上刑台坐上電椅,合上相眼回味一下以前風光的日子,同時亦希望當有幸可以張開眼晴的時候,可以能夠再見番這個世界........

replay

每一次聽番夾band時候嘅歌都覺得好搞笑,搞笑就更係甩到九彩果D位啦......不過有時都幾滿意,都幾開心架,而我發現同一隻歌,頭幾take一定甩得好緊要,打到尾就會越來越ok,同班人中個個都卧虎藏龍,我咁嘅小番薯角色就更係要努力D啦......

星期六, 10月 15, 2005

义電人

由於 apple Ipod 家族都出左好一段日子,價錢都越來越平,而ipod nano更成為一個熱潮,有好多PC人都擁有左ipod,而公司都經已有好多人裝左itune,由我帶頭搞嘅itune share music 已經相當成熟,一開itune都可以有6, 7 個人share佢地D歌,以我為例我大陪份都係英文歌,hip hop, R n B....有位同事就好多電子野,有D主打中文歌,有D古靈精怪乜都有,其實咁樣都幾好,可以同人分享一下自己中意嘅音樂,又可以聽下其他人D歌.......

而加強左播片工能嘅itune,itune 6.0 我經已安裝左,亦好快入晒D MV入去,而今個itune6 在整理MV方面十分之方便,但係暫時好似係唔可以shareD MV比人地睇,唔知遲D得唔得呢.....

由於有好多人都用ipod,而我又經常有條cable在公司,有見及此我就要成日同佢地义電,有時义完一陪又一陪,真係變左一個义電人....

星期四, 10月 13, 2005

理所當言

人就係咁,當你擁有嘅時候一定唔會去珍惜,好似擁有一切都理所當言,亦唔會諗有一日會失去。但當有一日你真係失去左嘅時候,到時你先至會識得去後悔,埋怨自己之前無做好自己本份,無去好好珍惜,無去付出,無去圍系,無去關心,無去講,無去做,總之好多野可以做到但係無做到,但當知到可能經已係太遲,好多野都經已唔係你自己可以控制到,到左這個時刻,到底除左無奈地目送佢離開,我仲可以有乜野做到呢.....

星期二, 10月 11, 2005

我在理工大學嘅一項研究工作 Vol.3

今晚又要去做研究,除左如常做一D基本應聲練習,不過今晚又有新野玩,....
我全程都係矇眼進行,玩法係佢有9粒一樣大小嘅正立方體嘅積木,上面有2粒係用沙紙包住以示色別,然後佢張積木3粒1行分為3行,而我就要用手找回果2粒嘅位置,然後佢會比個名果2粒積木,一個叫 A,一個叫B,之後佢會一次過講A向左行一步,B向下行一步,A向上行一步,B.......如事者每粒行3步,講完之後我就要憑記憶話返比佢知A同B所行嘅每一步,同埋佢地最後嘅位置.....好似好易
之後會增加難度,要記得A同B所行嘅6步同位置....哈仲過到關,好!加多一粒叫C,要記得A,B,C所行嘅3步,到仲過到.....最難嘅係A,B,C所行嘅6步.......玩唔到啦.....由於唔可以靠視覺去分別,單憑聲音同記憶確係有D難......不過都幾好玩.....

星期一, 10月 10, 2005

超級無敵掌門狗之世紀大騙兔



琴日放左學,一個人無乜野做,就走左去睇戲,數下數下都好耐無入過戲院啦,無記錯的話上一次睇嘅係星戰.....

一向對卡通動畫都幾有興趣(日本動畫除外),而掌門狗亦係我嘅心頭好之一,故事一向充滿英式幽默,傳統嘅泥膠公仔,較而家3D嘅動作更具質感,更需要心機同時間,值得一睇.......

星期五, 10月 07, 2005

Franz Ferdinand 好聽....



最幾日前買左Franz Ferdinand新碟,聽過之後相當滿意,仲好記得第一次接觸這隊蘇格蘭新 band是在HMV試聽,開頭覺得佢D歌路好鬼舊,好鬼娘,而家仲會唱歌唱到好似The Beatles咁out....(The Beatles都係我嘅最愛),但係唔知點解果排去親,都會攞黎試聽下,開始覺得完來娘都可以好型,同好好聽,之後去旺角,見平平地即買.......

而家隊野就硬係紅到飛起啦,而第二隻碟加左好多原素,唔只係一味娘落去,好有新鮮感....值得一聽

PS 從朋友得知之前一路去開clubing嘅club ing 要結業啦今個星期係last weekend,知到都有D突然,話晒果度都係我第一次Clubing嘅地方,跳過咁多次舞,都應該甩唔小腳毛,最難忙就更係同Dfriend出黎玩嘅情景啦..........

星期四, 10月 06, 2005

病了

由於秋風起,我終於都病左啦........

星期三, 10月 05, 2005

我在理工大學嘅一項研究工作 Vol.2

今晚再次進行我嘅研究工作,(詳情請看9月10日 嘅Blog),今次唔洗去照腦啦,而今次係去學習,點樣分別6種唔同嘅"得得聲“無錯如果唔學真係分唔出D"得得聲“有乜分別,講下個原理啦,主要係用一個會發射超聲波嘅眼鏡,一方面射出聲波,一方面接收聲波,再由精片轉化為6種比肓人聽嘅“得得聲“以唔同嘅高低音來分別,近,中,遠,布,木,鐵,而肓人就利用聲音分別面前嘅環境同不同物料,有D似蝙蝠嘅原理。

由於比肓人用,所以全程都要矇眼進行, 而且佢仲唔想我對間房個空間有印像,因為會對個結果有影嚮,所以去到樓梯口就要矇眼,好似比人縛架咁...哈,由於好快手就熟晒佢D分別,又好快就達到要求,做第一次測試就o岩左90%,佢話好小人第一次就o岩咁多所以提早收工.......

星期一, 10月 03, 2005

DVD

幾日假期無乜好做,向同事借左幾隻碟黎睇,如下....

bjork嘅2002 live 一般比較小聽佢嘅歌,佢D歌都係以大膽,創新比較藝術為主,有時都唔係好知佢唱乜,平時多數見到佢好多好靚嘅MV,同事推薦下睇左個LIVE,現場演繹得好精彩


又係同事借我睇嘅,由李修賢主演嘅"中國超人“係十幾年前卲氏出品,可以話係香港第一套,好似矇面超人嘅電影,其實都幾長,同有小小悶,因為個故事都幾簡單,但係成套嘅都幾應真,D導具都唔會有一種好流嘅感覺,仲有原來李修賢十幾年前都幾靚仔家。


終於有一套係自己買,係usher live 05,一向都好鐘意佢唱歌,同跳舞,佢個Live show 可以用好睇來形容,十分精彩,而且D家賓都好勁,有Beyonce, Fat joe.......勁

星期日, 10月 02, 2005

軟硬

有同事在網上找到所有當年嘅電台節目,加加埋埋都有成1GB幾,一次個聽左好耐,都未聽得晒,不過確係好搞笑.......

PS thx every body 多謝關心,好多野上末放低,但人都仍然係要生活........

到低時間係用來慮積關係,定係用來冲淡一切........

星期二, 9月 27, 2005

晴天霹靂

突然收到個MASSAGE,晴天霹靂trun me down

:(

星期日, 9月 25, 2005

諗唔到野

今個星期,完全腦閉塞......好多野都解決唔到,搞好到好多野D進度好慢..............唔該快D通返啦.....

星期五, 9月 23, 2005

It's the long way to the top of rock n roll

又到左夾band 日子,今次有小小懶,練得唔係咁熟,不過都ok啦......下次會再好D家啦.....
:) 今晚有幸高歌一首,諗諗下都好耐無唱歌啦.....而今次係第一次夾band唱歌....哈好搞笑 :)

早幾日去過通利,見到人地試緊鼓,嘩好經,都唔知幾時先有佢一半,需然而家都叫做打到首歌,同人地夾下玩下,但係要去到果個竟界,都唔知要到幾時.........

It's the long way to the top of rock n roll(AC/DC)

星期三, 9月 21, 2005

偉哥飯局

哈.....打完個title之後都覺得有D搞笑,唔係食偉哥嘅飯局,同偉哥食飯

自從偉哥入左(敵視尼)做之後就音訴全無,今日機玄巧合之下同倒佢食飯,好難得架,同行仲有KY(都係(敵視尼)人),我就更係大問(敵視尼)嘅野,工作嘅人同去玩嘅人係好大分別架...........

之後去左HMV....試聽左林狗隻碟,都幾好喎,比我想像中好,早果幾隻碟確係有D失望,但係今次都做得幾好,好吸引,不過都幾貴,等佢降下價先,同期絕對其待 Franz Ferdinand vol 2

星期一, 9月 19, 2005

中秋節快樂

咁多位朋友仔,中秋節快樂

:)

星期六, 9月 17, 2005

iTune + Mobile

到同事新買左個手提電話,正正係新出嘅Motorola ROKR,內至左itune 功能,新頭見佢在發報會中發表時,未覺驚喜,但今日見到實物,就令我蠢蠢欲動。

有人問我:你有一個20GB嘅ipod仲要個重點有itune嘅電話用來做乜呀??咪從復左,但係我就咁諗,有時要出夜街,又唔想攞咁大個ipod出去飲野,咪可以用果個啦。而且入面有好多工作嘅file,萬一唔見左或者壞左就唔好啦,有個咁嘅電話都幾方便.
第二個好處係佢用itune控製佢D歌,可以直接由家中個imac搞掂,十分方便。
第三係價錢合理,定價係1,900左右,一般如sony,用得下都要$2,500以上,新出更要$3,000以上,對我黎講手提電話,唔洗咁貴...其實好多手機係強在影相同拍片,這兩樣對我而言,係可有可無,因為我好小用手機影相....無乜用
第四係小弟個手機壞壞地,係時候換一換啦....

星期四, 9月 15, 2005

開心飯局

今晚好出奇同左一班從來未見過面,但又好了解大家近况嘅朋友食飯,無錯就係個Blog上面識嘅朋友仔,真係聞名不如見面,個名就見得多啦,見面都係第一次,nice to meet you everybody.....
:)

PS :Tammy Happy Brithday
AA thx the moon cake
:)

星期三, 9月 14, 2005

投訴

肥姐寵愛自己個女就係人都知,一心想個女出名。但如今當佢睇到D投訴個案數字有會有乜野感受呢??

而家D觀眾經已去到一個人身攻擊嘅地步,觀眾以經唔會睇佢嘅演技,一見到佢個豬頭一出現就投訴,我估而家欣宜除左扮豬唔會比人投訴之外,扮乜都會收到投訴電話。

肥本身無罪,但係衰就衰在佢個格衰,成日白鴿眼,又自以為瘦左好靚,減左出黎咪又係肥妹一名,只不過無咁肥占咪。最衰就係成日扮乖,係呀媽面前就好似貓仔咁,出到街就描嘴描舌......試問咁樣又點會有觀眾緣呢...想紅,又或者想食這行飯,唔該改改啦.....

星期一, 9月 12, 2005

LIVE........

早幾日講過stomp會在香港開show,原來女友一早買左飛,今日終於可以一睹佢地LIVE 表現thank you 晒,
LIVE 真係比睇DVD好好多,成個表演好好立體,平時睇碟,只可以睇到鏡頭下嘅畫面,而睇舞台係成個整體,一次過睇晒,加上現場嘅音效更是一絕好睇,最後全場起立拍掌.......好好feel....

密密麻麻嘅一DAY

1 星期六上午如常上班,唔係太多野做 (9:00-1:00)

2下午如常要返學,差唔多全程小組討論 (2:30-7:00)

3緊接係去夾band,今次演出各人表現都幾好,出黎嘅效果都好唔錯,keep住keep住 :)之後同佢地聯誼下飲下cafe (8:00-1:00)

4唔好以為我會乖乖地返屋企,哈......出左去TST朋友間bar度飲下酒....雖然我係單枝上去,但係果度出入嘅一係就老闆D朋友,一係就老闆D朋友嘅朋友,39唔識7都可以玩一大餐....我到最就更係不醒人事啦,不過有度好話晒都係自己地頭,安全感都大D啦。醒返已經係早上
7:30啦........仲未回度魂,那那林搭的士返屋企訓..... (1:00-...............

星期六, 9月 10, 2005

我在理工大學嘅一項研究工作

我在理工大學嘅一項研究工作,主要任務係比人研究.....,

理工大學正研究一件幫肓人辨別方向嘅工具,而做之前需要大量數據,同參考資料,我嘅作用就係同佢地做聽力測試,再用磁力共震機進行腦部掃描,來測試出聲音,視力,對腦部嘅不同區域嘅唔同反應,以作參考......

全程在一部好嘈嘅機入面進行,由於要蒙眼進行,所以做下做下鬼死咁眼訓....好可能我係訓著過... :)
做完出黎見到個Mon上面有自己個腦掃描,諗都無諗過可以咁仔細睇到自己個腦嘅橫切面.....乜我個腦係咁樣有幾會比大家睇睇....

整個研究共7次,仲有排做.......

PS 有一樣野想提一提,原來做磁力共震係嚴禁有金鐲物品入內,更嚴禁體內有金鐲裝置人士進行,原因係磁力共震會以高磁力來進行掃描,因此金鐲物體會被吸引,勁度好可能會以子彈嘅速度射出體外,好可能會有生命危險。

星期五, 9月 09, 2005

ipod 新機

今日個News關於ipod佢又出左部新機,叫ipodnana外型實在超型,比起ipodshuffle 大小小,但係比起ipod 就係簿好多.....好似張card咁真係好型,最正就係有個全黑版......cool 唯一係我縑佢得4GB唔係好夠用

事不而遲快D上www.apple.com 睇睇

星期四, 9月 08, 2005

風暴之後

美國嚴重風暴,本身以經係一件大事,但係原來因為風暴所帶來嘅問題同事後嘅事,比起風災問題仲大,打劫,殺人,強姦,無奇不有,再深入D更會睇到種族,膚色,財富等問題....種種問題就正正在自命為正義嘅國家美國上發生,十分諷刺......

星期二, 9月 06, 2005

Blue man group



Blue man group 係一team 3個人嘅組合,用D不同長度嘅水喉通作樂器,再配合rock music 非常精采

星期六, 9月 03, 2005

STOMP



早幾日有位同事借左兩套DVD比我,講清楚先唔係四仔哈,係兩套佢話好出名嘅boardway show...一套係stomp另一套係blue man show
,佢知我有玩打鼓,所以就極力推介我睇以上兩套碟,佢雖然話借比我,其實佢係幫我燒好隻碟,仲特登買埋個DVD盒,仲幫我影埋封面cut
好比我,同出信和買無分別,就睇得出佢幾有誠意推介比我啦.

返到屋企第一時間,開黎睇睇有幾咁正,STOMP係一隊野個名,主要係用音樂+舞蹈,咁樣講好似無乜特別,佢地最特別嘅地方係佢都會用生活中的日常用品來做音樂如,水喉,垃圾箱,掃把,火機,碑牌,總之係張音樂隔入左生活,做成一個個場景,佢地個舞台好街頭,好有日常生活嘅味道...精彩我都極力推介

從同事得知9月stomp會來港表演,佢計埋今次係睇第3次,就証明有幾得啦,睇完套野搞到我都想睇下佢地Live嘅表演添....

另一套係blue man show 未睇下次講........

星期五, 9月 02, 2005

猿人

而家猿人嘅影嚮力真係勁到無人有,行出街碰口碰面都係猿人,由死靚仔到明星仔都係著猿人,仲件件都鬼死咁大個猿人頭,都唔知佢真定假,自問自己都好名牌,猿人都有件,不過要我比$700幾買件出街撞衫撞到7彩嘅猿人tee,又真係有D難(除非個PRINT好靚啦)

到左而家買衫有兩個選擇....A買D再貴D如 Number nine, Comme Des Garcons, Dior homme......可惜買唔起......
B一係就買D底小小,有牌子得黎,又唔太差就算啦,隱藏好過撞衫呀.....

不過見仲有時間又去睇睇猿人又有D乜新野先...
:)